ព័ត៌មានជាតិ
ពលរដ្ឋគាំទ្រសម្ដេចធិបតី ហ៊ុន ម៉ាណែត ចេញបញ្ជាឱ្យអភិបាលរាជធានី-ខេត្ត ត្រួតពិនិត្យទីតាំងល្បែងផ្សងសំណាង
ប្រជាពលរដ្ឋ បានសម្ដែងការគាំទ្រចំពោះ សម្ដេចធិបតី ហ៊ុន ម៉ាណែត ដែលចេញបញ្ជាឱ្យអភិបាលរាជធានី-ខេត្តទាំងអស់ នៅទូទាំងប្រទេស ត្រួតពិនិត្យជាបន្ទាន់លើទីតាំងល្បែងផ្សងសំណាង តាមអនឡាញ ខណៈដែលកន្លងមក ពលរដ្ឋខ្លះ បានអះអាងថា មានការភ្នាល់ល្បែងតាមអនឡាញ មិនថា ឡូតូ មាន់ជល់ ក្នុងមូលដ្ឋានរបស់ខ្លួន យ៉ាងគគ្រឹកគគ្រេង។
លោក ចាន់ ផាន ពលរដ្ឋរស់នៅ ខណ្ឌជ្រោយចង្វារ រាជធានីភ្នំពេញ បានប្រាប់ឱ្យ កម្ពុជាថ្មី ដឹងថា ក្នុងនាមលោកជាប្រជាពលរដ្ឋខ្មែរមួយរូប លោក ពិតជាសប្បាយចិត្តយ៉ាងខ្លាំង និងគាំទ្រយ៉ាងពេញទំហឹង នៅពេលដែលបានឮសារសំឡេងរបស់ សម្ដេច ហ៊ុន ម៉ាណែត កាលពីថ្ងៃទី ១៤ កុម្ភៈ ម្សិលមិញនេះ ដែលសម្ដេចបានបញ្ជាឱ្យ អភិបាលរាជធានី-ខេត្តទាំងអស់ នៅទូទាំងប្រទេស ត្រូវត្រួតពិនិត្យមើលតាមមូលដ្ឋានរបស់ខ្លួន ចំពោះល្បែងស៊ីសងតាមអនឡាញ ជាបន្ទាន់។
លោក ចាន់ ផាន បន្ថែមទៀតថា ចំណាត់ការមួយនេះ ជារឿងដែលប្រពៃណាស់ ពីព្រោះថា ប្រសិនបើ នៅតែបន្តឱ្យមានការបើកល្បែងស៊ីសង តាមអនឡាញ យ៉ាងគគ្រឹកគគ្រេងបែបនេះ អ្នកដែលរងគ្រោះធំបំផុត គឺជាប្រជាពលរដ្ឋនេះតែម្ដង។
លោក ចាន់ ផាន បញ្ជាក់ទៀតថា ប្រសិនបើ ពលរដ្ឋនាំគ្នាលេងតែល្បែង គ្មានពេលរកស៊ីចិញ្ចឹមប្រពន្ធកូន ខាតបង់ថវិកា នាំឱ្យមានជម្លោះក្នុងគ្រួសារ ឬអាចកើតចេញជាអំពើហិង្សាក៏ថាបាន។ ម៉្យាងទៀត ស្របពេលដែលសេដ្ឋកិច្ចមានការធ្លាក់ចុះ ពលរដ្ឋមិនគួរនាំគ្នាលេងល្បែងនោះទេ ផ្ទុយទៅវិញ ពលរដ្ឋគួរតែរកមុខរបរធ្វើបន្ថែម ដូចជាការដាំដុះបន្លែ ត្រី សាច់ តាមផ្ទះវិញទើបប្រសើរ។ នេះជាការលើកឡើងរបស់ លោក ចាន់ ផាន។
ចំណែក អ្នកស្រី ស៊ាន យាង ពលរដ្ឋរស់នៅ ស្រុកស្រីសន្ធរ ខេត្តកំពង់ចាម ក៏បានប្រាប់ឱ្យ កម្ពុជាថ្មី ដឹងដែរថា អ្នកស្រី សូមសម្ដែងការគាំទ្រចំពោះចំណាត់ការរបស់សម្ដេចធិបតី ដែលដាក់បទបញ្ជាឱ្យអាជ្ញាធរ គ្រប់បណ្ដារាជធានី-ខេត្ត ចុះពិនិត្យទីតាំងល្បែងតាមអនឡាញ នៅតាមមូលដ្ឋានរបស់ខ្លួន។
អ្នកស្រី បន្ថែមថា កន្លងមកនៅតាមមូលដ្ឋានរបស់អ្នកស្រី ក៏ឃើញមានការភ្នាល់ល្បែងតាមអានឡាញ ដូចជា ៖ មាន់ជល់ ឡូតូ យ៉ាងសកម្ម ផងដែរ។ ពលរដ្ឋរូបនេះ បន្ដថា ប្រសិនបើរាជរដ្ឋាភិបាល សម្រេចបិទល្បែងទាំងអស់នេះ ពលរដ្ឋដែលចូលចិត្តភ្នាល់ល្បែងទាំងនោះ នឹងងាកទៅរកការប្រកបមុខរបរ ឬការងារ តាមជំនាញរៀងៗខ្លួនវិញ ដែលនឹងអាចឱ្យសេដ្ឋកិច្ចគ្រួសារក៏បានប្រសើរឡើង ផងដែរ។
សូមជម្រាបថា សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីថ្ងៃទី ១៤ ខែកុម្ភៈ ឆ្នាំ២០២៤ ម្សិលមិញនេះ បានចេញសារសំឡេងជាបទបញ្ជា ឱ្យអភិបាលរាជធានី-ខេត្តទាំងអស់ នៅទូទាំងប្រទេស ត្រួតពិនិត្យជាបន្ទាន់លើទីតាំងល្បែងផ្សងសំណាង ក្នុងករណីមានបន្តបើកថ្មីទៀត សូមចាត់វិធានការបិទជាបន្ទាន់ និងរាយការណ៍ផ្ទាល់ជូនសម្តេច៕
អត្ថបទ ៖ សួស សិត
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៥ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ជីវិតកម្សាន្ដ២១ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៧ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល