ព័ត៌មានជាតិ
មន្ទីរទេសចរណ៍ខេត្តកោះកុង ផ្តល់ចំណេះដឹងផ្នែកបដិសណ្ឋារកិច្ចដល់ប្រជាសហគមន៍ឃុំកណ្តោល
កោះកុង ៖ មន្ត្រីជំនាញមន្ទីរទេសចរណ៍ខេត្តកោះកុង បានផ្តល់ការអប់រំយល់ដឹងផ្នែកបដិសណ្ឋារកិច្ចដល់ប្រជាសហគមន៍ឃុំកណ្តោលប្រមាណ៤០នាក់ ដើម្បីពង្រីកចំណេះដឹងមុននឹងត្រៀមបើកតំបន់ទេសចរណ៍ធម្មជាតិមួយនាពេលខាងមុខ។
លោក សេត រ៉ាស៊ូ ប្រធានការិយាល័យឧស្សាហ៍កម្មទេសចរណ៍នៃមន្ទីរទេសចរណ៍ខេត្តកោះកុង បានឱ្យដឹងនៅថ្ងៃទី១៤ ខែកញ្ញា ឆ្នាំ២០២៣ថា ប្រជាសហគមន៍ឃុំកណ្តោល បានទទួលចំណេះដឹងផ្នែកបដិសណ្ឋារកិច្ច និងការផ្តល់សេវាកម្មដល់អ្នកទេសចររយៈពេល៣ថ្ងៃមកហើយ ក្នុងគោលបំណងពង្រីកចំណេះដឹងសមត្ថភាពដល់ពួកគាត់។
លោក សេត រ៉ាស៊ូ ពន្យល់ទៀតថា មេរៀនបង្ហាត់បង្ហាញដល់ប្រជាសហគមន៍ មានដូចជា៖ ការត្រៀមផ្តល់សេវាកម្ម រៀបចំធ្វើអនាម័យសោភ័ណ្ឌទីតាំងទេសចរណ៍ឱ្យមានភាពទាក់ទាញ របៀបចាប់កាន់ម្ហូបភេសជ្ជៈ និងបដិសណ្ឋាកិច្ចភ្ញៀវទេសចរប្រកបដោយស្នាមញញឹម។
តំបន់សហគមន៍ការពារធម្មជាតិឃុំកណ្តោល ដែលស្ថិតនៅក្នុងស្រុកបូទុមសាគរ ពិតជាមានសក្តានុពលធម្មជាតិជីវៈចម្រុះជាច្រើនមិនចាញ់តំបន់អេកូទេសចរផ្សេងៗទៀតឡើយក្នុងខេត្តកោះកុង។ នៅពេលពួកគាត់បើកជាតំបន់ទេសចរណ៍ទៅថ្ងៃមុខមែននោះ គឺអាចទទួលបានឱកាសការងារធ្វើ និងប្រាក់ចំណូលផងដែរ ចៀសវាងទៅបរបាញ់សត្វខុសច្បាប់ ឬការទន្ទ្រានដីធ្លីរដ្ឋជាដើម។
ទាក់ទិនការបង្ហាត់បង្ហាញអប់រំយល់ដឹងនេះដែរ លោក រ៉ាស៊ូ កត់សម្គាល់ឃើញថា ប្រជាសហគមន៍ពិតជាផ្តោតការយកចិត្តទុកដាក់ស្តាប់ និងអនុវត្តបានល្អប្រសើរ ដោយពួកគាត់ជឿជាក់ថា មានសមត្ថភាពបម្រើការងារលើវិស័យទេសចរណ៍ប្រកបប្រសិទ្ធភាព។
លោក សេង សិម ប្រធានតំបន់ការពារធម្មជាតិឃុំកណ្តោល និងអ្នកស្រីអ៊ុង ចាន់ថន ជាសមាជិកា លើកឡើងថា ការដែលពួកគាត់បានទទួលចំណេះដឹងផ្នែកវិស័យទេសចរណ៍នេះ ក៏ព្រោះពួកគាត់គ្រោងបើកជាតំបន់ទេសចរណ៍ធម្មជាតិដើម្បីផ្តល់សេវាកម្មដឹកជញ្ជូនភ្ញៀវទេសចរដើរទស្សនាកម្សាន្តសម្រស់ព្រៃកោងកាង សត្វបក្សីជាច្រើនប្រភេទ ផ្តល់សេវាកម្មផ្ទះស្នាក់នៅហូបចុក និងជូនភ្ញៀវដើរចាប់ត្រី មឹក និងបង្គាជាដើម។
តំណាងតំបន់ការពារធម្មជាតិឃុំកណ្តោលបន្តថា ក្រោយការសិក្សាស្វែងយល់៣ថ្ងៃមកហើយនេះ គឺ ពួកគាត់បានយល់ដឹងបន្តិចម្តងៗហើយពីរបៀបត្រៀមខ្លួនស្វាគមន៍ និងផ្តល់សេវាជូនអ្នកទេសចរធ្វើយ៉ាងណាឱ្យល្អ ដើម្បីឱ្យភ្ញៀវទេសចរមកលេងហើយចង់មកលេងទៀត គ្រាតំបន់ការពារធម្មជាតិមួយនេះដំណើរការឆាប់ៗខាងមុខ។
លោក សេង សឹម និងអ្នកស្រី ចាន់ថន រំពឹងថា ពួកគាត់នឹងបន្តទទួលបានចំណេះដឹងជាបន្តបន្ទាប់ទៀតអំពីវិស័យទេសចរណ៍ និងរបៀបគ្រប់គ្រងតំបន់ទេសចរណ៍ឱ្យដំណើរការប្រកបដោយអភិបាលកិច្ចត្រឹមត្រូវតាមលក្ខខណ្ឌដែលតម្រូវ។
សហគមន៍តំបន់ការពារធម្មជាតិឃុំកណ្តោល មានផ្ទៃដីសរុបជាង៤ពាន់ហិចតា ស្ថិតនៅស្រុកបូទុមសាគរ ខេត្តកោះកុង សព្វថ្ងែទីនោះមានសក្តានុពលសំបូរបែបជាច្រើនដែលមិនទាន់បានការកែច្នៃអោយល្អ សម្រាប់ផ្តល់សេវាទេសចរណ៍កម្សាន្តធម្មជាតិ៕
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ