ព័ត៌មានជាតិ
ខែមករា CDC អនុម័តគម្រោងវិនិយោគចំនួន១០មានទុនជិត១០០លានដុល្លារ ថយចុះជាងឆ្នាំមុន
នៅក្នុងខែមករាឆ្នាំ២០២៣នេះ ក្រុមប្រឹក្សាអភិវឌ្ឍន៍កម្ពុជា ដែលហៅកាត់ថា(CDC) បានអនុម័តគម្រោងវិនិយោគចំនួន១០ មានទុនវិនិយោគចំនួន៩៩,៤លានដុល្លារអាមេរិក បង្កើតការការជូនប្រជាពលរដ្ឋចំនួន១៧១២៩កន្លែង។

ចំនួននេះបើធៀបទៅនឹងខែមករាដូចគ្នាកាលពីឆ្នាំ២០២២កន្លងទៅ មានការថយចុះខណៈខែមករាឆ្នាំ២០២២ CDC អនុម័តគម្រោងវិនិយោគ រហូតដល់ទៅ ២៤ក្រុមហ៊ុនមានទុនវិនិយោគជាង ២២៧៧លានដុល្លារអាមេរិក និងផ្តល់ការងារចំនួន ១៩៩០៥កន្លែង។
យោងតាមរបាយការណ៍ប្រចាំថ្ងៃរបស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គម្រោងវិនិយោគចំនួន១០នៅក្នុងខែមករាឆ្នាំ២០២៣នេះ រួមមាន ១- គម្រោងបង្កើតរោងចក្រផលិតស្បែកជើងនៅខេត្តតាកែវ ក្នុងទុនវិនិយោគ៧,៥លានដុល្លារនិងអាចបង្កើតការងារបានចំនួន ១.៩៣៨កន្លែង។២-គម្រោងបង្កើតរោងចក្រកាត់ដេរសម្លៀកបំពាក់ នៅខេត្តកណ្តាល ក្នុងទុនវិនិយោគ៥,៤លានដុល្លារ និងអាចបង្កើតការងារបានចំនួន ២.១៣៥កន្លែង។៣- គម្រោងបង្កើតរោងចក្រផលិតគ្រឿងបន្សំសម្លៀកបំពាក់ ស្បែកជើង កាបូប និងមួក នៅខេត្តកណ្តាល ក្នុងទុនវិនិយោគ៥,១លានដុល្លារនិងអាចបង្កើតការងារបានចំនួន ៨៨៣កន្លែង។

៤. គម្រោងបង្កើតរោងចក្រផលិតអំពូលភ្លើងចល័ត អំពូលភ្លើងសូឡា សម្ភារៈប្លាស្ទិក និងសម្ភារៈបរិក្ខារជួសជុល (ដែកស្វាន វីស…) នៅក្នុងតំបន់សេដ្ឋកិច្ចពិសេស ស្វាយរៀងក្នុងទុនវិនិយោគចំនួន ១០លានដុល្លារនិងអាចបង្កើតការងារបានចំនួនប្រមាណ ៧៥០កន្លែង។
៥-គម្រោងបង្កើតរោងចក្រផលិតអំពូល អំពូលភ្លើងសូឡា និងបរិក្ខារអគ្គិសនី នៅក្នុងតំបន់សេដ្ឋកិច្ចពិសេស ស្វាយរៀងក្នុងទុនវិនិយោគចំនួន ១០លានដុល្លារនិងអាចបង្កើតការងារបានចំនួនប្រមាណ ៧៥០កន្លែង។
៦- គម្រោងបង្កើតរោងចក្រកាត់ដេរសម្លៀកបំពាក់នៅខេត្តកំពង់ស្ពឺ ក្នុងទុនវិនិយោគ ៣៦,៦លានដុល្លារនិងអាចបង្កើតការងារបានចំនួន ៣.១៥៨កន្លែង។៧- គម្រោងបង្កើតរោងចក្រផលិតស្បែកជើង និងកាបូប នៅខេត្តកណ្តាលក្នុងទុនវិនិយោគ៨,៨លានដុល្លារនិងអាចបង្កើតការងារបានចំនួន ២.៩៣០កន្លែង។៨- គម្រោងបង្កើតរោងចក្រផលិតកាបូបស្ពាយពីក្រោយ កាបូបដំណេក តង់ កាត់ដេរសម្លៀកបំពាក់ និងកម្រាលក្រាលដេក នៅខេត្តកំពង់ស្ពឺ ក្នុងទុនវិនិយោគ ៥,៤លានដុល្លារនិងអាចបង្កើតការងារបានចំនួន ២.៧១៤កន្លែង។
៩-គម្រោងបង្កើតរោងចក្រផលិតកាបូបគ្រប់ប្រភេទ នៅ ខេត្តកំពង់ស្ពឺ ក្នុងទុនវិនិយោគ៥,៤លានដុល្លារនិងអាចបង្កើតការងារបានចំនួន ៧៣៨កន្លែងនិង១០-គម្រោងបង្កើតរោងចក្រផលិតកាបូបគ្រប់ប្រភេទ និងកាត់ដេរសម្លៀកបំពាក់នៅខេត្តកំពង់ស្ពឺ ក្នុងទុនវិនិយោគ ៥,២លានដុល្លារនិងអាចបង្កើតការងារបានចំនួន ១.១៣៣កន្លែង។
សូមបញ្ជាក់ថា ឆ្នាំ២០២២កន្លងទៅ CDCបានអនុម័តគម្រោងវិនិយោគចំនួន១៦២ មានទុនវិនិយោគជាង ៣៩២៧ដុល្លារ ដោយបង្កើតឱកាសការងារជូនប្រជាពលរដ្ឋជាង ១៤១ ១៩៩កន្លែង៕ សំអឿន



-
ព័ត៌មានអន្ដរជាតិ៣ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៧ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១ ថ្ងៃ ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ២១ ម៉ោង ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ