ព័ត៌មានជាតិ
ការសាងសង់របងឧទ្យានជាតិភ្នំតាម៉ៅ សម្រេចបាន ៩៥ ភាគរយ
លោក ញឹក រតនៈពេជ្រ ប្រធានសួនសត្វព្រៃការពារ និងសួនភូតគាមភ្នំតាម៉ៅ បានឱ្យដឹងថា ការសាងសង់របងឧទ្យានជាតិភ្នំតាម៉ៅសម្រេចបាន ៩៥ ភាគរយ ដែលគ្រោងនឹងបញ្ចប់នៅពេលឆាប់ៗនេះ។
ឧទ្យានភ្នំតាម៉ៅ នឹងមានសក្ដានុពលទេសចរខ្លាំង ខណៈអាជ្ញាធរមានផែនការអភិវឌ្ឍហេដ្ឋារចនាសម្ព័ន្ធផ្សេងៗ ដូចជាផ្លូវ អាងទឹក និងដាំឈើប្រណិតជាដើម។
លោក ញឹក រតនៈពេជ្រ បានបញ្ជាក់ថា សួនសត្វភ្នំតាម៉ៅ កំពុងរៀបចំថវិកា ដែលបានមកពីចំណូលនៃការទស្សនារបស់ភ្ញៀវទេសចរ ដើម្បីយកថវិកាទាំងនោះ មកអភិវឌ្ឍតំបន់សួនសត្វភ្នំតាម៉ៅវិញ ដូចជា៖ កសាងផ្លូវសម្រាប់ធ្វើដំណើរ ការជួលបុគ្គលិកបម្រើការនៅឧទ្យាន ការលំនៅឱ្យសត្វ និងការទិញថ្នាំពេទ្យ សម្រាប់សត្វនៅពេលឈឺថ្កាល់ ម្ដងៗ ពីព្រោះតែពេលខ្លះ ថវិកាដែលបានមកពីរាជរដ្ឋាភិបាល គឺមិនទាន់គ្រប់គ្រាន់ក្នុងការចំណាយទូទៅ ក្នុងតំបន់ឧទ្យានជាតិសួនសត្វភ្នំតាម៉ៅ នៅឡើយ។
សូមជម្រាបថា ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» នេះ ត្រូវបានបែងចែកជា ៣តំបន់ ទី១ តំបន់ព្រៃការពារសម្រាប់ស្ដារលទ្ធភាពសត្វព្រៃ ជាតំបន់សម្រាប់ធានាការធ្វើវិបុលកម្មសត្វព្រៃ ការអភិរក្ស និងការអភិវឌ្ឍធនធានធម្មជាតិប្រកបដោយនិរន្តរភាព មានផ្ទៃដីទំហំ ១០២១ហិកតា។
ទី២ តំបន់សួនភូតគាមឈើប្រណិតភ្នំតាម៉ៅ ជាតំបន់សម្រាប់ធានាថែរក្សាកូនឈើ និងអភិវឌ្ឍជាសួន ភូតគាម មានពូជឈើប្រណិត និងសោភ័ណភាព ដែលមានផ្ទៃដីទំហំ ៥៣០ហិកតា និងទី៣ តំបន់ឧទ្យានសួនសត្វភ្នំតាម៉ៅជាតំបន់សម្រាប់ថែរក្សាសត្វព្រៃ ព្យាបាល សង្គ្រោះសត្វព្រៃ អប់រំផ្សព្វ ផ្សាយ និងបម្រើសេវាទេសចរណ៍ ដែលមានផ្ទៃដីទំហំ ៤៧៤ហិកតា៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ