ព័ត៌មានជាតិ
មកដល់ពេលនេះមានផលិតផលក្នុងស្រុកជាង ៦០០ មុខ ចុះបញ្ជីភូមិមួយផលិតផលមួយ
បើតាមលោកបណ្ឌិត សួង ណយ មុខទំនិញក្នុងស្រុកជាង ៦០០ មុខ ត្រូវបានចុះបញ្ជីក្នុងចលនាភូមិមួយផលិតផលមួយ។
លោកបណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតមួយនៃទីស្ដីការគណៈរដ្ឋមន្ដ្រីបានឲ្យកម្ពុជាថ្មីថា ស្របទៅនឹងគោលការណ៍ពង្រីកបន្ថែមនូវទីផ្សារសម្រាប់ផលិតករកម្ពុជាឲ្យកាន់តែរីកសុះសាយទាំងទីផ្សារក្នុងស្រុកក៏ដូចជាអន្តរជាតិ គណៈកម្មាធិការជាតិជំរុញចលនាភូមិមួយផលិតផលមួយ ដោយមានការជ្រោមជ្រែងពីគណៈកម្មាការជំរុញចលនាភូមិមួយផលិតផលមួយរាជធានីខេត្តទាំងអស់ បានដំណើរការចងក្រងសមាជិកភូមិមួយផលិតផលមួយបានចំនួនជាង ៦០០ ផលិតផល។ ក្នុងចំណោម ៦០០ ផលិតផលមានផលិតផលប្រភេទទំនិញ (រូបិយ) ប្រហែល ៤៨០ ផលិតផល និងផលិតផលប្រភេទសេវាកម្មមានប្រហែលជាង ១០០ ផលិតផល។
លោកថា សន្ទុះនៃការគាំទ្រផលិតផលក្នុងស្រុកមានការរីកចម្រើនតាមរយៈការផ្សព្វផ្សាយ ហើយគណៈកម្មាធិការជាតិជំរុញចលនាភូមិមួយផលិតផលមួយ គ្រោងនឹងចុះបញ្ជីផលិតផលជាបន្តបន្ទាប់ទៀត។
ទាក់ទងការចូលរួមផ្សព្វផ្សាយផលិតផលក្នុងស្រុកលោកបណ្ឌិត សួង ណយ បានឲ្យដឹងថា ឆ្នាំនេះមានការរៀបចំតាំងបង្ហាញផលិតផលក្នុងស្រុកតាមរយៈវេទិកាផ្គូផ្គងរវាងអ្នកផលិត និងអ្នកទិញនៅ១៥ រាជធានីខេត្ត។
វេទិកាផ្គូផ្គងរវាងអ្នកផលិតនិងអ្នកទិញ និងការតាំងបង្ហាញផលិតផលក្នុងស្រុក ដើម្បីកៀរគរសក្ដានុពលសេដ្ឋកិច្ចនៃផលិតផលនិងសេវាកម្មក្នុងស្រុក កសាងបណ្តាញទីផ្សារផលិតផលក្នុងស្រុកដើម្បីលក់បន្តនិងឈានទៅការនាំចេញ។
តាមរយៈវេទិការនេះបានបង្កើតយន្តការតភ្ជាប់បណ្ដាញប្រទាក់ក្រឡាគ្នាពីអ្នកផ្គត់ផ្គង់វត្ថុធាតុដើម អ្នកកែច្នៃវេចខ្ចប់ អ្នកប្រមូលផ្ដុំផលិតផលពីកសិដ្ឋានរហូតដល់តុបាយ ពីសិប្បកររហូតដល់អ្នកប្រើប្រាស់ ដែលពួកគាត់អាចសិក្សាស្វែងយល់ដកស្រង់បទពិសោធន៍ពីគ្នាទៅវិញទៅមក។
បើតាមលោកបណ្ឌិត សួង ណយ ការដឹកនាំគំនិតផ្ដួចផ្ដើមឱ្យមានជំនួបរវាងផលិតផលនិងអ្នកទិញ មានគោលបំណងកាត់បន្ថយគម្លាតរវាងអ្នកផលិតក្នុងស្រុក និងអ្នកទិញសក្ដានុពល។ លើសពីនេះដើម្បីកសាងបរិយាកាសអំណោយផលសម្រាប់ផលិតផលក្នុងស្រុកឱ្យរីកចម្រើន៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ