Connect with us

ព័ត៌មានជាតិ

​អាជីវកម្ម​​រុក​រក​រ៉ែ​មាស​​នៅ​ខេត្ត​ក្រចេះ បានលទ្ធផល​បែបណា​ហើយ?​

បានផុស

នៅ

រដ្ឋាភិបាល​បាន​ផ្តល់​អាជ្ញាបណ្ណ​ដល់​ក្រុមហ៊ុន​បរទេស​មួយ​ វិនិយោគលើ​អាជីវកម្ម​​រ៉ែមាសដែលមានទីតាំងនៅ​ស្រុក​សំបូរ​​ខេត្ត​ក្រចេះ​។

លោក​ សុខ គីរីរតន៍ ប្រធាន​មន្ទីរ​រ៉ែ​និង​ថាមពល​ខេត្ត​ក្រចេះ​បាន​បញ្ជាក់​ថា ខេត្តក្រចេះ​មាន​ក្រុមហ៊ុនអាជីវកម្មរ៉ែមាស ១ កន្លែង ស្ថិតនៅក្នុងស្រុកសំបូរ ខេត្ត​ក្រចេះ​​វិនិយោគិនមកពីប្រទេស​​ចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តក្រចេះមានសក្តានុពលលើវិស័យធនធានធម្មជាតិ រ៉ែថ្មក្រានីត ស្ថិតក្នុងភូមិសាស្ត្រស្រុកស្នួល ស្រុកចិត្របុរី និងស្រុកសំបូរ។ ខេត្តមានក្រុមហ៊ុន សហគ្រាស និងអាជីវករដែលធ្វើការរុករករ៉ែចំនួន ៦១ ក្រុមហ៊ុន ស្មើនឹង ៦៥ អាជ្ញាបណ្ណ។

ដោយ​ឡែកអាជីវកម្មរ៉ែមាសនៅ​ខេត្ត​ក្រចេះ មាន ១ ក្រុមហ៊ុន ស្មើនឹង ១ អាជ្ញាបណ្ណ។ លោក​សុខ គីរីរតន៍ បញ្ជាក់​ថា ចាប់​ពីខែតុលា ឆ្នាំ​២០២២ រហូត​មកដល់ខែ មករា ឆ្នាំ២០២៣ ក្រុមហ៊ុនដែល​ទទួល​បាន​អាជ្ញាបណ្ណ​ធ្វើ​​អាជីវកម្មរ៉ែមាស​ បាន​​​ចម្រាញ់​រ៉ែ​មាស​បាន​​ចំនួន ៦ លើក និង​ចម្រាញ់មាសសុទ្ធ​បានចំនួន ៦៧,៥៣គីឡូក្រាម។

ថ្លែងក្នុងពិធីសំណេះសំណាលជាមួយនិវត្តជន​នៃក្រសួងរ៉ែ និងថាមពល កាលពី​ថ្ងៃទី៣០ ខែវិច្ឆិកា ឆ្នាំ២០២២ លោក ស៊ុយ សែម រដ្ឋមន្រ្តី​ក្រសួង​រ៉ែ និង​ថាមពល​បានបញ្ជាក់ថា មកដល់ពេលនេះមានក្រុមហ៊ុនចំនួន ៤ ដែល​កំពុងធ្វើអាជីវកម្មរ៉ែមាសនៅក្នុងប្រទេសកម្ពុជា។ ទី១៖ ក្រុមហ៊ុន Xing Yuan Kanng Yeak មានទីតាំងនៅតំបន់អូរខ្លិកខ្លក់​ ស្រុកសំបូរ ខេត្តក្រចេះ។ ទី២៖ ក្រុមហ៊ុន Xinshan Industrial Cambodia មានទីតាំងនៅតំបន់ភ្នំម្លុង ឃុំរមទម ស្រុករវៀង ​ខេត្តព្រះវិហារ។ ទី៣៖ ក្រុមហ៊ុន Delcom Kampuchea មានទីតាំងនៅតំបន់ភ្នំអន្លុង ​ស្រុករវៀង ខេត្តព្រះវិហារ និងទី៤៖ ក្រុមហ៊ុន Renaissance Minerals មានទីតាំងនៅតំបន់អូរខ្វាវ ស្រុកកែវសីម៉ា ខេត្តមណ្ឌលគិរី។

ក្រុមហ៊ុន Renaissance Minerals (Cambodia) ជាក្រុមហ៊ុនរបស់ប្រទេសអូស្ដ្រាលីនិងជាក្រុមហ៊ុនទី១ ដែល​ជាក្រុមហ៊ុនខ្នាតអន្ដរជាតិ បាន​ចាប់ផ្ដើមផលិតមាសជាលើកដំបូងនៅប្រទេសកម្ពុជា។

ក្រុមហ៊ុននេះបានចាប់ផ្ដើមសម្ពោធដាក់ឲ្យដំណើរការជាផ្លូវការការដ្ឋានអាជីវកម្ម និងរោងចក្រចម្រាញ់រ៉ែមាស ក្នុងតំបន់អូរខ្វាវ ស្រុកកែវសីម៉ា ខេត្តមណ្ឌលគិរីកាលពីថ្ងៃទី២១ ខែមិថុនា ឆ្នាំ២០២១ ដែលគិតរហូតមកដល់ពេលនេះ​បាន​ប្រតិបត្ដិការបានជាង ១ ឆ្នាំហើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម