Connect with us

ព័ត៌មានជាតិ

ឆ្នាំ២០២២ ក្រសួងវប្បធម៌ជួសជុលនិងអភិរក្សសំណង់​បុរាណ និងវត្ថបុរាណជិត ៦០០ ទីតាំង

បានផុស

នៅ

លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈមានប្រសាសន៍ថា នៅឆ្នាំ ២០២២​ កន្លងទៅនេះ ក្រសួងបានជួសជុលនិងអភិរក្សសំណង់បុរាណបានសរុបចំនួន ៤៨ សំណង់លើគោលរដៅដែលបានកំណត់​ចំនួន ១៩ សំណង់ និងបានជួសជុលអភិរក្សវត្ថុបុរាណសរុបចំនួន ៥៤០ លើគោលដៅដែលបានកំណត់ចំនួន ១២៥ មុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និបាតបូកសរុបការងារឆ្នាំ២០២២ និងលើកទិសដៅឆ្នាំសម្រាប់ឆ្នាំ២០២៣នៅសាលសន្និសីទចុមុខ នៅព្រឹកថ្ងៃទី២៦មករានេះ លោកស្រីរដ្ឋមន្ត្រីបានបន្តថា ទោះបីសម្រេចលើសគោលដៅក៏ពិតមែន ប៉ុន្តែបើធៀបទៅឆ្នាំ​២០២១​ចំនួន​សំណង់បុរាណដែលបានជួសជុលអភិរក្សមានការធ្លាក់ចុះពី ៨០ សំណង់មកនៅ ៤៨សំណង់ ដែលត្រង់ចំណុចនេះត្រូវយកចិត្តទុកដាក់ធ្វើយ៉ាងម៉េចដើម្បីកុំឲ្យការប្រែប្រួលមានគម្លាតខ្លាំងពេក។

លោកស្រីរដ្ឋមន្ត្រីបានបន្តទៀតថា ទន្ទឹមនឹងសមិទ្ធផលដែលសម្រេចបានដល់ត្រចះត្រចង់នេះក៏ជួបប្រទះបញ្ហាប្រឈមសំខាន់ៗជាច្រើនផងដែរ ដែលទាមទារឱ្យមានផែនការនិងទិសដៅក្នុងការដោះស្រាយលក្ខណៈជាប្រព័ន្ធ និងជាដំណាក់កាលក្នុងនោះក៏មានការពាក់ព័ន្ធការវាយបំផ្លាញសំណង់បេតិកភណ្ឌ។

គួរបញ្ជាក់ថារយៈពេល ៥ ឆ្នាំកន្លងទៅនេះពោល គឺចាប់ពីខែមករា ឆ្នាំ២០១៧ ដល់ខែកញ្ញា ឆ្នាំ ២០២១ ក្រសួងវប្បធម៌ និងវិចិត្រសិល្បៈបានជួសជុល និងអភិរក្សសំណង់បុរាណចំនួន ៣៥៤ ដូចជា៖ ប្រាសាទបុរាណចំនួន ១២១, ព្រះវិហារបុរាណចំនួន ១៤, បានជួសជុលនិងអភិរក្សសំណង់បុរាណ ចំនួន១៧៧, ស្ពានបុរាណចំនួន ៥, សំណង់បុរាណផ្សេងៗ ចំនួន ៣៧ ដែលមានដូចជា ការជួសជុលប្រាសាទបន្ទាយឆ្មារ, ប្រាសាទតាព្រហ្ម, ខ្លោងទ្វារតាកែវ, ប្រាសាទភ្នំបាខែង, ប្រាសាទសំបូរព្រៃគុក, ប្រាសាទកណ្ដាលស្រះស្រង់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម