ព័ត៌មានជាតិ

ពលរដ្ឋក្នុងស្រុកចំនួន២នៃខេត្តកំពង់ចាមរីករាយក្រោយស្ពានស្ទឹងឆ្វេងដាក់ឱ្យចរាចរណ៍

បានផុស

២ ខែ មុន

នៅ

ថ្ងៃសៅរ៍ ២៣ ឧសភា ២០២៦

ដោយ

អាជ្ញាធរ ប្រជាពលរដ្ឋ និងសិស្សសាលា ក្នុងស្រុកកងមាស និងស្រុកបាធាយ ខេត្តកំពង់ចាម បានបង្ហាញអារម្មណ៍សប្បាយរីករាយ ខណៈបច្ចុប្បន្នទទួលបានស្ពានបេតុងល្អស្អាត ងាយស្រួលធ្វើដំណើរឆ្លងកាត់បានទៅវិញទៅមក និងប្រកបរបរប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរ គ្រូបង្រៀន និងពលរដ្ឋក្នុងឃុំព្រែកកុយ ស្រុកកងមាស និងឃុំច្បារអំពៅ ស្រុកបាធាយ ខេត្តកំពង់ចាម បានបង្ហាញការសាទរនៅពេលដែលរាជរដ្ឋាភិបាលកម្ពុជា បានផ្តល់ស្ពានបេតុងមួយខ្សែដែលអនុវត្តន៍គម្រោងដោយមន្ទីរសាធារណការនិងដឹកជញ្ជូនខេត្តកំពង់ចាម

ពលរដ្ឋបានលើកឡើងថា ពីមុនរាល់រដូវវស្សាអ្នកភូមិ និងសិស្សានុសិស្សនៅទីនេះតែងតែធ្វើដំណើរឆ្លងទឹកដោយទូកឈើ ពិបាកធ្វើដំណើរ និងបារម្ភពីសុវត្ថិភាពជាប្រចាំ។ ប៉ុន្តែមកដល់បច្ចប្បន្ននេះការលំបាកនេះបានរសាត់បាត់ហើយតាមរយៈស្ពានឆ្លងដ៏ថ្មីនេះ។

គូសបញ្ជាក់ថា ស្ពានស្ទឹងឆ្វេងនេះជាព្រំប្រទល់តភ្ជាប់ពីឃុំព្រែកកុយ ស្រុកកងមាស ទៅឃុំច្បារអំពៅ ស្រុកបាធាយ ខេត្តកំពង់ចាម ដែលមានប្រវែង៨៤ម៉ែត្រទទឹង១០ម៉ែត្រ ចំណាយថវិការបស់រាជរដ្ឋាភិបាលកម្ពុជា ស្ថាបនាដោយមន្ទីរសាធារណការ និងដឹកជញ្ជូនខេត្តកំពង់ចាមកាលពីខែមីនា ឆ្នាំ២០២៥ គិតត្រឹមខែឧសភាពនេះស្ពានបានស្ថាបនាបាន ៩៦ភាគរយហើយ ដោយនៅការងារមួយចំនួនដែលនៅសេសសល់នោះគឺគំនូសចរាចរណ៍ ស្លាកសញ្ញាចរាចរណ៍ បង្គោលនាំផ្លូវ និងរបារដែកក្បាលស្ពានជាដើម៕