ព័ត៌មានជាតិ
តម្លៃពោតក្រហមល្អប្រសើរជាងឆ្នាំមុន បើទោះបីប្រឈមគ្រោះរាំងស្ងួតខ្លះ
ប្រជាកសិករបានឱ្យដឹងថា ដំណាំពោតក្រហម២ឆ្នាំចុងក្រោយនេះហាក់មានលំនឹងទីផ្សារល្អដែល នឹងមានសន្ទុះសេដ្ឋកិច្ចគ្រួសារបានល្អប្រើសើរ ខណៈឆ្នាំនេះមានប្រជាកសិករនៅតាមតំបន់មួយចំនួន ប្រឈមនឹងភាពរាំងស្ងួត បង្កឱ្យកសិផលដំណាំពោតខូចខាត ស្របពេលឆ្នាំនេះកម្រិតហាងឆេងទីផ្សារបានកើនឡើងបន្តិចជាងឆ្នាំកន្លងទៅ។
លោក ខ្លួត រិនដា ការសិករនៅភូមិចំការស្រូវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបងបានប្រាប់ថា គ្រួសាររបស់លោកបានដាំដំណាំច្រើនប្រភេទហើយក្នុងនោះក៏មានចិញ្ចឹមសត្វគោពូជថ្លៃៗរួម និងជ្រូក ទា មាន់ ជាច្រើនផងដែរ ក្រៅពីដំណាំពោត សណ្តែក មៀនប៉ៃលិន និងស្វាយផងដែរ។
កិច្ចខិតខំតស៊ូរបស់ក្រុមគ្រួសារកសិកររូបនេះ គឺជាលទ្ធផលល្អសម្រាប់ជីវភាពគ្រួសារ ហើយក៏ជាកសិករដ៏គំរូម្នាក់ក្នុងស្រុកភ្នំព្រឹក ដែលខិតខំតស៊ូដើម្បីកូនៗបានសិក្សារៀន សូត្រយកចំណេះដឹង មិនធ្វើសំណាកស្រុកហើយបោះបង់ការសិក្សានោះទេ។
លោកបានបន្តថា ដំណាំពោតក្រហមលោកបានដាំដុះលើទំហំដី ៣០ ហិកតា ហើយក៏បានប្រឈមក្នុងការខូចខាតមួយចំនួនប្រហែល ៣០ ភាគរយ ដោយសារតែភាពរាំងស្ងួត តែនៅតំបន់ដែលលោកដាំមានធ្លាក់ភ្លៀងខ្លះៗដែលធ្វើឲ្យដំណាំពោធលោកបានរងផលប៉ះពាល់តិចតួច។
លោកបញ្ជាក់ដូច្នេះថា «ពោតឆ្នាំនេះតម្លៃល្អជាងឆ្នាំមុនបន្តិច តែជួបបញ្ហាគ្រោះរាំងស្ងួតនឹងសត្វល្អិត គឺសត្វដង្កូវបំផ្លាញ ហើយត្រូវចំណាយច្រើនទៅលើដូចជា ជី ថ្នាំបាញ់សម្លាប់ដង្កូវ ប្រេងម៉ាស៊ុត ដែលចំណាយចំនួនសរុបប្រ ហែលជាងមួយម៉ឺនដុល្លា តែមិនខាតទេបានចំណេញតិចតូចបើទោះបីខូចខាតប្រហែល៣០ភាគរយក៏ដោយ»។
លោកបន្តថា «បើគិតពីកម្រិតនៃការចំណាយមានដូចជា ជី ២ ៥០០ ដុល្លា, ពូជ ៣០០០ ដុល្លា, ថ្នាំបាញ់ស្មៅនិងសត្វល្អិត ២ ០០០ ដុល្លា, ថ្លៃម៉ាស៊ូត និងតៃកុងភ្ជួរដី៣០០០ដុល្លា, ថ្លៃម៉ាស៊ីនច្រូត ៣ ២០០ ដុល្លា, និងប្រើប្រាស់ផ្សេងៗចំនួន១ ០០០ ដុល្លាសរុប ១ ៤០០០ ដុល្លា ព្រោះឆ្នាំនេះខ្ញុំប្រមូលផលបានតែ ១២០ តោនប៉ុណ្ណោះ ហើយលក់បាន ៧បាត ឬស្មើនិង ៨២០រៀលក្នុង១គីឡូក្រាម នៃគ្រប់ពោត បើគិតសរុបបានប្រហែលជា ៤ មុឺន ៥ពាន់ដុល្លា ហើយបើមានភ្លៀងគ្រប់គ្រាន់ដូចឆ្នាំកន្លងទៅខ្ញុំប្រមូលផលបាន ចន្លោះពី ២២០ ទៅ ២៣០ តោន»៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ