ព័ត៌មានជាតិ
រដ្ឋាភិបាលគ្រោងសាងសង់ស្ពានឆ្លងទន្លេថ្មីមួយទៀតនៅស្រុកកោះធំភ្ជាប់ទៅផ្លូវជាតិលេខ ២៣
បើតាមការបង្ហើបពីលោក ផន រីម មន្ត្រីអ្នកនាំពាក្យក្រសួងសាធារណការ និងដឹកជញ្ជូន រដ្ឋាភិបាលគ្រោងសាងសង់ស្ពានឆ្លងកាត់ទន្លេមួយទៀតតភ្ជាប់ទៅផ្លូវជាតិលេខ ២៣ ស្ថិតនៅក្នុងស្រុកកោះធំខេត្តកណ្តាល។
ការបង្ហើបគម្រោងសាងសង់ស្ពានឆ្លងទន្លេថ្មីនេះ ស្របពេលប៉ុន្មានថ្ងៃទៀតប្រមុខដឹកនាំកម្ពុជាសម្តេចធិបតី ហ៊ុន ម៉ាណែត នឹងចូលរួមបើកការដ្ឋានសាងសង់ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) ដើម្បីជំរុញកំណើនការអភិវឌ្ឍសេដ្ឋកិច្ចនៅតំបន់ភាគខាងត្បូងរាជធានីភ្នំពេញ និងសម្រួលការកកស្ទះនៅលើស្ពានព្រះមុនីវង្ស។
រូបឯកសារ
ទាក់ទងគម្រោងសាងសង់ស្ពានឆ្លងទន្លេថ្មីនេះ មន្រ្តីក្រសួងសាធារណការនិងដឹកជញ្ជូនមិនបានបញ្ជាក់និងផ្តល់ព័ត៌មានបន្ថែមនោះទេ។ យ៉ាងណាមិញ បើយោងតាមឯកសាររបស់ទីស្តីការគណៈរដ្ឋមន្រ្តីចុះនៅថ្ងៃទី ១៨ ខែសីហា ឆ្នាំ ២០២៣ រដ្ឋាភិបាលបានអនុញ្ញាតិជាគោលការណ៍ដោះដូរដីរដ្ឋចំនួន ៤ កន្លែងនៅស្រុកកោះធំ និងក្រុងសំពៅពូនជាថ្នូរការអភិវឌ្ឍហេដ្ឋារចនាសម្ព័ន្ធក្នុងនោះក៏មានការសាងសង់ស្ពានឆ្លងទន្លេបាសាក់ប្រវែង ៥០០ ម៉ែត្រ ទទឹង ១២ ម៉ែត្រ ឆ្លងពីសង្កាត់សំពៅពូន ទៅសង្កាត់ព្រែកជ្រៃ ក្នុងក្រុងសំពៅពូន ខេត្តកណ្តាល ក្នុងតម្លៃ ២៤ លានដុល្លារ។
ស្រុកកោះធំដែលជាប់ព្រំប្រទល់ជាមួយប្រទេសវៀតណាម បច្ចុប្បន្នមានស្ពានឆ្លងកាត់ទន្លេចំនួនពីរគឺស្ពានមិត្តភាពកម្ពុជា-ចិនកោះធំប្រវែង ៤១៥ម៉ែត្រ ដែលសម្ពោធដាក់ឲ្យប្រើប្រាស់កាលពីឆ្នាំ ២០១៨ និងស្ពានឆ្លងកាត់ព្រំដែនកម្ពុជា-វៀតណាម ជ្រៃធំ-ឡុងប៊ិញ (Chrey Thom-Long Binh) ដែលសម្ពោធកាលពីឆ្នាំ ២០១៧ ក្រោមអធិបតីភាពប្រមុខរដ្ឋាភិបាលប្រទេសទាំងពីរ៕
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ