ព័ត៌មានជាតិ

ខេត្តកែបល្បីតាំងពីសម័យអាណានិគមបារាំង គោលដៅទាក់ទាញទាំងឥស្សរជនខ្មែរនិងបារាំង

បានផុស

៣ years មុន

នៅ

ថ្ងៃចន្ទ ១៤ សីហា ២០២៣

ដោយ

បច្ចុប្បន្ននេះ ខេត្តកែបបានក្លាយទៅជាខេត្តគោលដៅទេសចរណ៍ដែលស្រូបបានភ្ញៀវទេសចរជាតិ-អន្តរជាតិ ទៅលេងកម្សាន្តយ៉ាងច្រើនកុះករ។ អ្វីគួរឱ្យកត់សម្គាល់ខេត្តកែបបានក្លាយទៅជាគោលដៅទេសចរណ៍តាំងពីសម័យអាណានិគមនិយមបារាំងមកម្ល៉េះ។

បើយោងតាម “ផែនការមេអភិវឌ្ឍន៍ទេសចរណ៍ខេត្តកែបឆ្នាំ ២០២៣-២០៣៥” ដោយសារតែធនធានធម្មជាតិដ៏សម្បូរបែប ខេត្តកែបបានក្លាយជាគោលដៅទេសចរណ៍ដ៏សំខាន់មួយពេញនិយមទាំងឥស្សរជនបារាំង និងឥស្សរជនខ្មែរចាប់តាំងពីក្នុងសម័យអាណានិគមនិយមបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសម័យសង្គមរាស្ត្រនិយម ក្រុងកែបមានការសាងសង់ ហេដ្ឋារចនាសម្ព័ន្ធសំខាន់ៗ និងសំណង់ភូមិគ្រឹះនានាតាមរចនាបថខ្មែរ និងស្ថាបត្យកម្មសម័យសង្គមរាស្ត្រនិយម ហើយសំណង់ទាំងនោះមួយចំនួនត្រូវបានបន្សល់មកដល់សព្វថ្ងៃនេះ ជាសម្បត្តិវប្បធម៌យ៉ាងសំខាន់។

ដើម្បីធ្វើឱ្យវិស័យទេសចរណ៍ខេត្ត កាន់តែមានសក្កានុពលជាបន្តបន្ទាប់ទៀត “ផែនការមេអភិវឌ្ឍន៍ទេសចរណ៍ខេត្តកែប ឆ្នាំ២០២៣- ២០៣៥” ក៏បានដាក់ចេញនូវផែនការមេសំខាន់ៗចំនួន ៣ ដើម្បីអភិវឌ្ឍន៍ និងលើកស្ទួយវិស័យទេសចរណ៍ដូចជា យុទ្ធសាស្ត្រអភិវឌ្ឍប៉ូលទេសចរណ៍ខេត្តកែប យុទ្ធសាស្ត្រលើកកម្ពស់ការវិនិយោគ និងផ្សព្វផ្សាយ និងយុទ្ធសាស្ត្រអភិវឌ្ឍន៍វិស័យគាំទ្រជាដើម។

ខេត្តកែបជាខេត្តមួយដែលមានព្រំប្រទល់ជាប់ជាមួយខេត្តកំពត និងមួយផ្នែកទៀតជាប់តំបន់ដែនទឹកកម្ពុជាវៀតណាម។ខេត្តកែបស្ថិតក្នុងតំបន់ឆ្នេរ ដែលមានធនធានធម្មជាតិជាច្រើនដូចជា កោះចំនួន១២ ថ្មដុះស្លូត ថ្មប៉ប្រះទឹក មានឆ្នេរសមុទ្រ ព្រែក អូរព្រៃកោងកាង វាល ទំនាប ខ្ពង់រាប និងតំបន់ភ្នំ គម្របព្រៃ និងឧទ្យានជាតិ ជាដើម៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា