ព័ត៌មានជាតិ

ក្រសួងបរិស្ថានសម្រេចប្រើប្រាស់ប្រព័ន្ធបច្ចេកវិទ្យាពីផ្កាយរណបដើម្បីគ្រប់គ្រងធនធានធម្មជាតិ

បានផុស

២ years មុន

នៅ

ថ្ងៃអង្គារ ១៩ មីនា ២០២៤

ដោយ

លោក អ៊ាង សុផល្លែត រដ្ឋមន្ត្រីក្រសួងបរិស្ថាន បានគូសបញ្ជាក់ថា ការការពារព្រៃឈើនិងធនធានធម្មជាតិគឺការងារអាទិភាពបំផុតដែលក្រសួងបរិស្ថាន និងមន្ត្រីថ្នាក់ក្រោមចាំបាច់ត្រូវយកចិត្តទុកដាក់ដើម្បីទប់ស្កាត់នូវបទល្មើសព្រៃឈើ និងធនធានធម្មជាតិដោយខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទីស្តីការក្រសួង នាថ្ងៃទី១៨ ខែមីនា ម្សិលមិញនេះ លោក អ៊ាង សុផល្លែត បានលើកឡើងថា ដើម្បីគ្រប់គ្រង អភិរក្ស និងការពារតំបន់ការពារធម្មជាតិ និងព្រៃឈើរបស់កម្ពុជា ក្រសួងបរិស្ថានបានសម្រេចប្រើប្រាស់ប្រព័ន្ធបច្ចេកវិទ្យាទំនើប ដើម្បីត្រួតពិនិត្យ តាមដាន និងវិភាគព័ត៌មានតាមរយៈទិន្នន័យដែលទទួលបានពីផ្កាយរណប ហើយការទទួលបានទិន្នន័យទាំងនេះ ក៏ជាផ្នែកមួយជួយពន្លឿនដល់ការងារចុះអនុវត្តច្បាប់ និងបទអន្តរាគមភ្លាមៗ នៅតាមតំបន់គោលដៅផងដែរ។

មិនតែប៉ុណ្ណោះ រដ្ឋមន្រ្តីក៏បានជំរុញនិងផ្តល់ឱកាសឲ្យមន្ត្រីជំនាញរបស់ក្រសួង ដើម្បីពិនិត្យនិងពិភាក្សាលំអិតអំពីប្រសិទ្ធភាពនៃគម្រោង ដើម្បីជំរុញការងារគ្រប់គ្រង និងការពារព្រៃឈើ ធនធានធម្មជាតិរបស់កម្ពុជាឲ្យកាន់តែមានប្រសិទ្ធភាពទេ្វដង ធានាឲ្យបាននូវផលប្រយោជន៍ជូនចំពោះប្រជាជនកម្ពុជាគ្រប់រូប ជាពិសេសការរក្សាបាននូវធនធានធម្មជាតិ និងព្រៃឈើ សម្រាប់យុវជនជំនាន់ក្រោយ តាមរយៈការរួមគ្នាការពារភាពបៃតងរបស់កម្ពុជា ឆ្ពោះទៅជាប្រទេសអព្យាក្រឹតកាបូននៅឆ្នាំ២០៥០៕