គ្មានរាជធានីភ្នំពេញឡើយ ក្នុងចំណោមទីក្រុង មានខ្យល់ពុលអាក្រក់បំផុតទាំង៣៩ លើពិភពលោក

យោងតាមទិន្នន័យដែលចេញផ្សាយដោយ ក្រុមហ៊ុនបច្ចេកវិទ្យាគុណភាពខ្យល់របស់ប្រទេសស្វីស IQAir បានបង្ហាញថា រដ្ឋធានីហ្សាការតា របស់ប្រទេសឥណ្ឌូណេស៊ី ជាប់ចំណាត់ថ្នាក់លេខ១ ជាទីក្រុងដែលមានការបំពុលខ្លាំងបំផុតរបស់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យនេះត្រូវបានចងក្រងចាប់តាំងពីខែឧសភាមកម្ល៉េះ ហើយក្នុងចំណោមទីក្រុងទាំង ៣៩ ដែលរងការបំពុល គឺគ្មានរាជធានីភ្នំពេញ របស់ប្រទេសកម្ពុជាឡើយ ។ 

យោងតាម IQAir បានឲ្យដឹងថា ទីក្រុងហ្សាការតាដែលមានប្រជាជនរស់នៅជាង ១០ លាននាក់ បានចុះបញ្ជីកម្រិតបំពុលបរិយាកាសមិនល្អ ស្ទើរតែរៀងរាល់ថ្ងៃ ។

ដោយឡែកសម្រាប់ទីក្រុងនៅអាស៊ីអាគ្នេយ៍ផ្សេងទៀត ដែលស្ថិតក្នុងបញ្ជីជាទីក្រុងរងការបំពុលអាក្រក់បំផុតលើពិភពលោក មានដូចជា ហាណូយ របស់ប្រទេសវៀតណាម ជាប់លេខ១០, គូឈីង របស់ម៉ាឡេស៊ី ជាប់លេខ១៥ និងបាងកក របស់ថៃ ជាប់លេខ៣២ ។

គួរបញ្ជាក់ថា ក្រៅពីនេះ ទីក្រុងហូជីមិញ របស់វៀតណាម ជាប់លេខ ៣៧ និង ឈៀងម៉ៃ របស់ថៃ ជាប់លេខ ៣៨ ៕

ប្រែសម្រួល៖ Vann Vann

ប្រភព៖ IQAir 

ចុចអាន៖ មកស្គាល់អគារធំៗចំនួន១០ នៅរាជធានីភ្នំពេញដែលសុទ្ធសឹងជាស្នាដៃកូនខ្មែរជំនាន់ក្រោយ