ព័ត៌មានជាតិ
ទូតជប៉ុនរៀបចំពិធីចងចាំដល់អតីតប៉ូលិសជប៉ុនដែលត្រូវសម្លាប់ក្នុងសម័យអ៊ុនតាក់នៅកម្ពុជា
លោក អាត់ស៊ូស៊ី អ៊ូអ៉ិណុ ឯកអគ្គរាជទូតជប៉ុនប្រចាំកម្ពុជា បានរៀបចំពិធីចងចាំដល់លោក Haruyuki Takata ជានគរបាលស៊ីវិលក្នុងរបបអ៊ុនតាក់ ហើយបានពលីជីវិតក្នុងការវាយប្រហារនៅកម្ពុជា នៅព្រឹកថ្ងៃទី០២ ខែឧសភា ឆ្នាំ២០២៣ ក្នុងវត្តតាំងក្រសាំងខាងត្បូង ខណ្ឌពោធិ៍សែនជ័យ រាជធានីភ្នំពេញ។
ថ្លែងនៅក្នុងពិធីនេះ លោក អាត់ស៊ូស៊ី អ៊ូអ៉ិណុ បានលើកឡើងថា លោកអតីតប៉ូលីស Haruyuki Takata បានចូលរួមយ៉ាងសកម្មក្នុងការបំពេញតួនាទីជាសមាជិកនៃនគរបាលស៊ីវិល អ៊ុនតាក់ នៅកម្ពុជា ហើយការធ្វើប្រតិបត្តិការនេះ គឺជាលើកទី១របស់ជប៉ុនក្នុងការប្រតិបត្តិការរក្សាសន្តិភាពរបស់អង្គការសហប្រជាជាតិ។ លោក Haruyuki Takata បានស្លាប់នៅថ្ងៃទី៤ ខែឧសភា ឆ្នាំ១៩៩៣ កំឡុងពេលបំពេញបេសកកម្មនៅខេត្តឧត្តរមានជ័យ ជាមួយនឹងសហការីរបស់លោក។ ការស្លាប់របស់លោក Haruyuki Takata គឺមានរយៈពេល៣០ឆ្នាំមកហើយ។
លោកឯកអគ្គរាជទូតបន្តថា ជប៉ុននៅតែបន្តការខិតខំប្រឹងប្រែង និងកិច្ចសហប្រតិបត្តិការជាមួយកម្ពុជាឱ្យកាន់តែស្អិតរមួតបន្ថែមទៀត ព្រមទាំងធ្វើឱ្យទំនាក់ទំនងរបស់ប្រទេសទាំង២ រវាងប្រជាជន និងប្រជាជនកាន់តែប្រសើរឡើង។ លោកក៏សូមឱ្យវិញ្ញាណក្ខន្ធរបស់លោក Haruyuki Takata ទៅកាន់សុគតិភព។
ចំណែក អង្គការសហប្រជាជាតិ (UN) ក៏បានផ្ញើសាររំលែកទុក្ខជាមួយស្ថានទូតជប៉ុនផងដែរ។ UN បានលើកឡើងថា លោក Haruyuki Takata បានធ្វើដំណើរមកកម្ពុជា ដើម្បីគាំទ្របេសកកម្មសន្តិភាព។ លោកបាននាំមកជាមួយនូវឧត្តមគតិរបស់អង្គការសហប្រជាជាតិ ភាពរឹងមាំ និងក្តីមេត្តា ការប្តេជ្ញាចិត្តដែលមិនផ្លាស់ប្តូររបស់ប្រជាជាតិជប៉ុន។ ការបម្រើរបស់លោក គឺដូចជាសម្រាប់មនុស្សជាច្រើនដែលបម្រើក្នុងបេសកកម្មរក្សាសន្តិភាព ជាទង្វើនៃភាពក្លាហាន និងការលះបង់។ ទោះបីជាលោក Haruyuki Takata ទទួលមរណភាពរយៈពេល៣០ឆ្នាំមែន តែ UN នៅតែរំលឹកដល់លោក និងការបម្រើរបស់លោកជានិច្ច។
រីឯ ក្រសួងការបរទេស និងសហប្រតិបត្តិការអន្តរជាតិកម្ពុជាវិញ ក៏បានផ្ញើសារមកកាន់ស្ថានទូជប៉ុនថា ក្នុងនាមរដ្ឋាភិបាល និងប្រជាជនកម្ពុជា សូមសម្តែងនូវការគោរពយ៉ាងជ្រាលជ្រៅចំពោះលោក Haruyuki Takata អតីតស្នងការនគរបាលដែលត្រូវបានស្ទាក់ចាប់ និងសម្លាប់ក្នុងអំឡុងពេលបំពេញបេសកកម្ម ក្រោមក្របខណ្ឌនៃអាជ្ញាធរអន្តរកាលអង្គការសហប្រជាជាតិនៅកម្ពុជា (អ៊ុនតាក់) នៅថ្ងៃទី៤ ខែឧសភា ឆ្នាំ១៩៩៣។
ប្រជាជនកម្ពុជានឹងចងចាំជានិច្ចនូវជំនួយដ៏ថ្លៃថ្លារបស់រដ្ឋាភិបាល និងប្រជាជនជប៉ុនសម្រាប់ការរួមចំណែកយ៉ាងសកម្មក្នុងដំណើរការសន្តិភាពរបស់កម្ពុជា និងការគាំទ្ររបស់ពួកគេក្នុងការបង្រួបបង្រួមជាតិ និងឯកភាពប្រទេស។ ទន្ទឹមនឹងនេះ ប្រទេសជប៉ុន បានដើរតួនាទីយ៉ាងសំខាន់ក្នុងការស្តារ ការកសាងឡើងវិញ និងការអភិវឌ្ឍសេដ្ឋកិច្ចសង្គមរបស់កម្ពុជា តាមរយៈការផ្តល់ជំនួយអភិវឌ្ឍន៍ផ្លូវការ និងក្រោមក្របខណ្ឌកិច្ចសហប្រតិបត្តិការទ្វេភាគី និងពហុភាគីផ្សេងទៀត។
សូមជម្រាបថា លោក Haruyuki Takata កើតនៅថ្ងទី ២៧ ខែ ធ្នូ ឆ្នាំ ១៩៥៩ នៅប្រទេសជប៉ុន។ លោកត្រូវបានបញ្ជូនមកកម្ពុជា ដើម្បីចូលរួមសកម្មភាពអ៊ុនតាក់ នៅឆ្នាំ១៩៩២ ក្នុងឋានៈជានគរបាលស៊ីវិល ជាលើកដំបូងបង្អស់របស់ជប៉ុន។ លោកបានបូជាជីវិត នៅពេលកំពុងបំពេញបេសកកម្មរបស់ខ្លួន ក្រោយពីមានការវាយប្រហារមកលើក្បួនរថយន្តអ៊ុនតាក់ នៅថ្ងៃទី៤ ខែឧសភា ឆ្នាំ១៩៩៣ នៅខេត្តឧត្តរមានជ័យ។ ក្រៅពីលោក Haruyuki Takata ក៏មានលោក Nakata Atsuhito ជាមន្រ្តីគ្រប់គ្រងការរៀបចំការបោះឆ្នោតថ្នាក់ស្រុក បានពលីជីវិតដែរនៅថ្ងៃទី៨ ខែ មេសា ឆ្នាំ១៩៩៣ នៅខេត្តកំពង់ធំផងដែរ៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ