ព័ត៌មានជាតិ
ក្រសួងរ៉ែប្រកាសដាក់ឲ្យដេញថ្លៃតំបន់ធ្វើអាជីវកម្មរុករករ៉ែទំហំជាង១៥០ហិកតានៅខេត្តកំពត
ក្រសួងរ៉ែ និងថាមពល បានប្រកាសដាក់ឲ្យដេញថ្លៃតំបន់ធ្វើអាជីវកម្មរុករករ៉ែដែលមានទំហំផ្ទៃដីជាង១៥០ហិកតា ជាសាធារណៈ ដែលមានទីតាំងនៅស្រុកឈូកខេត្តកំពត។
នៅក្នុងសេចក្តីជូនដំណឹងមួយដែលទើបទទួលបាននៅថ្ងៃទី២៣ ខែវិច្ឆិកា នេះ លោក ស៊ុយ សែម រដ្ឋមន្ត្រីក្រសួង ក្រសួងរ៉ែ និងថាមពល បានជម្រាបជូនដល់សាធារណជន បណ្តាក្រុមហ៊ុនជាតិ និងអន្តរជាតិ ឱ្យបានជ្រាបថា ក្រសួងរ៉ែ និងថាមពល សូមប្រកាសបើកឱ្យដាក់ពាក្យប្រកួតប្រជែងជាសាធារណៈសម្រាប់ទទួលបានអាជ្ញាបណ្ណស្វែងរុករក ចំពោះតំបន់សម្បទានស្វែងរុករករ៉ែចំនួន០១ តំបន់ លើផ្ទៃដីទំហំ១៥៥ហិកតា ស្ថិតនៅក្នុងតំបន់ភ្នំទ្វារប្រាំបី និងភ្នំជ្រោះកណ្តាល នៅឃុំតាកែន ស្រុកឈូក ខេត្តកំពត ។
លោករដ្ឋមន្ត្រីបានមានប្រសាសន៍ថា សាធារណជន បណ្តាក្រុមហ៊ុនជាតិ និងអន្តរជាតិដែលចាប់អារម្មណ៍ សូមស្នើសុំ“ពាក្យស្នើសុំ អាជ្ញាបណ្ណស្វែងរុករក” នៅនាយកដ្ឋានឧស្សាហកម្មអាជីវកម្មធនធានរ៉ែ (ជាន់ទី៣) នៃទីស្តីការក្រសួងរ៉ែ និងថាមពល ដែលមានអាសយដ្ឋាន អគារCមហាវិថីព្រះនរោត្តម សង្កាត់វត្តភ្នំ ខណ្ឌដូនពេញ រាជធានីភ្នំពេញ ចាប់ពីថ្ងៃជូនដំណឹងនេះតទៅ នៅរៀងរាល់ម៉ោងធ្វើការ។
លោករដ្ឋមន្ត្រីបានណែនាំថា ពាក្យស្នើសុំអាជ្ញាបណ្ណស្វែងរុករករ៉ែដែលបានបំពេញរួចរាល់ ត្រូវភ្ជាប់មកជាមួយនូវឯកសារ
និងរបាយការណ៍តម្រូវពាក់ព័ន្ធ ហើយដាក់ក្នុងស្រោមសំបុត្របិទជិតដោយការខ្នង”ឯកសារស្នើសុំប្រកួតប្រជែងរួចប្រគល់ជូន “ការិយាល័យច្រកចេញចូលតែមួយរបស់ក្រសួងរ៉ែ និងថាមពល យ៉ាងយូរបំផុតត្រឹមថ្ងៃទី៣០ ខែធ្នូ ឆ្នាំ២០២២ វេលាម៉ោង១៧៖០០នាទី។
លោករដ្ឋមន្ត្រីបានបន្តថា ប្រធានក្រុមហ៊ុនសូមអញ្ជើញមកដាក់សំណុំឯកសារសុំអាជ្ញាបណ្ណស្វែងរុករករ៉ែដោយផ្ទាល់ ឬប្រគល់សិទ្ធិជូនអ្នកតំណាងរបស់ខ្លួន ដោយភ្ជាប់មកជាមួយ “លិខិតប្រគល់សិទ្ធិ ពីប្រធានក្រុមហ៊ុន។ ក្រសួងរ៉ែ និងថាមពល នឹងប្រកាសផ្សាយជាសាធារណៈ ចំពោះរូបវន្តបុគ្គល ឬនីតិបុគ្គលជ័យលាភី ដែលក្រសួងសម្រេចជ្រើសរើសនិងផ្តល់អាជ្ញាបណ្ណស្វែងរុករកជូន បន្ទាប់ពីបានអនុវត្តតាមនីតិវិធីចប់សព្វគ្រប់ស្របតាមអនុក្រឹត្យលេខ ៧២ អនក្រ.បក
ចុះថ្ងៃទី៥ ខែឧសភា ឆ្នាំ២០១៦ និងបានដោះស្រាយបណ្ដឹងចប់រួចរាល់ជាស្ថានពរ៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?