Connect with us

ព័ត៌មានជាតិ

ប្រមុខយោធាកម្ពុជា-ចិន រួមគ្នាជំរុញកិច្ចសហប្រតិបត្តិការរវាងកងទ័ពទាំងពីរឱ្យដល់កម្រិតខ្ពស់

បានផុស

នៅ

ក្នុងជំនួបទ្វេភាគី នៅថ្ងៃទី៣១ ខែតុលា ឆ្នាំ២០២៣ លោកនាយឧត្តមសេនីយ៍ ទៀ សីហា រដ្ឋមន្រ្តីក្រសួងការពារជាតិកម្ពុជា និងលោកនាយឧត្តមសេនីយ៍ ហឺ វេទុង អនុប្រធានគណៈកម្មាធិការយោធាមជ្ឈិមចិន បានប្ដេជ្ញាចិត្តរួមគ្នាជំរុញទំនាក់ទំនង និងកិច្ចសហប្រតិបត្តិការរវាងកងទ័ពនៃប្រទេសទាំងពីរឱ្យកាន់តែមានកម្រិតខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្ដេជ្ញានេះទៀតសោត ធ្វើឡើងក្នុងឱកាសដែលលោកនាយឧត្តមសេនីយ៍ ទៀ សីហា បានអញ្ជើញបំពេញទស្សនកិច្ចជាផ្លូវការនៅចិន និងចូលរួមក្នុងវេទិកាសៀងសាន លើកទី១០ នៅទីក្រុងប៉េកាំង។ ក្នុងនោះ លោកនាយឧត្តមសេនីយ៍ ប្រមុខការពារជាតិកម្ពុជា បានជួបប្រជុំទ្វេភាគីជាមួយលោកនាយឧត្តមសេនីយ៍ ហឺ វេទុង (He Weidong) អនុប្រធានគណៈកម្មាធិការយោធាមជ្ឈិមចិន។

ជាកិច្ចចាប់ផ្ដើម លោកនាយឧត្តមសេនីយ៍ ហឺ វេទុង បានសម្តែងការស្វាគមន៍ដោយក្ដីរីករាយចំពោះនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា ដែលបានអញ្ជើញមកបំពេញទស្សនកិច្ចជាផ្លូវការ និងជាមិត្តភាពនៅចិនពេលនេះ ហើយលោក សង្ឃឹមថា តាមរយៈទស្សនកិច្ចនេះ កងទ័ពនៃប្រទេសទាំងពីរ កម្ពុជា-ចិន នឹងត្រូវបានពង្រឹងពង្រីកទំនាក់ទំនង និងកិច្ចសហប្រតិបត្តិការជាមួយគ្នាកាន់តែអភិវឌ្ឍន៍រីកចម្រើនទៅមុខឥតឈប់ឈរ។

លោក ហឺ វេទុង បានបញ្ជាក់ថា ទំនាក់ទំនងជាមិត្តភាពកម្ពុជា និងចិន បានបង្កើត និងពូនជ្រុំដោយថ្នាក់ដឹកនាំជំនាន់មុន ដោយមិត្តភាពរវាងកម្ពុជា និងចិន បានចាក់ឫសយ៉ាងជ្រៅក្នុងបេះដូងរបស់ប្រជាជននៃប្រទេសទាំងពីរ ហើយដោយឡែក ទំនាក់ទំនង និងកិច្ចសហប្រតិបត្តិការរវាងកងទ័ពនៃប្រទេសទាំងពីរកម្ពុជា-ចិន គឺជាទំនាក់ទំនងដ៏មានសារសំខាន់ ដែលកងទ័ពប្រទេសទាំងពីរ ត្រូវខិតខំអនុវត្តឱ្យបានល្អ និងជំរុញកិច្ចសហប្រតិបត្តិការកងទ័ពទាំងពីរឱ្យ កាន់តែមានកម្រិតខ្ពស់ថែមទៀត។

ជាការឆ្លើយតប លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ​ បានថ្លែងអំណរគុណដល់រដ្ឋាភិបាល ក៏ដូចជាប្រជាជនចិន ដែលជានិច្ចកាលតែងតែគាំទ្រដល់កម្ពុជា ជាពិសេសក្នុងពេលមានការឆ្លងរីករាលដាលនៃជំងឺរាតត្បាតកូវីដ-១៩ ដោយក្នុងនោះ ប្រទេសចិន បានផ្ដល់នូវឧបករណ៍សម្ភារៈបរិក្ខារពេទ្យ ឱសថ និងអំណោយជាវ៉ាក់សាំង ដើម្បីបង្ការ ទប់ស្កាត់ការឆ្លងរីករាលដាលជំងឺកូវីដ-១៩​ នៅកម្ពុជា។ ក្នុងនោះ សម្ដេចពិជ័យសេនា ទៀ បាញ់ អតីតរដ្ឋមន្ត្រីក្រសួងការពារជាតិ បានធ្វើការសហការយ៉ាងជិតស្និទ្ធិជាមួយឯកអគ្គរដ្ឋទូតចិនប្រចាំកម្ពុជា ដើម្បីបានផ្តល់អំណោយវ៉ាក់សាំងកូវីដ-១៩ សម្រាប់ជួយស្រោចស្រង់ជីវិតប្រជាជនកម្ពុជា។

ប្រមុខការពារជាតិកម្ពុជា បានគូសបញ្ជាក់ថា ទំនាក់ទំនងជាមិត្តភាពរវាងកម្ពុជា-ចិន គឺជាមិត្តភាពដ៏ល្អប្រសើរ និងមានភាពយូរអង្វែង​ ហើយបច្ចុប្បន្ននេះ កម្ពុជា ក៏បានកំពុងបន្តការអភិវឌ្ឍប្រទេសជាតិយ៉ាងឆាប់រហ័ស ក្រោមម្លប់សន្តិភាព។ ទន្ទឹមនេះ លោក ទៀ សីហា ក៏បានលើកឡើងអំពីកិច្ចសហប្រតិបត្តិការរវាងកងទ័ពទាំងពីរ ក្នុងការបន្តធ្វើសមយុទ្ធនាគមាស និងសមយុទ្ធទេវតាសន្តិភាព ដែលការអនុវត្តលំហាត់ហ្វឹកហ្វឺននេះក្នុងពេលកន្លងមក បាននាំមកនូវការពង្រឹងសមត្ថភាពដល់កងយោធពលខេមរៈភូមិន្ទកាន់តែរឹងមាំផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ វិនាទី មុន

ក្រុងកែបទទួលបានជយលាភីទីក្រុងស្អាតអាស៊ាន

ព័ត៌មានអន្ដរជាតិ១៤ នាទី មុន

ប៉ាគីស្ថាន ​ចោទ​ ឥណ្ឌា​ ​សម្លាប់ពលរដ្ឋខ្លួន​ក្រៅ​ប្រព័ន្ធ​តុលាការ​

ព័ត៌មានជាតិ២៤ នាទី មុន

លោក លី ធុជ ដឹកនាំកិច្ចប្រជុំត្រៀមរៀបចំកិច្ចប្រជុំកំពូលសៀមរាប-អង្គរ ស្តីពីពិភពលោកមួយគ្មានមីននៃអនុសញ្ញាអូតាវ៉ា

ព័ត៌មានជាតិ៣៣ នាទី មុន

ម្ចាស់ដី​ស្របច្បាប់​ស្នើ​អាជ្ញាធរស្រុកកណ្តាលស្ទឹង​បង្ក្រាប​ក្រុម​អណាធិបតេយ្យ​ចាប់​ដី​សង់​រោង​លើ​ដីមាន​ម្ចាស់

KPT+៤៨ នាទី មុន

មិនបាច់ទៅចាក់បង្គា ចាប់សត្វសមុទ្រឯណាឆ្ងាយទេ តែជាង ១០គ.ម ពីក្រុងកែប កម្សាន្តបានពេញមួយរាត្រី

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម