ព័ត៌មានជាតិ
លោក សួន សេរីរដ្ឋា ស្នើសង្គមស៊ីវិលមួយចំនួន កុំយករឿងចេញសែកគ្មានសាច់ប្រាក់ ទៅភ្ជាប់នឹងរឿងនយោបាយឲ្យសោះ
លោក សួន សេរីរដ្ឋា ប្រធានវេទិកាសន្តិភាពកម្ពុជា បានស្នើដល់អង្គការសង្គមស៊ីវិលមួយចំនួន កុំយករឿងផ្ទាល់ខ្លួន រឿងចេញសែកគ្មានសាច់ប្រាក់ ទៅភ្ជាប់នឹងរឿងនយោបាយឲ្យសោះ។
នៅក្នុងកម្មវិធី Exclusive Interview របស់សារព័ត៌មានកម្ពុជាថ្មី កាលពីថ្ងៃទី ១៩ ខែមករា លោក សួន សេរីរដ្ឋា លើកឡើងថា នៅក្នុងប្រទេសកម្ពុជា មិនមែនមានតែលោក ថាច់ សេដ្ឋា ម្នាក់ទេ ដែលត្រូវបានឃាត់ខ្លួន ក្នុងករណីចេញសែកស្អុយនេះ ដោយសូម្បីអ្នកធុរកិច្ច អ្នករកស៊ី ពាណិជ្ជករ ឧកញ៉ា អ្នកទិញដូរមួយចំនួនទៀត ក៏ត្រូវបានឃាត់ខ្លួន និងត្រូវបានផ្ដន្ទាទោស ឲ្យតែប្រព្រឹត្តខុសច្បាប់។
លោក សួន សេរីរដ្ឋា លើកឡើងទៀតថា លោក ថាច់ សេដ្ឋា គឺជាអ្នកនយោបាយមួយរូបមែន តែការឃាត់ខ្លួន និងឃុំខ្លួនលោក មិនមែនជាករណីនយោបាយទេ។
លោកមានប្រសាសន៍បែបនេះថា «ចាប់ខ្លួនលោក ថាច់ សេដ្ឋា យើងទទួលស្គាល់ថា ចាប់ខ្លួនអ្នកនយោបាយ ពីព្រោះលោក ថាច់ សេដ្ឋា ជាអនុប្រធានរបស់គណបក្សនយោបាយមួយ ប៉ុន្តែបទល្មើស នៃការចាប់ខ្លួននោះ មិនមែនជាករណីនយោបាយទេ ចឹងយើងត្រូវបែងចែកឲ្យច្បាស់ គឺអ្នកនយោបាយប្រព្រឹត្តបទល្មើស ដែលរំលោភលើសេចក្ដីទុកចិត្ត ដែលចេញសែកគ្មានសាច់ប្រាក់នៅក្នុងអាខោន ដើម្បីឲ្យគេទៅបើកយកបាន ដែលភាសាសាមញ្ញគេហៅថា ចេញសែកស្អុយ អត់មានទឹកប្រាក់»។
សូមជម្រាបដែរថា សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា កាលពីថ្ងៃទី ១៩ ខែមករា បានផ្ដាំផ្ញើទៅអ្នកនយោបាយ និងអ្នកវិភាគខ្លះ កុំយករឿងអនុវត្តច្បាប់ ទៅភ្ជាប់នឹងរឿងនយោបាយបន្តទៀត។
សម្ដេចតេជោ ហ៊ុន សែន បានថ្លែងបន្តថា «ខ្ញុំចង់ផ្ញើសារទៅអ្នកទាំងឡាយ កុំរឿងអីសុទ្ធតែរឿងនយោបាយទាំងអស់ ហើយខ្ញុំសុំទទូច ដោយទទូចៗ អង្វរករផង តែក៏មានវិធានការផ្លូវច្បាប់ចំពោះអ្នកឯងដែរ…អ្នកអត់អាចចេញសេចក្ដីថ្លែងការណ៍ បន្ទោសថា គណបក្សកាន់អំណាច គំរាមកំហែងអ្នកឯងទេ អ្នកឯងប្រយ័ត្នគណបក្សប្រជាជនប្ដឹង និយាយគ្នាឲ្យច្បាស់ជាមួយគ្នាអញ្ចឹងម៉ង»។
សម្ដេចតេជោ ហ៊ុន សែន បានថ្លែងដោយមិនបញ្ចេញឈ្មោះ តែគេអាចដឹងថា ចង់សំដៅទៅលើលោក ថាច់ សេដ្ឋា អនុប្រធានគណបក្សភ្លើងទៀន ដែលត្រូវបានឃាត់ខ្លួន និងឃុំខ្លួន ដោយសារតែចេញសែកស្អុយ (គ្មានសាច់ប្រាក់) ដែលជាការអនុវត្តច្បាប់របស់កម្ពុជា មិនមែនពាក់ព័ន្ធនឹងរឿងនយោបាយឡើយ៕
អត្ថបទ ៖ ពិសី
មហាសន្និបាតអង្គការសហប្រជាជាតិគាំទ្រប៉ាឡេស្ទីនចូលជាសមាជិកពេញលេញ
អាមេរិក ប្រកាសផ្ដល់កញ្ចប់ជំនួយយោធាបន្ថែម ៤០០ លានដុល្លារទៀតដល់ អ៊ុយក្រែន
រួមគ្នាបន្តតម្លើង App Nodrug៖ ឈ្មួញចែកចាយគ្រឿងញៀនសកម្មនៅស្រុកគងពិសី ខេត្តកំពង់ស្ពឺត្រូវបានបង្រ្កាប
ការកើនឡើងថ្លៃដើម ធ្វើឱ្យប្រាក់ចំណេញរបស់ក្រុមហ៊ុនថៃអាកាសចរណ៍ THAI Airways ធ្លាក់ចុះ
ដោយសារតែចង់បានលុយចូលនិវត្តន៍ ស្រ្តី តៃវ៉ាន់ ម្នាក់ លាក់សពឪពុកក្នុងផ្ទះអស់ជាច្រើនឆ្នាំ
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
គ្រឹះស្ថានធនាគាររួមចំណែកជាង ៣៤០ លានដុល្លារទិញប័ណ្ណបំណុល គម្រោងព្រលានយន្តហោះតេជោតាខ្មៅ
-
សេដ្ឋកិច្ច៥ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ agoភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល