ព័ត៌មានជាតិ
កសិករអះអាងថា ដំឡូងមីឆ្នាំនេះមានទីផ្សារល្អប៉ុន្តែបារម្ភតម្លៃពោតក្រហមធ្លាក់ថ្លៃ
កសិករក្នុងស្រុកបាណន់ខេត្តបាត់ដំបងរំពឹងផលដំឡូងមីរដូវកាលប្រមូលផលឆ្នាំនេះនឹងផ្តល់លទ្ធផលល្អ ខណះតម្លៃក៏កើនឡើងជាងឆ្នាំមុន ប៉ុន្តែបារម្ភពីតម្លៃពោតក្រហមធ្លាក់ថ្លៃច្រើនមិនសូវបានផលចំណេញដូចដំឡូងមី។
អ្នកស្រី សុខឃឿន កសិកររស់នៅស្រុកបាណន់ បានដាំដុះដំឡូងមីលើផ្ទៃដីទំហំ ១ ហិកតា ហើយឆ្នាំនេះក៏បានខូចខាតមួយចំនួនជាបន្តបន្ទាប់ ប៉ុន្តែក៏បានដាំជួសវិញផងដែរ។ ខណៈដែលផលដំឡូងមីឆ្នាំនេះលូតលាស់បានល្អ និងដាក់មើមធំៗអាចប្រមូលផលបានច្រើនជាងឆ្នាំមុនស្របពេលទីផ្សារក៏ល្អផងដែរ អ្នកស្រីសុខឃឿន បានអះអាងថា ដំឡូងមីស្រស់ឆ្នាំនេះលក់បានតម្លៃ ២៣០ រៀលក្នុង ១ គីឡូក្រាម (មើមស្រស់) ខណះឆ្នាំមុនលក់បាន ១៥០ រៀលប៉ុណ្ណោះ។
“ឆ្នាំនេះក្រៅពីដាំដំឡូង ១ ហិកតា ខ្ញុំក៏ឆ្លៀតដាំពោតក្រហមបានជិត ១ ហិកតាដែរ ដែលបានជួលដីពីអ្នកភូមិ។ តែឆ្នាំនេះពោតធ្លាក់ថ្លៃនៅត្រឹម ៤៥០ រៀល ក្នុង ១ គីឡូក្រាម តែឆ្នាំមុនខ្ញុំលក់បានចន្លោះពី ៦២០ រៀល ទៅ ៦៥០ រៀលក្នុង ១ គីឡូក្រាម (សម្រាប់ពោតស្នូល) និងគ្រាប់លក់បានចន្លោះពី ៨៨០ រៀលដល់ ៩៥០ រៀល”។ អ្នកស្រី សុខ ឃឿន បន្ថែម។
បើតាមមន្ត្រីកសិកម្មខេត្តបាត់ដំបងបានលើកឡើងថា តម្លៃពោតក្រហមឆ្នាំនេះមិនថោកប៉ុន្មានទេ បើគិតតម្លៃពោតទាំងស្នូលមានតម្លៃជាង ៤០០ រៀល ក្នុង ១ គីឡូក្រាម ហើយពោតគ្រាប់លក់បានចន្លោះពី ៧០០ ទៅ ៩០០ រៀលជាង ក្នុង ១ គីឡូក្រាម អាស្រ័យលើគុណភាពល្អ ឬមិនល្អ។
បើសិនទិន្នផលគ្រាប់ពោតមានគុណភាពល្អអាចលក់បានជាង ១ ពាន់រៀលក្នុង ១ គីឡូក្រាម។ ចំណែកដំឡូងមី មើមដាក់ម្សៅបានល្អ សម្រាប់មើមស្រស់លក់បាន ២៨០ រៀលក្នុង ១ គីឡូក្រាម។
កន្លងមកខាងមន្ទីរកសិកម្មខេត្តបាត់ដំបងបានណែនាំដល់កសិករ ដែលបានដាំដុះដំំឡូងនិងពោតកុំដាំតាមទម្លាប់ គឺរង់ចាំដល់ខែដែលត្រូវដាំ និងត្រូវថែទាំតាមបច្ចេកទេស កុំដាំទុកចោលតាមធម្មជាតិ ធ្វើឲ្យចុះខ្សោយគុណភាព ហើយធ្វើឲ្យតម្លៃទីផ្សារធ្លាក់ចុះ។
លោក ហេង សិទ្ធ មន្រ្តីកសិកម្មខេត្តបាត់ដំបងបានអះអាងថា ដំណាំពោត ២ វគ្គ បានប្រមូលផលលើផ្ទៃដីប្រមាណ ១៨ មុឺនហិកតា ខណះដំឡូងមីមានកសិករដាំដុះលើស្រុកចំនួន ៨ ក្នុងនោះមានស្រុកចំនួន ៥ នៅប៉ែកខាងលិច មានកសិករដាំដុះដំឡូងមីច្រើនក្នុងចំណោមស្រុកទាំង ៨ ក្នុងខេត្តបាត់ដំបង។ តែលោកមិនបានបញ្ជាក់ថា ផ្ទៃដីសរុបទាំង ៨ ស្រុកមានប៉ុន្មានហិកតានោះទេ ព្រោះលោកមិនទាន់បានទទួលរបាយការណ៍ពីតាមស្រុកនៅឡើយគិតត្រឹមពេលនេះ៕
អត្ថបទ÷សៅ សារិទ្ធ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង