ព័ត៌មានជាតិ
អភិបាលខេត្តតាកែវ បញ្ជាឲ្យអាជ្ញាធរចុះស្រាវជ្រាវ ករណីជួលដីធ្វើស្រែតាមព្រំដែន
តាកែវ៖ សេចក្តីរាយការណ៍ថា មានជនជាតិវៀតណាមចូលមកជួលដីពលរដ្ឋខ្មែរធ្វើស្រែប្រាំងលើទឹកដីក្នុងស្រុកបូរីជលសារ និងស្រុកកោះអណ្តែត ខេត្តតាកែវ។
ប្រភពបានបង្ហើបឲ្យដឹងថា ពិតជាមានជនជាតិវៀតណាមចូលមកធ្វើស្រែនារដូវប្រាំង លើទឹកដីក្នុងស្រុកបូរីជលសារ និងស្រុកកោះអណ្តែតមែន ស្របពេលដែលប្រជាជននៃប្រទេសទាំងពីរ ផ្ទុះជំងឺកូវីត ១៩ មិនទាន់ស្ងាត់។
លោក អ៊ូច ភា អភិបាលនៃគណ:អភិបាលខត្តតាកែវ នៅរសៀលថ្ងៃទី១៦មករាបានឲ្យដឹងថា លោកបានឲ្យខាងស្រុកចុះពិនិត្យនិងធ្វេីការស្រាវជ្រាវរួចហើយ។
កម្ពុជាថ្មីបានទំនាក់ទំនងទៅលោក ទុយ សុភ័ក្រ អភិបាលស្រុកបូរីជលសារមិនអាចទាក់ទងសុំការបំភ្លឺបានទេ ដោយហៅទូរសព្ទចូលមិនមានអ្នកទទួល។
លោក ផាន ផល អធិការនគរបាលស្រុកបូរីជលសារឆ្លើយតបថា រឿងនេះលោកមិនដឹងច្បាស់នោះទេ លោកក៏មិនជាប់ពាក់ព័ន្ធក្នុងរឿងជួលដីឲ្យវៀតណាម ធ្វើស្រែប្រាំងនោះដែរ។
ពាក់ព័ន្ធនិងការជួលដីទៅឲ្យជនបរទេសជិតខាងចូលមកបង្កបង្កើនផល កាលពីថ្ងៃទី១៧ខែវិច្ឆិកាឆ្នាំ២០១៥ រាជរដ្ឋាភិបាលកម្ពុជាបានចេញសារាចរ ហាមជួល លក់ដីស្រែចំការឬលំនៅដ្ឋាននៅតាមតំបន់ព្រំដែន ឲ្យទៅឲ្យប្រជាពលរដ្ឋនៃប្រទេសជិតខាង រួមទាំងតំបន់មិនទាន់បានកំណត់ខណ្ឌសីមានិងបោះបង្គោលព្រំដែនផ្លូវការរួចជាស្ថាពរ។ រាជរដ្ឋាភិបាលបញ្ជាក់ក្នុងសារាចរនោះថា ការជួលដីជាប់ព្រំដែនឲ្យទៅប្រទេសជិតខាងគឺបានបង្កភាពស្មុគស្មាញដល់កិច្ចការរបស់គណៈកម្មាធិការចម្រុះកិច្ចការព្រំដែនក្នុងការអនុវត្តការងាររបស់ខ្លួន៕
អត្ថបទ៖ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង