ព័ត៌មានជាតិ
ក្រសួងអប់រំ អំពាវនាវឲ្យពង្រឹងការលើកកម្ពស់សីលធម៌នៅតាមសាលារៀន
ក្រសួងអប់រំ យុវជន និងកីឡា បានក្រើនរំលឹក និងអំពាវនាវដល់បុគ្គលិកអប់រំ មាតាបិតា សិស្សានុសិស្ស និងគ្រប់ភាគីពាក់ព័ន្ធ ត្រូវពង្រឹង លើកកម្ពស់សីលធម៌ ការអប់រំខាងផ្នែកសាសនា តាមគ្រឹះស្ថានសិក្សានៅទូទាំងប្រទេស។
លោក រស់ សុវាចា អ្នកនាំពាក្យក្រសួងអប់រំ បានមានប្រសាសន៍នៅព្រឹកថ្ងៃទី ២១ មិថុនានេះថា អំឡុងពេលប៉ុន្មានថ្ងៃចុងក្រោយនេះ មានការកើតឡើងអំពើហិង្សាមួយនៅតាមសាលារៀន ដែលជះឥទ្ធិពលមិនល្អមកលើវិស័យអប់រំសិក្សារបស់ជាតិ។
លោកបានបន្តថា «ដូច្នេះហើយទើប ក្រសួងអប់រំ យុវជន និងកីឡា បានធ្វើការអំពាវនាវដើម្បីជាការដាស់តឿនដល់បុគ្គលិកអប់រំ មាតា បិតា សិស្សានុសិស្ស និងគ្រប់ភាគីពាក់ព័ន្ធទាំងអស់ ត្រូវពង្រឹង និងលើកកម្ពស់សីលធម៌ ការអប់រំខាងផ្នែកសាសនា តាមគ្រឹះស្ថានសិក្សានៅទូទាំងប្រទេស សំដៅធានានូវបរិយាកាសអប់រំសិក្សាឲ្យបានល្អប្រសើរជាមួយនឹងគុណធម៌សីលធម៌ និងចរិយាធម៌ថ្លៃថ្នូរ»។
លោកបានណែនាំដល់នាយកសាលា និងគ្រូបន្ទុកថ្នាក់ ត្រូវផ្សព្វផ្សាយ និងពង្រឹងការអនុវត្តឲ្យបានហ្មត់ចត់បំផុតនូវសេចក្ដីណែនាំរបស់ក្រសួងអប់រំ យុវជន និងកីឡា ស្ដីពីការពង្រឹងការអនុវត្តបទបញ្ជាផ្ទៃក្នុងតាមគ្រឹះស្ថានសិក្សាសាធារណៈ និងឯកជន ជាពិសេសត្រូវពង្រឹងយន្តការរបស់ក្រុមប្រឹក្សាវិន័យនៅតាមគ្រឹះស្ថានសិក្សានីមួយឲ្យបានរឹងមាំ។
ចំណែកក្រុមប្រឹក្សាយុវជន ក្រុមប្រឹក្សាកុមារ និងរចនាសម្ព័ន្ធអង្គការយុវជនដែលមាននៅតាមគ្រឹះស្ថានសិក្សា ត្រូវចូលរួមឲ្យបានផុលផុសបំផុតជាមួយសិស្សានុសិស្សក្នុងការកសាងមិត្តភាពសាមគ្គីភាពការជួយយកអាសាគ្នា គោរពវិន័យ និងក្រមសីលធម៌ គោរពសេចក្ដីថ្លៃថ្នូររបស់បុគ្គល គ្រួសារ សាលារៀន និងសង្គមជាតិ។
រីឯគ្រឹះស្ថានសិក្សាទាំងអស់ ត្រូវប្រើប្រាស់ពេលវេលាសមស្របសម្រាប់ការកោះប្រជុំសិស្សានុសិស្សតាមថ្នាក់ តាមក្រុម ឬក្នុងកំឡុងពេលមុន ឬក្រោយកម្មវិធីគ្រប់គ្រងជាតិ ដើម្បីធ្វើការពន្យល់ណែនាំដាស់តឿនក្រើនរំលឹកដល់សិស្សានុសិស្សទាំងអស់ឲ្យគោរពវិន័យ និងបទបញ្ជាផ្ទៃក្នុងរបស់គ្រឹះស្ថានសិក្សា។ គ្រឹះស្ថានសិក្សា ត្រូវជំរុញការសិក្សាស្វែងយល់អំពីអត្ថន័យ និងការច្រៀងបទចម្រៀងពង្សាវតារខ្មែរ ដើម្បីលើកតម្កើងមោទនភាពឧត្ដមភាពជាតិនិយម និងការជឿជាក់លើព្រះរាជាណាចក្រកម្ពុជាពីគ្រប់ស្រទាប់សិស្សានុសិស្ស។
លើសពីនេះ គ្រូបន្ទប់ថ្នាក់ និងគ្រូប្រចាំមុខវិជ្ជា ត្រូវបន្តដាស់តឿន ក្រើនរំលឹក និងបញ្ជ្រាបការអប់រំចរិយាសម្បទាបន្ថែមលើពុទ្ធិសម្បទា និងបំណិនសម្បទានៅគ្រប់ម៉ោងសិក្សាទាំងអស់ដល់សិស្សានុសិស្សឲ្យអស់ពីលទ្ធភាព។
ក្រសួងអប់រំ យុវជន និងកីឡា បានអំពាវនាវដល់មាតាបិតា សូមចូលរួមជាមួយក្រសួង ដើម្បីចំណាយពេលវេលាបន្ថែមទាំងនៅតាមគេហដ្ឋាន ឬទីកន្លែងផ្សេងៗ ក្នុងការបន្តអប់រំពន្យល់ណែនាំបុត្រធីតាគ្រប់រូបឲ្យដើរលើគន្លង នៃសីលធម៌ និងចរិយាធម៌៕
អត្ថបទ ៖ សំអឿន
រដ្ឋមន្ត្រីបរិស្ថានកូរ៉េ ប្ដេជ្ញាជំរុញកិច្ចសហប្រតិបត្តិការលើវិស័យធនធានទឹកជាមួយកម្ពុជា
ក្រសួងការងារ ប្រារព្ធទិវាពិភពលោកដើម្បីសុវត្ថិភាព និងសុខភាពការងារនៅខេត្តព្រះសីហនុ
តុលាការកំពូល កម្ពុជា-ឡាវ ចាប់ដៃគ្នាចែករំលែកព័ត៌មានការបង្ក្រាបបទល្មើសឆបោកតាមអនឡាញ ជួញដូរមនុស្ស គ្រឿងញៀនឆ្លងដែន
ជនសង្ស័យម្នាក់ល្បួងរំលោភនារីម្នាក់បានសម្រេច ហើយលួចថតរូបគំរាមត្រូវអាវុធហត្ថឃាត់ខ្លួន
សម្ដេចតេជោ៖«ខ្ញុំមិនមែនត្រឹមតែកសាងប្រទេសពីបាតដៃទទេទេ រឿងអាស៊ានក៏ខ្ញុំចាប់ផ្ដើមពីលេខសូន្យដែរ ទោះបីមានឧបសគ្គ ក៏ខ្ញុំចូលអាស៊ានឱ្យបាន»
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់៤៥%
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
ពលរដ្ឋខ្មែរម្នាក់ស្លាប់ដោយជំងឺមហារីករៀងរាល់៤០នាទីម្ដង
ត្រាំ បញ្ជាឲ្យបើកពន្ធនាគារល្បីឈ្មោះមួយឡើងវិញ ដើម្បីដាក់ឧក្រិដ្ឋជនសាហាវឃោរឃៅ
ត្រាំ ចេញមុខជម្រះមន្ទិលសង្ស័យ រឿងឈរឈ្មោះបោះឆ្នោតអាណត្តិទី៣
-
សន្តិសុខសង្គម៤ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ១ សប្តាហ៍ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានអន្ដរជាតិ២ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៤ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ៤ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៥ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក