Connect with us

ព័ត៌មានជាតិ

អាជ្ញាធរខេត្តស្ទឹងត្រែង កំពុងសាងសង់ខឿនច្រាំង​ទន្លេដើម្បីការពារបាក់ដី​ និងជាសោភ័ណភាព

បានផុស

នៅ

អាជ្ញាធរខេត្តស្ទឹងត្រែងកំពុងសាងសង់ខឿនច្រាំងតាមមាត់ទន្លេសេកុងប្រវែងជាង៣០០ម៉ែត្រជាសមិទ្ធផលថ្មី ចាប់ពីចំណុចស្ពានសេកុង ទៅដល់ចំណុចស្ពានស្រែពោធិ ក្នុងសង្កាត់ស្រះឬស្សី ក្រុងស្ទឹងត្រែង ដើម្បីការពារកុំឱ្យដីបាក់ និងសម្រាប់ជាទីកន្លែងកម្សាន្ដរបស់ភ្ញៀវទេសចរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយ កុសល អភិបាលក្រុងមានប្រសាសន៍ថា នេះជាសមិទ្ធផលថ្មីមួយទៀត ដែលអាជ្ញាធរខេត្តស្ទឹងត្រែងស្ថាបនាឡើងទៅតាមផែនការ សម្រាប់ទប់ការពារកុំឱ្យទឹកហូរច្រោះបាក់ដីតាមជួរមាត់ទន្លេ ដែលបង្កផលប៉ះពាល់ដល់ថ្នល់ជាតិ និងផ្ទះសម្បែងរបស់ប្រជាពលរដ្ឋនៅក្នុងក្រុង។

លោកអភិបាលក្រុងបន្តថា សមិទ្ធផលថ្មីនេះយើងអាចដាក់បញ្ចូលក្នុងសូចនាករមួយបន្ថែមសម្រាប់ធ្វើការប្រកួតប្រជែងទីក្រុងស្អាតនៅឆ្នាំខាងមុខ ព្រោះធ្វើឱ្យទីរួមខេត្តមានសោភណ្ឌភាព និងជួយជាផលប្រយោជន៍ផ្សេងៗបានច្រើនទៀត អាចនិយាយបានថា យើងមានលទ្ធភាពងាយស្រួលនៅពេលច្រាំងទន្លេធ្វើរួចរាល់ អាចឱ្យប្រជាអ្នកនេសាទឬក៏តាមបណ្តាខេត្តនានានៅតាមដងទន្លេមកទីក្រុងមានកន្លែងចុះចត មានកន្លែងឡើង យើងអាចការពារទាំងការបាក់ដី អាចបង្កើន​សោភណ្ឌភាព និងបង្កលក្ខណងាយស្រួលដល់ភ្ញៀវទេសចរឱ្យមានទីតាំងលំហែរបានច្រើន នេះគឺជាផែនការការរបស់ខេត្តដែលបន្តធ្វើគិតគូវែងឆ្ងាយ និងក្នុងក្របខ័ណ្ឌយុទ្ធសាស្ត្រ។

លោក ដែង ភារម្យ ចៅសង្កាត់ស្រះឬស្សី ក្រុងស្ទឹងត្រែង បានចាត់ទុកថា យុទ្ធសាស្ត្រនេះពិតជាបានផ្តល់អទិភាពឱ្យបងប្អូនប្រជាពលរដ្ឋយើងមានកន្លែងលេងកំសាន្ដ ហាត់ប្រាណ អង្គុយលំហែរកាយប្រកបដោយសុវត្ថិភាពនៅក្នុងខេត្តបានយ៉ាងល្អប្រសើរ ។

លោកបន្តថា កន្លងមកខេត្តសាងសង់ច្រាំងទន្លេនេះបានជាង៦០០ម៉ែត្ររួចមកហើយ ចាប់ពីកំពុងផែទៅដល់ចំណុចស្ពានព្រះរាជដំណាក់ នេះហើយជាសមិទ្ធផលដែលប្រជាពលរដ្ឋយើងកំពុងចង់បានបន្តទៀត អញ្ចឹងប្រជាពលរដ្ឋទាំងអស់គាត់សប្បាយចិត្តនឹងសមិទ្ធផលនេះ ហើយការពារច្រាំងទន្លេនឹងបានមួយរយភាគរយមិនអាចបាក់ទៅទៀតទេ ហើយនឹងការពារមានផ្លូវមានអីយើងអាចការពារបានទាំងអស់សម្រាប់ច្រាំងទន្លេនេះ។

លោក ថេ សីហា អ្នកទទួលការងារសាងសង់បានបញ្ជាក់ថា សំណង់នេះពិតជាមានភាពរឹងមាំព្រោះក្រុមការងារអនុវត្តការសាងសង់ទៅតាមគំរូប្លង់ត្រឹមត្រូវ មានជម្រាលផង និងបើកមុខចេញពីចំណុចច្រាំងចាស់ប្រវែង១៥ម៉ែត្របន្ថែមទៀត  ប្រកបដោយលក្ខណបច្ចេកទេសដើម្បីធ្វើឱ្យសំណង់នេះមានគុណភាព។

សូមបញ្ជាក់ថា ខឿនច្រាំងតាមមាត់ទន្លេសេកុងដែលសាងសង់ថ្មីនេះ មានប្រវែង៣៥៥ម៉ែត្រ បានចាប់ផ្តើមស្ថាបនាឡើងនៅដើមខែកុម្ភៈ ហើយគ្រោងបញ្ជាប់សកម្មភាពសាងសង់នៅចុងឆ្នាំ២០២៣ ទៅតាមផែនការដែលបានគ្រោងទុក៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច១៣ នាទី មុន

បុរី ឡេង ណាវ៉ាត្រា ខណៈនេះដោះដូរបាន ១៦៣ផ្ទះ, ដាក់ពាក្យនៅក្រសួងទទួលប្លង់រឹង ៥៩៧ផ្ទះ ហើយចន្លោះ១ខែទៅ៣ខែទៀត អាចបញ្ចប់បន្ថែមមួយពាន់ទៅពីរពាន់ផ្ទះទៀត

ព័ត៌មានជាតិ២២ នាទី មុន

ប្រាក់ចូលនិវត្តន៍កងទ័ព គ្រូបង្រៀន នឹងឡើងដល់ ៣លាន ៨សែនរៀល នៅឆ្នាំ២០២៥ មែនទេ?

ជីវិតកម្សាន្ដ៤២ នាទី មុន

អតីតតារាសម្តែង TVB លោក Chun Wong រស់រងទុក្ខវេទនា ក្រោយបោះបង់គ្រួសារព្រោះស្រី

ព័ត៌មានជាតិ៤៦ នាទី មុន

ប.ស.ស ពិនិត្យមើលការអនុវត្តគម្រោងការពង្រីករបបសន្តិសុខសង្គមសម្រាប់បុគ្គលស្វ័យនិយោជន៍

ព័ត៌មានជាតិ៤៦ នាទី មុន

អ្នកនាំពាក្យ៖ ក្រុមហ៊ុន សហគ្រាស ទទួលយកសិស្សរៀនជំនាញឲ្យចូលហាត់ការ និងធ្វើការ ដោយសារជឿជាក់លើកម្មវិធី TVET ១,៥លាននាក់ របស់រាជរដ្ឋាភិបាល

សេចក្ដីជូនដំណឹង១៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានអន្ដរជាតិ៩ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

សេចក្ដីជូនដំណឹង២២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ៥ ម៉ោង មុន

ការសម្ដែង អាយ៉ៃជំនាន់ថ្មី “Ayai 5G” ល្ងាចនេះ លក់សំបុត្រអស់មុនកំណត់

សន្តិសុខសង្គម៤ ម៉ោង មុន

គយចល័តតំបន់៦ រឹបអូសទូរស័ព្ទគេចពន្ធជាង១ពាន់ដើម នៅផ្សារមេមត់

Sokha Hotels

ព័ត៌មានពេញនិយម