ព័ត៌មានជាតិ
លោក អ៊ុន ចាន់ដា អះអាងថា ករណីបាក់ច្រាំងទន្លេនៅខេត្តកំពង់ចាម មិនមែនមកពីការធ្វើអាវីកម្មបូមខ្សាច់ឡើយ
អភិបាលខេត្តកំពង់ចាម លោក អ៊ុន ចាន់ដា បានអះអាងប្រាប់ “កម្ពុជាថ្មី” ថា ករណីបាក់ច្រាំងទន្លេនៅខេត្តកំពង់ចាមនាពេលកន្លងមក មិនមែនបណ្តាលមកពីការធ្វើអាជីវកម្មបូមខ្សាច់ឡើយ ដោយលោកថា បើតាមក្របខណ្ឌបច្ចេកទេសរបស់អ្នកជំនាញ គឺកើតឡើងដោយសារបម្រែបម្រួលនៃចរន្តទឹកទន្លេ។
លោក អ៊ុន ចាន់ដា លើកឡើងថា ប្រជាជនបានយល់ឃើញថា ករណីបាក់ច្រាំងទន្លេនៅខេត្តកំពង់ចាមនេះ គឺដោយសារការធ្វើអាជីវកម្មបូមខ្សាច់ដោយក្រុមហ៊ុនផ្សេងៗ ប៉ុន្តែ អ្នកបច្ចេកទេសបានរកឃើញថា វាបណ្តាលមកពីបម្រែបម្រួលនៃចរន្តទឹក ព្រោះដីកោះតែងតែដុះមកជាបន្តបន្ទាប់ ធ្វើឱ្យបាំងមុខទឹកដែលធ្លាប់ហូរពីមុនមក។ ដូច្នេះហើយ ធ្វើឱ្យទឹកនោះបែរមករកច្រាំង ទើបបណ្តាលឱ្យបាក់ច្រាំងបែបនេះ។ ដើម្បីដោះសា្រយនូវបញ្ហានេះ លោកថា ត្រូវកែប្រែចរន្តទឹកឱ្យមានភាពល្អប្រសើរឡើង។
ក្នុងករណីមួយទៀត គឺបណ្តាលមកពីទឹកទន្លេមេគង្គឡើងខ្លាំង និងចុះខ្លាំងពេក បានធ្វើឱ្យច្រាំងទន្លេបាក់គួរឱ្យព្រួយបារម្ភ។ ដើម្បីដោះស្រាយបញ្ហាបាក់ច្រាំងបានក្រៅពីកែប្រែចរន្តទឹក រដ្ឋបាលខេត្តកំពង់ចាម បានខិតខំទប់ស្កាត់តាមលទ្ធភាពដែលមាន គឺបានទិញបាវខ្សាច់ពីប្រទេសម៉ាឡេស៊ីមួយចំនួនសម្រាប់ដាក់ទប់ច្រាំងដែលអាចធានាបានរយៈពេល២០ឆ្នាំ។ បច្ចុប្បន្ននេះ ខេត្តកំពង់ចាម ក៏បានទប់ស្កាត់នៅក្នុងស្រុកបានមួយចំនួនរួចហើយ។ នេះបើតាមការលើកឡើងរបស់លោកអភិបាលខេត្តកំពង់ចាម។
អភិបាលខេត្តកំពង់ចាមរូបនេះ បានបញ្ជាក់បន្ថែមថា នៅពេលដែលក្រសួងរ៉េ និងថាមពល សម្រេចចេញសេចក្តីប្រកាសអនុញ្ញាតក្រុមហ៊ុនឯកជនមួយចំនួនធ្វើអាជីវកម្មបូមខ្សាច់ គឺសុទ្ធតែធ្វើឡើងជាសាធារណៈ ដើម្បីឱ្យប្រជាជនគ្រប់រូបបានឃើញ និងបានដឹងគ្រប់ៗគ្នា។
គួររំលឹកថា កាលពីថ្ងៃទី២៥ ខែតុលា ឆ្នាំ២០២២ មានករណីបាក់ច្រាំងទន្លេមេគង្គ ប្រវែង៦០ម៉ែត្រ ស្ថិតនៅក្នុងភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម ព្រមជាមួយនឹងករណីបាក់ច្រាំងទន្លេនៅឯស្រុកផ្សេងៗទៀតនៅក្នុងខេត្តនេះ។ បន្ទាប់ពីបានទទួលដំណឹងនេះ អាជ្ញាធរខេត្ត ក៏មានចំណាត់ការ និងកិច្ចអន្តរាគមន៍យ៉ាងសកម្មពីអាជ្ញាធរនៅក្នុងតំបន់ ដើម្បីជួយទប់ស្កាត់ការបាក់ច្រាំង និងដោះស្រាយបញ្ហាជូនប្រជាពលរដ្ឋទាន់ពេលវេលា៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ