ព័ត៌មានជាតិ
យុវជនជាង ២ម៉ឺននាក់ ដែលចូលរៀនវគ្គបណ្ដុះបណ្ដាលដំបូងនេះ នឹងក្លាយជាជនគំរូសម្រាប់យុវជនផ្សេងទៀត
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា យុវជនមកពីគ្រួសារក្រីក្រ និងគ្រួសារងាយរងហានិភ័យជាង ២ម៉ឺន ៤ពាន់នាក់ ដែលបានចុះឈ្មោះចូលរៀនក្នុងវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស វគ្គដំបូងនេះ នឹងក្លាយជាជនគំរូសម្រាប់យុវជនក្រោយៗ ទៀត។
ការលើកឡើងនេះ ធ្វើឡើងក្នុងពិធីបើកវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ វគ្គដំបូង កាលពីព្រឹកថ្ងៃទី ១៥ ខែមករានេះ នៅវិទ្យាស្ថានជាតិពហុបច្ចេកទេសកម្ពុជា។
លោក ហេង សួរ មានប្រសាសន៍ថា យុវជនដែលបានចុះឈ្មោះចូលរៀននាពេលនេះ មិនមែនធ្វើតែសម្រាប់ខ្លួនឯងប៉ុណ្ណោះទេ តែថែមទាំងធ្វើសម្រាប់គ្រួសារ សង្គមជាតិ ហើយក៏ជនគំរូសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ផ្សេងទៀតដែរ។
លោករដ្ឋមន្ត្រី បានបន្ថែមថា «ប្រសិនជាលោកពូ ប្អូនៗ ក្មួយៗ មិនបានជោគជ័យ គ្មានការងារធ្វើល្អ គ្មានប្រាក់ខែល្អ នោះយុវជនដទៃផ្សេងទៀត គាត់ប្រាកដជាអត់ចង់មករៀនទេ ពីព្រោះអី គាត់ថា មកធ្វើអីបើអ្នក ២ម៉ឺននាក់មុននេះ រៀនហើយនៅក្បែរផ្ទះគាត់ ឃើញតែរៀនហើយត្រឡប់ទៅផ្ទះវិញ រៀនហើយនៅតែដដែល អញ្ចឹងអ្នកផ្សេងទៀត ប្រាកដជាអត់មករៀនទេ»។
បើតាមលោក ហេង សួរ ដើម្បីឲ្យយុវជនដទៃទៀត ចុះឈ្មោះចូលរៀនវគ្គបណ្ដុះបណ្ដាលវិជ្ជាជីវៈ និងបច្ចេកទេសដែរនោះ ទាល់តែយុវជនចុះឈ្មោះចូលរៀនវគ្គដំបូងនេះ ក្លាយជាបុគ្គលដែលជោគជ័យ និងជាបុគ្គលគំរូដល់ពួកគេសិន។
«អញ្ចឹងដើម្បីឲ្យយុវជនដទៃផ្សេងទៀត ក៏មករៀនបាន ទាល់តែប្អូនៗ ក្មួយៗ ក្លាយទៅជាមនុស្សដែលជោគជ័យ ក្លាយទៅជាមនុស្សគំរូ ដើម្បីទាញយកយុវជនផ្សេងទៀត ឲ្យមករៀនដូចយើងដែរ ដើម្បីបានការងារដូចយើង ហើយនឹងក្លាយទៅជាវីរៈបុរសប្រចាំគ្រួសាររបស់គេ ដូចយើងដែរ អញ្ចឹងយើងសំខាន់ណាស់»។ នេះជាការលើកឡើងបន្ថែមរបស់លោក ហេង សួរ។
លោករដ្ឋមន្ត្រី លើកឡើងទៀតថា ប្រសិនបើយុវជនដែលចុះឈ្មោះចូលរៀនវគ្គដំបូងនេះ មិនជោគជ័យ គឺក្រសួងការងារ និងបណ្ដុះបណ្ដាលវិជ្ជាជីវៈ ក៏ដូចជារាជរដ្ឋាភិបាល ក៏មិនជោគជ័យដែរ។ ដូច្នេះទាំងក្រសួង ទាំងរាជរដ្ឋាភិបាល និងយុវជនដែលចុះឈ្មោះចូលរៀន មានបេសកកម្មរួមគ្នា នោះគឺធ្វើយ៉ាងណាឲ្យការបណ្ដុះបណ្ដាលជំនាញវិជ្ជាជីវៈ និងបច្ចេកទេសនេះ ទទួលបានជោគជ័យ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង