ព័ត៌មានជាតិ

ភ្ញាក់ផ្អើល ពេលឃើញរថយន្តសម័យសង្គមរាស្ត្រនិយម បើកបរក្នុងក្រុង

បានផុស

៣ years មុន

នៅ

ថ្ងៃពុធ ៦ មករា ២០២១

ដោយ

អ្នកធ្វើដំណើរក៏ដូចជាប្រជាពលរដ្ឋរស់នៅច្បារអំពៅ បាននាំគ្នាភ្ញាក់ផ្អើល ព្រោះតែឃើញរថយន្តតាំងពីសម័យបារាំងមកធ្វើចរាចរណ៍ ក្នុងមូលដ្ឋានខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជួបជាមួយភ្នាក់ងារកម្ពុជាថ្មី ម្ចាស់រថយន្តឈ្មោះ កេត សំអឿន ភេទប្រុស អាយុ៦៧ឆ្នាំ មានទីលំនៅភូមិ១ ឃុំព្រែកខ្សាយ ស្រុកពាមរ៍ ខេត្តព្រៃវែង បានឲ្យដឹងថា រថយន្តរបស់លោកអ៊ំ ម៉ាក៤០៤(កាត់សង់កាត់)ផលិតនៅប្រទេសបារាំង ក្នុងអំឡុងឆ្នាំ១៩៦០។ លោកអ៊ំបន្តថា រថយន្តរបស់លោកអ៊ំ បានទិញតាំងពីឆ្នាំ១៩៩០ ក្នុងតម្លៃ១តម្លឹងមាស ហើយកាលណោះអ្នកណាមានរថយន្តជិះ គឺជាអ្នកមានទ្រព្យសម្បត្តិស្ដុកស្ដម្ភ ។

លោកអ៊ំ បានបន្តថា នៅក្នុងប្រទេសកម្ពុជាយើងនេះ រថយន្តដែលមានសេរីដូចលោកអ៊ំ គឺពុំមានឡើយ ដូច្នេះលោកអ៊ំសុខចិត្តទុកជិះនឹងថែរក្សារហូតអស់មួយជីវិត។ ព្រោះលោកអ៊ំ អាចជិះទៅដល់ក្រុងប៉ោយប៉ែត ដោយមិនមានព្រួយបារម្ភពីការខូចតាមផ្លូវនោះឡើយ។

គួរបញ្ជាក់ថា រថយន្តប្រភេទនេះ គឺនាំចូលតាំងពីឆ្នាំ១៩៦០នាសម័យសង្គមរាស្ត្រនិយមមកម្ល៉េះ ដូច្នេះក្មេងៗជំនាន់ក្រោយមិនសូវបានស្គាល់នោះទេ៕