Connect with us

ព័ត៌មានជាតិ

លោកជំទាវ ម៉ែន សំអន ៖ អតីតយុទ្ធជន គឺជាអ្នកស្នេហាជាតិ ដែលបានចូលរួមប្រយុទ្ធតស៊ូ ដើម្បីបុព្វហេតុជាតិមាតុភូមិ

បានផុស

នៅ

លោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្ដីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា បងប្អូនអតីតយុទ្ធជន គឺជាអ្នកស្នេហាជាតិ ដែលបានចូលរួមប្រយុទ្ធតស៊ូប្រឆាំងសត្រូវ ដើម្បីបុព្វហេតុជាតិ និងមាតុភូមិ ហើយពួកគាត់ដែលកំពុងមានវត្តមាននាពេលនេះ គឺជាសាក្សីរស់ដែលបានបញ្ជាក់យ៉ាងពិតប្រាកដថា ក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តី បានដឹកនាំការតស៊ូររំដោះជាតិ និងប្រជាជនរួចផុតពីរបបប្រល័យពូជសាសន៍ ប៉ុល ពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ម៉ែន សំអន ថ្លែងបែបនេះ ខណៈអញ្ជើញជាអធិបតី ក្នុងពិធីសំណេះសំណាល និងពិសារ​អាហារស្និទ្ធស្នាលជាមួយនាយទាហាន កំពុងបម្រើការងារនៅក្រសួងការពារជាតិ អគ្គបញ្ជាការដ្ឋាន យោធិនសោធននិវត្តន៍ យោធិនប្រភេទ ២ អតីតយុទ្ធជន ដែលបានចូលបម្រើកងទ័ព នៅឆ្នាំ ១៩៧៧-១៩៧៨ ជិត ៥០០នាក់ មានស្រុកកំណើតនៅខេត្តស្វាយរៀង និងខេត្តកំពង់ចាម។ ពិធីបានរៀបចំនៅក្នុងទីបញ្ជាការដ្ឋានកងរាជអាវុធហត្ថ ខេត្តស្វាយរៀង កាលពីថ្ងៃអាទិត្យ​ ទី ៣០ ខែតុលា ឆ្នាំ ២០២២។

លោកជំទាវ មានប្រសាសន៍ថា បងប្អូនដែលជាអតីតអ្នកប្រយុទ្ធ ដើម្បីបុព្វហេតុជាតិ និងមាតុភូមិ ដែលកំពុងមានវត្តមាននាពេលនេះ គឺជាសាក្សីរស់យ៉ាងសំខាន់បំផុត ដែលបានបញ្ជាក់យ៉ាងពិតប្រាកដថា ក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តី បានដឹកនាំការតស៊ូររំដោះជាតិ និងប្រជាជនរួចផុតពីរបបប្រល័យពូជសាសន៍ ប៉ុល ពត និងការបំផ្លាញអង្គការចាត់តាំងនយោបាយ និងយោធាខ្មែរក្រហម។

ក្នុងនោះ សម្ដេចតេជោ​នាយករដ្ឋមន្ត្រី បានកសាងប្រទេសជាតិពីបាតដៃទទេ នៃគំនរផេះផង់ ដែលបន្សល់ទុកពីសង្គ្រាម លោក-លោកស្រីដែលមានវត្តមាននៅទីនេះ គឺសុទ្ធសឹងជាប្រតិបត្តិករ បានចូលរួមយ៉ាងសកម្ម ក្នុងការអនុវត្តនយោបាយឈ្នះ-ឈ្នះ ដើម្បីបញ្ចប់សង្គ្រាមរ៉ាំរ៉ៃនៅកម្ពុជា នាំមកនូវសន្តិភាព រហូតក្លាយជាប្រទេសមានសន្តិភាពពេញបរិបូរណ៍ រំដោះប្រជាជាតិកម្ពុជាចេញពីភាពក្រីក្រ ហើយបាននិងកំពុងបន្តការអភិវឌ្ឍប្រទេសជាតិដូចសព្វថ្ងៃនេះ ជាពិសេសសមិទ្ធផលថ្មីៗលើសមរភូមិប្រយុទ្ធជំងឺកូវីដ-១៩ ដែលជាមូលដ្ឋានគ្រឹះក្នុងការបើកដំណើរការ ប្រទេសពេញលេញឡើងវិញលើគ្រប់វិស័យ និងការរស់នៅជាមួយកូវីដ-១៩ តាមបែបគន្លងថ្មីនាពេលនេះ។

នៅក្នុងអង្គពិធីនោះផងដែរ លោកជំទាវ ក៏បានថ្លែងអំណរគុណយ៉ាងជ្រាលជ្រៅផងដែរ ចំពោះលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ដែលមានគំនិតដ៏វិសេសវិសាលក្នុងការផ្តួចផ្តើម និងរៀបចំពិធីសំណេះ​សំណាលជាប្រវត្តិសាស្ត្រនេះឡើង បន្ទាប់ពីឆ្លងកាត់រយៈពេល ៤៥ឆ្នាំ នៃការបំពេញភារកិច្ចបម្រើជាតិមាតុភូមិដ៏ឧត្តុង្គឧត្តម សំដៅរំលឹកឡើងវិញនូវប្រវត្តិតស៊ូ និងស្នាដៃ ក៏ដូចជាការធ្វើបច្ចុប្បន្នភាពកម្មាភិបាល និងអតីតយុទ្ធជន មានអតីតភាពបានចូលបម្រើកងទ័ពកាលពីឆ្នាំ ១៩៧៧-៧៨ ដែលបានចូលរួមក្នុងបេសកកម្មបម្រើជាតិមាតុភូមិ នារយៈពេលកន្លងមក។ ជាចុងក្រោយបន្ទាប់ពិធីសំណេះសំណាលចប់ គឺមានការពិសារអាហារសាមគ្គី និងថតរូបជាមួយគ្នា ប្រកបដោយបរិយាកាសស្និទ្ធស្នាល និងរីករាយជាទីបំផុត៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៤ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៧ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៧ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៧ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម