ព័ត៌មានជាតិ

កៀកថ្ងៃបុណ្យសមុទ្រ ប្រតិបត្តិករទេសចរណ៍ អំពាវនាវភ្ញៀវពន្លឿនការកក់បន្ទប់ ខណៈ ខេត្តកែប មានកន្លែងស្នាក់នៅជាង ១០០ កន្លែង

បានផុស

៣ years មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

ពិធីបុណ្យសមុទ្រលើកទី ១០ ជុំទី ៣ ដែលនឹងប្រារព្ធធ្វើឡើងនៅខេត្តកែប ចាប់ពីថ្ងៃទី ១ រហូតដល់ថ្ងៃទី ៣ ខែធ្នូ ឆ្នាំ ២០២៣ ខាងមុខនេះ កាន់តែកៀកខិតជិតមកដល់ ប្រតិបត្តិករលើសេវាស្នាក់នៅមួយចំនួន ជំរុញភ្ញៀវទេសចររួសរាន់កក់បន្ទប់ ខណៈ ខេត្តកែប មានកន្លែងស្នាក់នៅជាង ១០០ កន្លែង។

នៅថ្ងៃទី ២១ ខែវិច្ឆិកា ឆ្នាំ ២០២៣ នេះ លោក សោម ចិន្តា ប្រធានមន្ទីរទេសចរណ៍ខេត្តកែប បានប្រាប់ឲ្យដឹងថា កាន់តែកៀកថ្ងៃ ក្រសួងទេសចរណ៍ និងរដ្ឋបាលខេត្តកែប បាននិងកំពុងពន្លឿនរៀបចំកន្លែងទីតាំងពិធីបុណ្យសមុទ្រលើកទី ១០ ជុំទី ៣ នៅក្បែរផ្សារក្តាម ខេត្តកែប ឲ្យល្អប្រសើរ។ ទន្ទឹមនោះ ប្រតិបត្តិករលើសេវាស្នាក់នៅមួយចំនួន ក៏បានជំរុញភ្ញៀវទេសចរ ប្រញាប់រួសរាន់កក់បន្ទប់ឲ្យបានមុនថ្ងៃពិធីបុណ្យសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សោម ចិន្តា បានបន្តថា យោងតាមរបាយការណ៍ សម្រាប់ខេត្តកែប មានកន្លែងសេវាស្នាក់នៅគ្រប់ប្រភេទជាង ១០០ កន្លែង និងបន្ទប់ជាង ៦១,៦០០ បន្ទប់។ ហើយសម្រាប់ពិធីបុណ្យសមុទ្រដែលខិតជិតមកដល់នេះ នៅតាមបណ្ដាទីតាំងសេវាស្នាក់នៅក្នុងខេត្តកែប ក៏ទទួលបានការកក់ទុកមួយចំនួនដែរ។

ដោយឡែក អ្នកស្រី លី លី ម្ចាស់ផ្ទះសំណាក់ នៃឆ្នេរ ក៏បានឲ្យដឹងដែរថា គិតត្រឹមថ្ងៃនេះ មានភ្ញៀវកក់បន្ទប់អ្នកស្រីបានប្រមាណ ៥០% ហើយ។

ចំណែកប្រតិបត្តិករទេសចរណ៍ លោក សុផាត ប្រធានផ្នែកលក់ និងទីផ្សារ នៃសណ្ឋាគារ សេវ៉ាការ៉ា ក៏បានបញ្ជាក់ផងដែរថា សណ្ឋាគារលោកបានទទួលការកក់បន្ទប់ជិតនឹងពេញហើយ សម្រាប់ថ្ងៃទី ២ នៃពិធីបុណ្យសមុទ្រ។ ដោយឡែកសម្រាប់ថ្ងៃទី ១ និងថ្ងៃទី ៣ ក៏កំពុងទទួលការកក់បន្ទប់ទុកជាបណ្តើរៗ ហើយដែរ៕

អត្ថបទ ៖ សឹង រ៉ាត់

Related Topics:ខេត្តកែប ទេសចរ បុណ្យសមុទ្រ ការកក់បន្ទប់

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា