ព័ត៌មានជាតិ
ផ្លូវកៅស៊ូប្រវែងជាង ១៩ គីឡូម៉ែត្រ ឆ្ពោះទៅតំបន់ទេសចរណ៍ ឆ្នេរនេសាទ ស្ថាបនាបាន ៥០ ភាគរយ
ប្រធានមន្ទីរអភិវឌ្ឍន៍ជនបទខេត្តកោះកុង បង្ហាញថា ការដ្ឋានស្ថាបនាថ្នល់កៅស៊ូប្រវែងជាង ១៩ គីឡូម៉ែត្រ ដែលធ្វើដំណើរឆ្ពោះទៅកាន់តំបន់រមណីយដ្ឋានទេសចរណ៍ឆ្នេរនេសាទ ស្ថាបនាសម្រេចបាន ៥០ ភាគរយហើយ។
![](https://www.kampucheathmey.com/wp-content/uploads/2024/01/៨-16-1024x768.jpg)
លោក អៀង ដារ៉ាវុធ ប្រធានមន្ទីរអភិវឌ្ឍន៍ជនបទ ខេត្តកោះកុង បានឱ្យដឹងនៅថ្ងៃទី ២៩ ខែមករា ឆ្នាំ ២០២៤ នេះថាគិតចាប់ពីថ្ងៃទី១ ខែមិថុនា ឆ្នាំ ២០២៣ ដល់ថ្ងៃទី ២៩ ខែមករា ឆ្នាំ ២០២៤ ការដ្ឋានស្ថាបនាផ្លូវថ្នល់កៅស៊ូប្រវែង ១៩ គីឡូម៉ែត្រ ទទឹង ៨ ម៉ែត្រ ចាប់ពីកែងផ្លូវស្រុកស្រែអំបិល ទៅតំបន់ឆ្នេរនេសាទ ស្ថាបនាសម្រេចបាន ៥០ ភាគរយហើយ ដោយគ្រោងនឹងបញ្ចប់គម្រោងរបស់ខ្លួននៅថ្ងៃទី ៣១ ខែឧសភា ខាងមុខ។
![](https://www.kampucheathmey.com/wp-content/uploads/2024/01/១-76-1024x768.jpg)
លោកប្រធានមន្ទីរអភិវឌ្ឍន៍ជនបទខេត្តកោះកុង បន្ថែមថា គម្រោងអភិវឌ្ឍន៍ជាផ្លូវកៅស៊ូនេះ ធ្វើឡើងក្រោមកិច្ចសម្របសម្រួលរបស់ក្រសួងអភិវឌ្ឍន៍ជនបទ និងធនាគារវិនិយោគហេដ្ឋារចនាសម្ព័ន្ធអាស៊ី ហៅកាត់ថា AIIB ដើម្បីពង្រឹងសមត្ថភាពផលិតភាពជនបទឱ្យកាន់តែល្អប្រសើរ។
![](https://www.kampucheathmey.com/wp-content/uploads/2024/01/៣-45-1024x768.jpg)
គួរកត់សម្គាល់ថា កន្លងទៅ ផ្លូវកៅស៊ូ ១ ខ្សែ ខាងលើនេះ ជាផ្លូវក្រួសក្រហមពិបាកធ្វើដំណើរទាំងរដូវវស្សា និងរដូវប្រាំង ដោយសារតែមើលឃើញពីភាពលំបាករបស់ពលរដ្ឋ និងអ្នកទេសចរ ទើបខាងមន្ទីរ និងអជ្ញាធរពាក់ព័ន្ធ បានជួយសម្រួល ក្នុងការស្ថាបនាផ្លូវធ្វើដំណើរ ដែលវាបានជួយលើកកម្ពស់ជីវភាពពលរដ្ឋ តាមរយៈការស្ថាបនាជាផ្លូវកៅស៊ូដ៏មានសារៈសំខាន់មួយនេះ។
![](https://www.kampucheathmey.com/wp-content/uploads/2024/01/៤-27-1024x768.jpg)
លោក ជា ច័ន្ទកញ្ញា អភិបាលស្រុកស្រែអំបិល យល់ថា មូលដ្ឋានគ្រប់គ្រងរបស់លោក កាន់តែមានការអភិវឌ្ឍន៍បោះជំហានទៅមុខ ព្រោះតែសមិទ្ធផលកកើតមានជាហូរហែ ជាក់ស្តែង ដូចមានផ្លូវកៅស៊ូនេះស្រាប់តែម្តង។ វាផ្តល់អត្ថប្រយោជន៍ច្រើនណាស់ដល់ជីវភាពរស់នៅរបស់ពួលរដ្ឋ និងសក្តានុពលទាក់ទាញភ្ញៀវទេសចរ ខណៈស្រុកស្រែអំបិលបានតំបន់ឆ្នេរសមុទ្រស្រស់ស្អាតគួរឱ្យចង់មកលេងកម្សាន្តគ្រប់រដូវកាលទាំងអស់។
![](https://www.kampucheathmey.com/wp-content/uploads/2024/01/៦-21-1024x768.jpg)
ចំណែកប្រជាពលរដ្ឋរស់នៅក្នុងភូមិជ្រោយស្វាយ ឃុំជ្រោយស្វាយ បានសម្តែងក្តីរីករាយយ៉ាងខ្លាំងពេលជិតបានថ្នល់កៅស៊ូស្អាតល្អងាយស្រួលធ្វើដំណើរទៅមកបានឆាប់រហ័ស ដោយសារតែពួកគាត់ចង់បានផ្លូវកៅស៊ូជាយូរឆ្នាំមកហើយជំនួសឱ្យផ្លូវក្រួសក្រហម។
![](https://www.kampucheathmey.com/wp-content/uploads/2024/01/២-65-1024x768.jpg)
ក្រុមពលរដ្ឋដដែល ជឿជាក់ថា ទៅថ្ងៃមុខ កំណើនភ្ញៀវទេសចរមកកាន់តែកម្សាន្តតំបន់រមណីយដ្ឋានឆ្នេរនេសាទមានច្រើន និងលើកកម្ពស់ជីវភាពរស់នៅរបស់ពួកគាត់នឹងកាន់តែល្អប្រសើរតាមរយៈការទទួលបានផ្លូវ១ខ្សែនេះ ពិសេសគឺមានសុវត្ថិភាពធ្វើដំណើរទៅមកមិនថាខែវស្សា ឬខែប្រាំងនោះទេ ។
![](https://www.kampucheathmey.com/wp-content/uploads/2024/01/៥-25-1024x768.jpg)
ដើម្បីថែររក្សាការពារផ្លូវកៅស៊ូ១ខ្សែនេះបានរឹងមាំគង់វង្ស និងកាត់បន្ថយគ្រោះថ្នាក់ចរាចរណ៍ ពលរដ្ឋស្នើដល់អ្នកពាក់ព័ន្ធទាំងអស់កុំដឹកទំនិញលើសកំណត់ និងបើកបរកុំហួសល្បឿនកំណត់ជាដើម៕
អត្ថបទ ៖ សិរីវឌ្ឍនៈ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ