ព័ត៌មានជាតិ

វិធានការកាត់បន្ថយការប្រើប្លាស្ទិកក្រសួងបរិស្ថាន កើតឡើងចំពេលសកលលោកកំពុងផ្ដួចផ្ដើមគំនិតដោះស្រាយការបំពុលដោយប្លាស្ទិក

បានផុស

២ years មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

នាព្រឹកថ្ងៃទី១៤ ខែវិច្ឆិកា ឆ្នាំ២០២៣ នេះ ក្រសួងបរិស្ថានបានប្រកាសដាក់ចេញវិធានការកាត់បន្ថយការប្រើប្រាស់ប្លាស្ទិកដែលកំពុងអនុវត្តមកដលពេលនេះ ស្របពេលដែលសាកលលោកកំពុងផ្ដួចផ្ដើមគំនិតដោះស្រាយការបំពុលពីប្លាស្ទិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបរិស្ថានកំពុងបន្តអនុវត្តវិធានការជាក់ស្តែង តាមរយៈដាក់ឲ្យប្រើប្រាស់ធុងសំរាមដាច់ដោយឡែកនៅតាមសាលារៀន និងលើកទឹកចិត្តសិស្សានុសិស្សកែច្នៃប្លាស្ទិក និងសំណល់សំរាម ធ្វើជាជីកំប៉ុស។ វិធានការដ៏ចម្បងនេះកំពុងប្រព្រឹត្តទៅស្របតាមគំនិតផ្ដួចផ្ដើមជាសកលរបស់អង្គការសហប្រជាជាតិ ដើម្បីដោះស្រាយការបំពុលប្លាស្ទិក។ វិធានការទាំងនេះ រួមចំណែកដល់កិច្ចខិតខំប្រឹងប្រែងរបស់កម្ពុជានៅក្នុងឆាកអន្តរជាតិ និងដោះស្រាយបញ្ហាឫសគល់នៃការបំពុលប្លាស្ទិក តាមរយៈការពង្រឹងការអនុវត្តការគ្រប់គ្រងសំណល់ឲ្យមានប្រសិទ្ធភាព។

គំនិតផ្ដួចផ្ដើមរបស់កម្ពុជា បានផ្តល់នូវឧទាហរណ៍ជាក់ស្តែងមួយក្នុងការដោះស្រាយបញ្ហាស្នូលនៅកម្រិតមូលដ្ឋាន ហើយជាការរួមចំណែកនៅក្នុងការពិភាក្សាជាសកលស្តីពីការអនុវត្តការគ្រប់គ្រងសំណល់ប្រកបដោយនិរន្តរភាព។

ការចូលរួមដ៏សកម្មរបស់កម្ពុជានាពេលនេះ មិនត្រឹមតែផ្តល់ផលប្រយោជន៍ ល់ប្រជាពលរដ្ឋរបស់ខ្លួនប៉ុណ្ណោះទេ ប៉ុន្តែថែមទាំងផ្តល់នូវគំរូសកម្មភាពដ៏ល្អមួយ ដើម្បីចែករំលែកជាមួយប្រទេសដទៃទៀត នៅទូទាំងពិភពលោក ដោយបង្ហាញពីគំនិតផ្តួចផ្តើមដែលអាចកៀរគរមនុស្សនៅតាមសហគមន៍ សាលារៀន និងបុគ្គលនានា ឲ្យមានការបោះជំហានទៅមុខយ៉ាងសំខាន់ ក្នុងការកាត់បន្ថយសំណល់ប្លាស្ទិកយ៉ាងទូលំទូលាយ។

គួរជម្រាបថា ចាប់តាំងពីថ្ងៃទី១ ខែកញ្ញា ឆ្នាំ ២០២៣ រហូតមកដល់ពេលនេះ យុទ្ធនាការកាត់បន្ថយការប្រើប្រាស់ប្លាស្ទិក រៀបចំឡើងក្រោមប្រធានបទ “ថ្ងៃនេះ ខ្ញុំមិនប្រើថង់ផ្លាស្ទិកទេ” បានទទួលការចូលរួមដ៏គួរឲ្យកត់សម្គាល់ពីសាលារៀនទូទាំងប្រទេសសរុប ចំនួន 5,808 សាលា គ្រូបង្រៀនចំនួន 191,183 នាក់ និងសិស្សានុសិស្ស ចំនួន 2,439,539 នាក់ សរុបចំនួន 2,655,231 នាក់ គិតត្រឹមថ្ងៃទី 13 ខែវិច្ឆិកា ឆ្នាំ 2023។

ប្រជាពលរដ្ឋ ចំនួន 15.61% បានចូលរួមដោយផ្ទាល់ក្នុងយុទ្ធនាការកាត់បន្ថយការប្រើប្រាស់ប្លាស្ទិកជារួមប្រជាពលរដ្ឋសរុបប្រមាណ ៥០% នៅទូទាំងប្រទេសបានចូលរួមយុទ្ធនាការ “ថ្ងៃនេះ ខ្ញុំមិនប្រើថង់ផ្លាស្ទិកទេ” ៕