Connect with us

ព័ត៌មានជាតិ

រាជធានីភ្នំពេញ បង្ហាញសក្តានុពល​ទៅកាន់ពិភពលោក តាមរយៈការអភិវឌ្ឍ​គ្រប់វិស័យ

បានផុស

នៅ

រាជធានីភ្នំពេញ ជាបេះដូងរបស់ព្រះរាជាណាចក្រកម្ពុជា ដែលមានទីតាំងយ៉ាងល្អឯក គឺស្ថិតនៅលើចំណុច​នៃប្រសព្វទន្លេបួន​ហៅថា ទន្លេបួនមុខ ដែលជាអត្តសញ្ញាណតែមួយគ្មានពីរ ជាមជ្ឈមណ្ឌលនយោបាយ សេដ្ឋកិច្ចពាណិជ្ជកម្ម វប្បធម៌ ប្រកបដោយសក្ដានុពលប្រគួតប្រជែង ជាមួយការអភិវឌ្ឍមួយប្រកបដោយវឌ្ឍនភាព សមធម៌ និងចីរភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះរាជធានីភ្នំពេញមានប្រជាពលរដ្ឋរស់នៅចំនួនជាង៣លាននាក់ ក្នុងនោះប្រជាពលរដ្ឋស្នាក់នៅអចិន្ត្រៃយ៍​ប្រមាណ២លាននាក់ ស្នាក់នៅជាបណ្តោះអាសន្ន ដោយចេញចូលរកស៊ីនៅភ្នំពេញ មានប្រមាណ១លាននាក់។ ទន្ទឹងនិងកំណើនប្រជាពលរដ្ឋនេះ រដ្ឋបាលរាជធានីភ្នំពេញក៏បានគិតគូរយ៉ាងខ្លាំងពីការកសាងហេដ្ឋា​រចនាសម្ព័ន្ធនានា​អោយសមជាទីក្រុងស៊ីវិល័យ រហូតមានសក្តានុពលយ៉ាងឆាប់រហ័សក្នុងតំបន់និងពិភពលោក ព្រមទាំងបានដើរតួនាទី​យ៉ាង​សំខាន់ក្នុងការរៀបចំកិច្ចប្រជុំសំខាន់ៗជាច្រើនក្នុងឋានៈជាប្រធានប្តូរវេននៅឆ្នាំ២០២២ កិច្ចប្រជុំកំពូលអាស៊ាន និងកិច្ចប្រជុំកំពូលពាក់ពន្ធ័,កិច្ចប្រជុំរដ្ឋមន្ត្រីការបរទេសអាស៊ាន ក៏ដូចជាកិច្ចប្រជុំកំពូលអាស៊ាន​សហភាពអឺរ៉ុប,វេទិកាអន្តរ​សភាពអាស៊ាន និងកិច្ចប្រជុំអភិបាលក្រុងអាស៊ានដែលបានធ្វើឡើងនៅរាជធានីភ្នំពេញ ហើយរាជធានីភ្នំពេញ​ដែលមានលោក ឃួង ស្រេង ជាអភិបាលនៃគណៈអភិបាលរាជធានីភ្នំពេញ ធ្វើជាប្រធាននៃកិច្ចប្រជុំ​ដែលទទួលបាន​ជោគជ័យយ៉ាងធំធេង ធ្វើឲ្យកិត្យានុភាពរបស់កម្ពុជាល្បីរន្ទឺលើឆាកអន្តរជាតិ​ក្រោមការដឹកនាំប្រកបដោយ​គិតិបណ្ឌិត​របស់សម្តេចតេជោ ហ៊ុន សែន និងទទួលបានការកោតសរសើរពីបណ្តាលអភិបាលទីក្រុង​នៃបណ្តាប្រទេស​អាស៊ានដែលបានសំរេចជោគជ័យក្នុងការដឹកនាំកិច្ចប្រជុំនេះ។

ព្រឹត្តិការដ៏សំខាន់មួយទៀតគឺរាជធានីភ្នំពេញក៏នឹងត្រូវធ្វើជាម្ចាស់ផ្ទះនៃការប្រកួតកីឡា ស៊ីហ្គេមលើកទី៣២ និងប៉ារ៉ាហ្គេមលើកទី១២ នាខែឧសភា ឆ្នាំ២០២៣ខាងមុខនេះ។ ដើម្បីរួមចំណែកធ្វើឲ្យកាន់តែប្រសើរឡើង ត្រៀមទទួលការរៀបចំការប្រកួតកីឡាស៊ីហ្គេមនាពេលខាងមុខនេះ  រដ្ឋបាលរាជធានីភ្នំពេញបានខិត​ខំប្រឹងប្រែង​យ៉ាងពេញទំហឹងក្នុងការរៀបចំកែលំអរសោភណ្ឌ័ភាពក្នុងរាជធានីភ្នំពេញ ពិសេសការជួសជុលហេដ្ឋារចនាសម្ពន្ធ័រូបវន្ត មានផ្លូវ,ដាក់ប្រព័ន្ធលូ,កែលំអរសួនច្បារ បំពាក់ភ្លើងបំភ្លឺសាធារណៈ បំពាក់ភ្លើងសម្រុះពណ៌នឹងការងារជាច្រើនទៀត ដែលបម្រើឲ្យការងារត្រៀមប្រកួតកីឡាស៊ីហ្គេមនាពេលឆាប់ៗខាងមុខនេះ ជាពិសេសនៅតំបន់ជុំវិញ​ពហុកីឡដ្ឋានជាតិ​​មរតកតេជោ ជាតំបន់សក្ដានុពលដ៏សំខាន់ជាតំបន់សេដ្ឋកិច្ច ពាណិជកម្ម ទេសចរណ៍ ជាប់ដងទន្លេសាប មានស្ពាន​បេតុងព្រែកព្នៅដ៏វែង។ ជាមួយគ្នានេះរដ្ឋបាលរាជធានីភ្នំពេញក៏បានស្ថាបនាផ្លូវថ្មីទាំងស្រុងចំនួន ២ខ្សែទៀត ដើម្បីសម្រួលដល់ការធ្វើចរាចរណ៍ទូទៅផង និងការធ្វើដំណើរក្នុងព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម​នេះផងដែរ។ ផ្លូវថ្មីទាំង២ខ្សែនេះ គឺស្ថាបនាស្របតាមទន្លេសាបផ្នែកខាងកើត បែកខ្នែងជា២ផ្នែកឆ្ពោះឡើងមហាវិថី ឈ្នះ ឈ្នះ គឺខ្សែទី១ផ្លូវស្របមាត់ទន្លេ ចាប់ពីផ្លូវជាតិលេខ៦ ដល់មហាវិថី ឈ្នះ ឈ្នះ មានទទឹងផ្លូវ២០ម៉ែត្រ ប្រវែងជាង៨​គីឡូម៉ែត្រ សម្រេចការសាងសង់បាន១០០% ទាំងការងារធ្វើផ្លូវបេតុង ដាក់លូ របាពុះចែកទ្រូងផ្លូវ និងបំពាក់ភ្លើង​បំភ្លឺសាធារណៈ។ ខ្សែផ្លូវទី២ គឺចាប់ពីផ្លូវសម្តេច ជា ស៊ីម ជ្រោយចង្វារ ដល់មហាវិថី ឈ្នះ ឈ្នះ មានទទឹងផ្លូវ២០ម៉ែត្រ ប្រវែងជាង៥គីឡូម៉ែត្រ ដោយសម្រេចការសាងសង់បាន១០០%ហើយដែរ។ នៅចំពីមុខកីឡដ្ឋានជាតិមកតតេជោ មានមហាវិថីឈ្នះ ឈ្នះមួយខ្សែយ៉ាងស្អាត ស្ថិតនៅចន្លោះផ្លូវជាតិលេខ៥និងលេខ៦ ក្នុងសង្កាត់ព្រែកតាសេក ខណ្ឌជ្រោយចង្វារាជធានីភ្នំពេញដែលជាផ្លូវនៅចំទីតាំងត្រូវរៀបចំពីធីនេះតែម្តង។

គួរបញ្ជាក់ថា ចំពោះវិសាលភាពការងារជួសជុលកែលំអរនេះ ត្រូវបានផ្តោតសំខាន់នៅតាមមហាវិធីឈ្នះ ឈ្នះ ចាប់ពីគល់ស្ពានព្រែកព្នៅត្រើយខាងកើត ដល់ផ្លូវជាតិលេខ៦ស្ថិតក្នុងសង្កាត់ព្រែកតាសេក និងសង្កាត់បាក់ខែង ខណ្ឌជ្រោយចង្វា ដោយប្រើប្រាស់ក្រុមកម្មករ កម្មការនីជិតមួយពាន់នាក់ កំពុងធ្វើសកម្មភាពយ៉ាងមមាញឹក ដែលការងារទាំងអស់នឹងសម្រេចឲ្យរួចរាល់នៅដើមខែមេសា ឆ្នាំ២០២៣ ស្របតាមបទដ្ឋានបច្ចេកទេស ក្នុងនោះមានការងារ ដាក់ប្រព័ន្ធលូទាំងសងខាងផ្លូវ មានទាំងលូជ្រុង លូមូលមុខកាត់ ពី១ម៉ែត្រទៅ២ម៉ែត្រ​មានប្រវែង៧៣៤០ម៉ែត្រ ទទឹង៩ម៉ែត្រ។ក្រៅពីនេះនៅមានការងារជួសជុលគ្រឹះផ្លូវ និងចាក់បេតុងឆ្អឹងដែកកម្រាស់ ២៥ cm តាមទីតាំងដែលខូចគ្រឹះមានផ្ទៃក្រឡាសរុប ៥៨.៥០០ម៉ែត្រការ៉េ,ការងារអ៊ុតកៅស៊ូ AC កំរាស់ ១០០mm, ការងារគូសគំនូសសញ្ញាចរាចរ និងតំឡើងស្លាកសញ្ញាចរាចរ,ការងាររៀបចំខឿន និងចិញ្ចើមផ្លូវថ្មើជើង​ដោយក្រាល​ការ៉ូឡា,ការរៀបចំសួនច្បារកណ្តាលទ្រូងផ្លូវមានទទឹង ៦ម៉ែត្ររួមទាំងការដាំស្មៅ ដាំដើមឈើរៀបប្រពន្ធ័ទឹក ប្រពន្ធ័ភ្លើងទៅតាមគោលដៅនៃគម្រោងឲ្យបានរួចរាល់ត្រឹមដើមខែមេសា មុននៃការប្រកួតកីឡា​ស៊ីហ្គេមនិងប៉ារ៉ា​ហ្គេមចាប់ផ្តើម។ ការជួសជុលកែលំអរហេដ្ឋារចនា សម្ពន្ធ័នេះ ធ្វើឡើងដោយម៉តចត់​តាមបទដ្ឋានបច្ចេក​ទេសរួមចំណែក​លើកកំពស់សោភណ្ឌភាព បរិស្ថាន រាជធានីភ្នំពេញឲ្យកាន់តែស្រស់បំព្រងសក្ត័សមជាទីក្រុងស៊ីវិល័យ និងស្មើមុខ​ស្មើភាព​ជា​មួយបណ្តាទីក្រុង នានាក្នុងតំបន់ផងដែរ។ ការអភិវឌ្ឍន៏រាជធានីភ្នំពេញផ្តើមចេញពីប្រទេស​ជាតិមានសុខ​សន្តិភាព​​ពេញលេញពេញផ្ទៃប្រទេសតាមនយោបាយឈ្នះ ឈ្នះរបស់សម្តេចអគ្គមហាសេនាបតីតេជោហ៊ុន សែន ជាស្ថាបនិកសន្តិភាពដ៏ឆ្នើម៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ២ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម