ប្រធានមន្ទីររ៉ែ និងថាមពលខេត្តកំពត ចុះណែនាំម្ចាស់អាជ្ញាប័ណ្ណឱ្យឈប់កាយដីភ្នំ រំខានសាលារៀន

ប្រធានមន្ទីរ រ៉ែ និងថាមពលខេត្តកំពត បានដឹកនាំក្រុមការងារ ចុះត្រួតពិនិត្យការដ្ឋានកាយដីភ្នំក្ងាបមួយកន្លែង ស្ថិតនៅភូមិភ្នំក្ងាប ឃុំស្វាយទងខាង ជើងស្រុកកំពង់ត្រាច ខេត្តកំពត បន្ទាប់ពីសារព័ត៌មានបានចុះផ្សាយនាពេលថ្មីៗ ពីបញ្ហាកាយដីភ្នំក្ងាបធ្វើឱ្យមានការប៉ះពាល់ដល់ ការសិក្សារបស់សិស្សសាលា នៅថ្ងៃទី១៧ ខែតុលាឆ្នាំ ២០២២។

លោក សោម វិចិត្រ ប្រធានមន្ទីររ៉ែ និងថាមពល ខេត្តកំពត មានប្រសាសន៍ប្រាប់ទៅម្ចាស់អាជ្ញាប័ណ្ណ ត្រូវតែធ្វើតាមការណែនាំរបស់មន្ត្រីជំនាញដែលបានកំណត់អនុញ្ញាត កុំធ្វើអ្វីកុំហួសពីការកំណត់របស់មន្ត្រីជំនាញ បើមិនដូចនោះនឹងប្រឈមពិន័យ ឬបញ្ឈប់សកម្មភាពអាជីវកម្មតាមច្បាប់។

លោកគ្រូ និងសិស្សានុសិស្ស នៅអនុវិទ្យាល័យភ្នំក្ងាប ថ្លែងអំណរគុណយ៉ាងជ្រាវជ្រៅ ចំពោះមន្ត្រីជំនាញ និងអាជ្ញាធរ ដែលបានចុះមកណែនាំ អប់រំ ដល់ម្ចាស់អាជ្ញាប័ណ្ណ ផលខ្មែរអភិវឌ្ឍន៍ ឱ្យឈប់ធ្វើសកម្មភាពកាយដីនៅក្បែរសាលារៀននិងឈប់ឱ្យរថយន្តរត់ឆ្លងកាត់ផ្លូវនៅក្នុងសាលារៀនបន្តទៀតនេះ។

អត្ថបទ៖ សឹង រ៉ាត់