ព័ត៌មានជាតិ
គ.ជ.ប ចាប់ផ្តើមទទួលពាក្យសុំចុះឈ្មោះអ្នកសង្កេតការណ៍ជាតិ-អន្តរជាតិ សម្រាប់ការបោះឆ្នោតតំណាងរាស្រ្ដ
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសចាប់ផ្តើមទទួលពាក្យសុំចុះឈ្មោះ អ្នកសង្កេតការណ៍ជាតិ និងអន្តរជាតិ ដើម្បីចូលរួមសង្កេតការណ៍ក្នុងដំណើរការនៃការរៀបចំ ការបោះឆ្នោតជ្រើសតាំងតំណាងរាស្ត្រ នីតិកាលទី ៧ ឆ្នាំ ២០២៣ នៅថ្ងៃទី ១ ខែមេសា ឆ្នាំ ២០២៣។ នេះបើយោងតាមសេចក្ដីប្រកាសព័ត៌មានរបស់ គ.ជ.ប នៅថ្ងៃទី ៣១ ខែមីនា ឆ្នាំ ២០២៣នេះ។

សេចក្ដីប្រកាសព័ត៌មាន បានឲ្យដឹងថា យោងតាមប្រតិទិន នៃការបោះឆ្នោតជ្រើសតាំងតំណាងរាស្ត្រ នីតិកាលទី ៧ ឆ្នាំ ២០២៣ កាលបរិច្ឆេទ នៃការចុះឈ្មោះអ្នកសង្កេតការណ៍ជាតិ ត្រូវបញ្ចប់ត្រឹមថ្ងៃទី ១២ ខែកក្កដា និងថ្ងៃទី ១៩ ខែកក្កដា ឆ្នាំ ២០២៣ សម្រាប់អ្នកសង្កេតការណ៍អន្តរជាតិ។
បើតាម គ.ជ.ប សមាគម អង្គការមិនមែនរដ្ឋាភិបាលជាតិ និងអន្តរជាតិទាំងអស់ ដែលមានបំណងចូលរួម សង្កេតមើលការបោះឆ្នោតនេះ ត្រូវមកដាក់ពាក្យនៅទីស្ដីការ គ.ជ.ប (ការិយាល័យកិច្ចការគណបក្ស នយោបាយ សមាគម និងអង្គការមិនមែនរដ្ឋាភិបាល ជាន់ទី ៩)។ គំរូពាក្យសុំចុះឈ្មោះអ្នកសង្កេតការណ៍ ជាតិ និងអន្តរជាតិមានផ្តល់ជូនដោយឥតគិតថ្លៃនៅទីស្ដីការ គ.ជ.ប ឬអាចទាញយកពីគេហទំព័រ គ.ជ.ប (www.nec.gov.kh/khmer/content/6536) “1
អ្នកសង្កេតការណ៍ជាតិ ដែលត្រូវបានអនុញ្ញាតជាផ្លូវការពី គ.ជ.ប និងទទួលបានបណ្ណសម្គាល់ អ្នកសង្កេតការណ៍ជាតិពីគណៈកម្មការរាជធានី ខេត្តរៀបចំការបោះឆ្នោត (គធ.ខប) មានសិទ្ធិ សង្កេតមើលដំណើរការបោះឆ្នោតនៅរាជធានី ខេត្តដែលខ្លួនមានឈ្មោះក្នុងបញ្ជីឈ្មោះអ្នកសង្កេតការណ៍ ជាតិនៃរាជធានី ខេត្តនោះតែប៉ុណ្ណោះ។
ដោយឡែក អ្នកសង្កេតការណ៍អន្តរជាតិដែលត្រូវបានអនុញ្ញាត ជាផ្លូវការ និងទទួលបានបណ្ណសម្គាល់អ្នកសង្កេតការណ៍អន្តរជាតិពី គ.ជ.ប មានសិទ្ធិសង្កេតមើល ដំណើរការបោះឆ្នោតទាំងមូល ឬតាមដំណាក់កាល និងគ្រប់ទីកន្លែងទាំងអស់ក្នុងព្រះរាជាណាចក្រកម្ពុជា។ នេះបើយោងតាមសេចក្ដីប្រកាសព័ត៌មានរបស់ គ.ជ.ប ដដែល។
គ.ជ.ប សង្ឃឹមទុកជាមុនថា សមាគម និងអង្គការមិនមែនរដ្ឋាភិបាលជាតិ និងអន្តរជាតិជាច្រើន នឹងចូលរួមសង្កេតការណ៍បោះឆ្នោតជ្រើសតាំងតំណាងរាស្ត្រ នីតិកាលទី ៧ ឆ្នាំ ២០២៣ ដើម្បីជំរុញដល់ការបោះឆ្នោតនេះ ប្រព្រឹត្តទៅដោយជោគជ័យ ដោយអនុលោមតាមច្បាប់ បទបញ្ជា និងនិតិវិធីសម្រាប់ ការបោះឆ្នោតជាធរមាន និងឈរលើគោលការណ៍ប្រជាធិបតេយ្យ សេរីពហុបក្ស៕

-
ព័ត៌មានអន្ដរជាតិ១ សប្តាហ៍ មុន
ប្រទះឃើញត្រីបាឡែនចារកម្មរបស់ រុស្ស៊ី នៅឆ្នេរសមុទ្រ ស៊ុយអែត
-
កីឡា៧ ថ្ងៃ មុន
U-22 សិង្ហបុរី ត្រូវបានសហព័ន្ធដាក់ទណ្ឌកម្មចំពោះលទ្ធផលអាក្រក់ក្នុងស៊ីហ្គេម២០២៣
-
ជីវិតកម្សាន្ដ១ សប្តាហ៍ មុន
ឃើញ Matt បង្ហោះរូបដើរលេងនៅជប៉ុន ហ្វេននាំគ្នាចាប់អារម្មណ៍នឹងបុរសម្នាក់
-
កីឡា៦ ថ្ងៃ មុន
ទីបំផុត Emmanuel ទទួលបានសញ្ជាតិខ្មែរ ក្រោយតំណាងទង់ជាតិខ្មែរជាង១០ឆ្នាំ
-
ជីវិតកម្សាន្ដ៥ ថ្ងៃ មុន
Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ
-
ព័ត៌មានអន្ដរជាតិ៧ ថ្ងៃ មុន
ស៊ីរ៉ែនប្រកាសអាសន្ន បន្លឺឡើង ផ្អើលនៅជប៉ុននិងកូរ៉េខាងត្បូង ក្រោយកូរ៉េខាងជើង បាញ់មីស៊ីល
-
ព័ត៌មានជាតិ៧ ថ្ងៃ មុន
ពន្ធដារ ប្រកាសប្រមូលពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ចាប់ពីថ្ងៃទី ១ មិថុនាតទៅ
-
ព័ត៌មានអន្ដរជាតិ១ សប្តាហ៍ មុន
ស្ត្រីកូរ៉េវ័យ ២០ឆ្នាំ សម្លាប់គ្រូបង្រៀនម្នាក់ និងច្រៀកសាកសពច្រកកាបូបទៅចោលមាត់ទន្លេ