ព័ត៌មានជាតិ
អភិបាលរងស្រុកកំពង់ត្រាច ៖ កសិករលែងបារម្ភបញ្ហាកង្វះទឹកស្រោចស្រពដំណាំស្រូវរដូវប្រាំង
នាថ្ងៃទី ២៩ ខែមករា ឆ្នាំ ២០២៤ នេះ លោក ង៉ែត សុផល អភិបាលរងស្រុកកំពង់ត្រាច បានលើកឡើងថា ដោយសារមានការយកចិត្តទុកដាក់ពីរាជរដ្ឋាភិបាល និងក្រសួងពាក់ព័ន្ធនានា ជាពិសេសនោះក្រោមការដឹកនាំចង្អុលបង្ហាញពី លោក ម៉ៅ ធនិន អភិបាលខេត្តកំពត បានជួយស្តារប្រឡាយផ្លូវទឹកពីព្រែកអន្សា ដល់ស្រុកបន្ទាយមាសដើម្បីយកមកចែកជូនប្រជាកសិករនៅក្នុងស្រុកកំពង់ត្រាច ដែលប្រជាកសិកទើបនឹងធ្វើស្រែរដូវប្រាំងស្រោចស្រពស្រូវប្រាំងរបស់ប្រជាកសិកនៅដើមរដូវបានទាន់ពេលវេលា។
![](https://www.kampucheathmey.com/wp-content/uploads/2024/01/៦-22.jpg)
លោក ង៉ែត សុផល អភិបាលរងស្រុកកំពង់ត្រាច បានបញ្ជាក់ឱ្យដឹងថា ស្រូវរដូវប្រាំង និងដើមរដូវឆ្នាំ២០២៤នេះ ប្រជាកសិករអនុវត្តធ្វើស្រូវរដូវប្រាំងបានជាង២ពាន់ហិកតា មានឃុំចំនួន ៦ នៅក្នុងស្រុកកំពង់ត្រាច ដោយសារអាកាសធាតុគ្មានភ្លៀងកក់ខែ កត្តាក្តៅខ្លាំង ធ្វើឱ្យដំណាំស្រូវរដូវប្រាំងក្នុងឃុំចំនួនពីរ បានជួបនឹងកង្វះទឹក ប៉ុន្តែក្រោយមានការចូលរួមអន្តរាគមន៍ពីមន្ទីរជំនាញពាក់ព័ន្ធ មកដល់ពេលនេះ អាជ្ញាធរស្រុកអស់ក្តីបារម្ភរឿងបញ្ហាកង្វះទឹកស្រោចស្រពទៀតហើយ។
![](https://www.kampucheathmey.com/wp-content/uploads/2024/01/១-78.jpg)
លោក ង៉ែត សុផល អភិបាលរងស្រុកកំពង់ត្រាច បានបន្ថែមថា បើតាមផ្នែកលើផ្ទៃដីដែលប្រជាកសិករកំពុងតែបង្កបង្កើនផលធ្វើស្រូវរដូវប្រាំងមានចំនួន ១,៣០០ ហិកតា គ្របដណ្តប់លើឃុំចំនួន៦ ដែលជាប់ប្រព័ន្ធស្រោចស្រព ប៉ុន្តែការអនុវត្តជាក់ស្តែងបានដល់រហូត ២,៣៩២ ហិកតា ស្មើនឹង ១៨៤%នៃ ផែនការ។
![](https://www.kampucheathmey.com/wp-content/uploads/2024/01/៣-46.jpg)
លោកអភិបាលរងស្រុក បញ្ជាក់ថា គិតមកដល់ថ្ងៃនេះ អាជ្ញាធរអស់ក្តីបារម្ភរឿងកង្វះទឹកក្នុងប្រឡាយដើម្បីឱ្យពលរដ្ឋបូមស្រោចស្រពដំណាំស្រូវ និងការធ្វើស្រែប្រាំងរបស់ពួកគាត់ទៀតហើយ។
![](https://www.kampucheathmey.com/wp-content/uploads/2024/01/៥-26.jpg)
ជាមួយគ្នានេះ លោក ង៉ែត សុផល ក៏បានអំពាវនាវដល់ប្រជាកសិករទាំងអស់ សូមមេត្តារក្សាប្រភពទឹកទុកសម្រាប់ប្រើប្រាស់ប្រចាំថ្ងៃ និងការចិញ្ចឹមសត្វ ក្នុងករណីដែលគ្មានភ្លៀងកក់ខែនាពេលខាងមុខនេះ។ ជាក់ស្ដែង មន្ទីរជំនាញធនធានទឹក និងឧតុនិយម ក៏បានស្នើសុំឱ្យពលរដ្ឋកាត់បន្ថយការធ្វើស្រូវប្រាំងលើកទី ២ ពិសេសតំបន់នៅឆ្ងាយពីប្រភពទឹក៕
អត្ថបទ ៖ សឹង រ៉ាត់
![](https://www.kampucheathmey.com/wp-content/uploads/2024/01/photo_2024-01-29_13-52-59.jpg)
![](https://www.kampucheathmey.com/wp-content/uploads/2024/01/photo_2024-01-29_13-53-35-1024x576.jpg)
![](https://www.kampucheathmey.com/wp-content/uploads/2024/01/photo_2024-01-29_13-54-51-1024x562.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៧ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៦ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល