ព័ត៌មានជាតិ

អតីតសកម្មជនបក្សភ្លើងទៀនមួយគ្រួសារទៀត បន្ដទម្លាក់ស្លាកមុខផ្ទះចោល ដោយអស់ជំនឿនិងឈប់គាំទ្រ

បានផុស

៣ years មុន

នៅ

ថ្ងៃចន្ទ ២៦ មិថុនា ២០២៣

ដោយ

កំពង់ចាម ៖ មួយរយៈនេះ អតីតសកម្មជនបក្សភ្លើងទៀន ក្នុងខេត្តកំពង់ចាម បានសម្រេចចិត្តផ្តួលរលំស្លាកគណបក្សភ្លើងទៀនចេញពីមុខផ្ទះ ដោយអស់ជំនឿ និងឈប់គាំទ្រការដឹកនាំរបស់មេបក្សរត់ចោលស្រុកទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀល ថ្ងៃទី២៦ ខែមិថុនា ឆ្នាំ២០២៣ គ្រួសារអតីតសកម្មជនបក្សភ្លើងទៀនមួយគ្រួសារ រស់នៅភូមិព្រែកតាកែ ឃុំល្វេ ស្រុកកោះសូទិន ខេត្តកំពង់ចាម លោក ម៉េង ទុំ អាយុ៤៦ឆ្នាំ និងមានប្រពន្ធ ជិន ប៉ោលីម អាយុ៤២ឆ្នាំ និងលោកយាយ យ៉ុវ ស្រេត អាយុ៦៦ឆ្នាំ បាននាំគ្នាសម្រេចចិត្ត ទម្លាក់ស្លាកគណបក្សភ្លើងទៀនចេញពីមុខផ្ទះចោល ចាប់ពីពេលនេះតទៅ។

លោក ម៉េង ទុំ រួមនឹងគ្រួសារបញ្ជាក់ថា រូបលោក មិនគាំទ្រគណបក្សភ្លើងទៀនទៀតទេ ដោយអស់ជំនឿជឿលើការដឹកនាំរបស់មេដឹកនាំរបស់គណបក្សភ្លើងទៀនជាពិសេស គឺលោក សម រង្សី ដែលតែងតែប្រើប្រាស់នយោបាយបោកប្រាស់ប្រជាពលរដ្ឋ។

ទន្ទឹមនឹងនេះដែរ លោក ម៉េង ទុំ ព្រមទាំងក្រុមគ្រួសារ បានសូមចូលរួមរស់ជីវភាពជាមួយគណបក្សប្រជាជនកម្ពុជាវិញ ដែលដឹកនាំដោយ សម្តេច តេជោ ហ៊ុន សែន គឺ តែងតែគិតគូរពីជីវភាព និងអភិវឌ្ឍន៍ឥតឈប់ឈរ៕

អត្ថបទនិងរូបភាព ៖ ឡេក ចាន់ពេជ្រ