ព័ត៌មានជាតិ
បងប្អូនជនជាតិកាវ៉ែតនៅស្រុកសៀមប៉ាង រែកបន្លែត្រីសាច់ធម្មជាតិលក់ អំពាវនាវអតិថិជនជួយគាំទ្រ
បងប្អូនជនជាតិកាវ៉ែត រស់នៅភូមិ-ឃុំសន្តិភាព ស្រុកសៀមប៉ាង ខេត្តស្ទឹងត្រែង ពួកគាត់រែកបន្លែ ត្រី សាច់ លក់ តែពុំសូវមានអតិថិជនគាំទ្រជួយទិញយកទៅបរិភោគទេ។ ទោះបី បន្លែ ត្រី សាច់ ទាំងនេះ ជារបស់ធម្មជាតិ ដែលពួកគាត់រកបានពីព្រៃ ដាំដុះខ្លួនឯង យកមកលក់ក៏ដោយ។
លោកស្រី ប៉ៃ លៃ បានឲ្យដឹងថា ពួកគាត់សុំឲ្យបងប្អូនអតិថិជន ជួយទិញបន្លែផង គ្រាន់បានប្រាក់ជាថ្នូរនឹងការដោះដូរទិញស្ករ ប៊ីចេង ទឹកត្រី ទឹកស៊ីអ៊ីវ អំបិល សម្រាប់យកទៅផ្គត់ផ្គង់ជីវភាពទៅតាមគ្រួសារនិមួយៗ។ ព្រោះពួកគាត់ គ្មានមុខរបរអ្វីធំដុំ សម្រាប់ចិញ្ចឹមជីវិតនោះទេ។
លោកស្រីបន្តថា បច្ចុប្បន្នប្រជាពលរដ្ឋយើងនៅទីជនបទផ្លាស់ប្ដូរទម្លាប់ពីការពឹងផ្អែកលើផលអនុផលព្រៃឈើ មកដាំបន្លែតាមអាជ្ញាធរណែនាំ និងរែកបន្លែ ត្រី សាច់ ដែលពួកគាត់រកបាន យកមកលក់ គ្រាន់បានប្រាក់ចំណូលតិចតួចសម្រាប់ដោះដូរទិញសម្ភារៈផ្សេងៗ ចំណីអាហារ គ្រឿងបរិភោគឧបភោគ ប្រើប្រាស់ផ្គត់ផ្គង់នៅផ្ទះសម្បែងវិញ។
លោក ឡៃ ស៊ីវ៉ន ប្រធានការិយាល័យរដ្ឋបាលស្រុកសៀមប៉ាង បញ្ជាក់ថា បន្លែបង្ការ ត្រី សាច់ ដែលបងប្អូនជនជាតិកាវ៉ែត ក៏ដូចជាជនជាតិខ្មែរឡាវ រែកយកមកលក់តាមទីផ្សារនេះ ប្រជាពលរដ្ឋយើងតែងតែជួយទិញរបស់ពួកគាត់មិនដែលអាក់ខាននោះទេ។
លោកស្រី ថារី អាជីវករលក់បន្លែនៅស្រុកសៀមប៉ាង បញ្ជាក់ដែរថា បន្លែបងប្អូនជនជាតិយកមកលក់នេះ គេតែងនិយមបរិភោគ។ មិនដែលរើសអើងចំពោះបងប្អូនជនជាតិយើង ដែលយកបន្លែមកលក់នៅទីផ្សារនេះទេ។
លោកស្រីបន្ថែមថា ពួកគាត់តែងតែជួយប្រមូលទិញទាំងអស់សម្រាប់យកមកលក់បន្តផងដែរ ព្រោះជាបន្លែធម្មជាតិ មានអ្នកនិយមបរិភោគច្រើន។
លោក ដាក់ ដាវ ប្រជាពលរដ្ឋនៅឃុំសន្តិភាព ថា ការប្រកបរបរកសិកម្មនេះ បងប្អូនជនជាតិនៅតាមតំបន់ដាច់ស្រយាលក្នុងស្រុកសៀមប៉ាង បានខិតខំប្រឹងប្រែងដាំដុះដំណាំកសិកម្មបានច្រើន ដូចជា បន្លែគ្រប់ប្រភេទ ដើម្បីយកមកផ្គត់ផ្គង់ទីផ្សារ តែក៏មានបន្លែបង្ការមួយចំនួនបេះបានពីព្រៃមកដែរហើយការលក់ដូរតែងតែនៅសេសសល់ខ្លះៗ។
លោកបន្តថា ការដាំបន្លែបានច្រើន យើងបានទប់ទល់ជាមួយនឹងបន្លែនាំចូល ពីព្រោះស្រុកសៀមប៉ាង ជាស្រុកមួយស្ថិតនៅឆ្ងាយពីទីរួមខេត្ត ហើយបន្លែបង្ការក្នុងស្រុក មានប្រភពច្បាស់លាស់ ដែលបងប្អូនយើងដាំដុះក្នុងភូមិ។
សូមបញ្ជាក់ថា នៅស្រុកសៀមប៉ាង មានបងប្អូនជនជាតិដើមភាគតិចក្រវ៉ែតរស់នៅភូមិ-ឃុំសន្តិភាព ពីដើមឡើយ ពួកគាត់ច្រើនតែពឹងផ្អែកទៅលើផលអនុផលព្រៃឈើតែប៉ុណ្ណោះ។ បច្ចុប្បន្នពួកគាត់បានផ្លាស់ប្ដូរទម្លាប់ និងទទួលបានការណែនាំពីអាជ្ញាធរ ងាកមកដាំបន្លែលក់នៅទីផ្សារ ដើម្បីបានប្រាក់ចំណូលសម្រាប់បន្ថែមក្នុងការផ្គត់ផ្គង់ជីវភាពរស់នៅប្រចាំថ្ងៃ៕
អត្ថបទ ៖ ងិនលីម
ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%
សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤
នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ
សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២
ក្រសួងការងារ ជូនដំណឹងដល់កម្មករនៅរោងចក្រ អ.ជី ហ្វ៊ូតវែរ ទៅបើកប្រាក់ឈ្នួល និងប្រាក់បំណាច់ផ្សេងៗ នៅថ្ងៃទី ៣០ ខែមីនា
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១៤ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)