ព័ត៌មានជាតិ

ឆ្នាំ ២០២៥ ខេត្តក្រចេះដាក់ផែនការតភ្ជាប់បណ្តាញអគ្គិសនីទៅដល់គ្រប់ភូមិ

បានផុស

១ ខែ មុន

នៅ

ថ្ងៃអង្គារ ៣១ មករា ២០២៣

ដោយ

រដ្ឋបាលខេត្តក្រចេះ បានដាក់ផែនការក្នុងការតភ្ជាប់បណ្តាញអគ្គិសនីដល់ប្រជាពលរដ្ឋនៅគ្រប់ភូមិទូទាំងខេត្ត។

លោក វ៉ា ថន អភិបាលខេត្តក្រចេះថ្លែងក្នុងសន្និសិទជោគជ័យរយៈពេល ៥ ឆ្នាំរបស់រដ្ឋបាលខេត្ត ដែលរៀបចំដោយអង្គភាពអ្នកនាំពាក្យរដ្ឋាភិបាលនៅព្រឹកនេះថា បច្ចុប្បន្ននេះទូទាំងខេត្តបណ្តាញអគ្គិសនី បានគ្របដណ្តប់លើភូមិចំនួន ២៧៩ភូមិស្មើនឹង ៨៥,៣២% នៃភូមិរដ្ឋបាលសរុប ចំនួន ៣២៧ភូមិ។ នៅឆ្នាំ ២០២៥ ខេត្តដាក់ផែនការនឹងតភ្ជាប់បណ្តាញអគ្គិសនីទៅដល់គ្រប់ភូមិឃុំនៅទូទាំងខេត្ត ដែលជាផ្នែកយុទ្ធសាស្រ្តដើម្បីកាត់បន្ថយភាពក្រីក្ររបស់ពលរដ្ឋក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា ថន បានបន្តថា ខេត្តក្រចេះជាខេត្តមួយស្ថិតនៅភាគឦសាននៃប្រទេសកម្ពុជា មានចម្ងាយពីរាជធានីភ្នំពេញ៣៤០ គីឡូម៉ែត្រ។ ខេត្តចែកចេញជា ១ក្រុង ៥សង្កាត់ និង ៦ស្រុក ៤៣ឃុំ ស្មើនឹង ៣២៧ភូមិ មានផ្ទៃដីសរុប ១១.០៩៤គីឡូម៉ែត្រការេ។ ប្រភពអគ្គិសនីប្រើប្រាស់ទូទាំងខេត្តបានមកពីបណ្តាញជាតិ វារីអគ្គិសនីសេសាន ២ និងពីប្រទេសវៀតណាម។

អាជ្ញាធរខេត្តក្រចេះបានចេញអាជ្ញាបណ្ណឱ្យអ្នកចែកចាយអគ្គិសនី ៩ អាជ្ញាបណ្ណ រួមមាន៖ អគ្គិសនីក្រចេះ “EDC” ១អាជ្ញាបណ្ណ ស្ថិតក្រោមការគ្រប់គ្រងផ្ទាល់របស់អគ្គិសនីកម្ពុជា និងអគ្គិសនីឯកជនមាន ៨ អាជ្ញាបណ្ណ៕

Related Topics:លោក វ៉ា ថន