ព័ត៌មានជាតិ
អភិបាលខេត្តកំពង់ចាម ស្នើពលរដ្ឋជួយទប់ស្កាត់កុំឱ្យកូនចៅប្រើគ្រឿងញៀន មិនត្រូវពឹងសមត្ថកិច្ចទាំងស្រុង
អភិបាលខេត្តកំពង់ចាម លោក អ៊ុន ចាន់ដា បានគូសបញ្ជាក់ទៅកាន់ពលរដ្ឋថា ក្រៅពីការបង្ក្រាបទប់ស្កាត់របស់សមត្ថកិច្ច សូមឱ្យប្រជាពលរដ្ឋ អប់រំណែនាំកូនចៅ កុំឲ្យពាក់ព័ន្ធ និងឈានទៅដល់ការប្រើប្រាស់គ្រឿងញៀន ដើម្បីកុំឲ្យប៉ះពាល់ដល់អនាគតរបស់យុវជនដែលជាទំពាំងស្នងឫស្សី។ លោកអភិបាលខេត្ត លើកឡើងបែបនេះ ក្នុងឱកាសអញ្ជើញសម្ពោធឆ្លងមហាកុដិ និងសមិទ្ធផលនានា ក្នុងវត្តឥន្ទខីលារាម (ហៅវត្តថ្មគោល) ស្ថិតនៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម នាព្រឹកថ្ងៃទី២២ ខែមីនា ឆ្នាំ២០២៤។
![](https://www.kampucheathmey.com/wp-content/uploads/2024/03/image-1223-1024x682.png)
តាម លោក អ៊ុន ចាន់ដា ដើម្បីកុំឲ្យមានបញ្ហាគ្រឿងញៀនកើតឡើងក្នុងមូលដ្ឋាន គឺត្រូវមានការចូលរួមពីគ្រប់ភាគីពាក់ព័ន្ធ ជាពិសេសប្រជាពលរដ្ឋ និងមាតា បិតា អាណាព្យាបាលផ្ទាល់។ ប្រសិនបើពឹងផ្អែកទៅលើតែអាជ្ញាធរតែម្ខាង គឺមិនគ្រប់គ្រាន់នោះទេ ដូច្នេះប្រជាពលរដ្ឋ ត្រូវជួយអប់រំ តាមដានកូនចៅ កុំឲ្យមានការពាក់ព័ន្ធនឹងបញ្ហាគ្រឿងញៀន ហើយប្រសិនបានដឹងព័ត៌មានអំពីបទល្មើសគ្រឿងញៀននោះ ត្រូវរាយការណ៍ផ្ដល់ព័ត៌មានមកកាន់សមត្ថកិច្ច ពីអ្នកដែលចែយចាយ អ្នកប្រើប្រាស់គ្រឿងញៀន ក្នុងមូលដ្ឋានរបស់ខ្លួន ដើម្បើចូលរួមបង្ក្រាបឲ្យអស់ ធ្វើយ៉ាងណាឲ្យភូមិ ឃុំ គ្មានគ្រឿងញៀន។
លោកអះអាងថា ថ្មីៗនេះ រដ្ឋបាលខេត្តកំពង់ចាមបានបើកយុទ្ធនាការធ្វើតេស្ត រកសារធាតុញៀន លើមន្ត្រីរាជការជាង ២ពាន់នាក់ និងបានពិនិត្យដល់កងកម្លាំងប្រដាប់អាវុធ ទាំង៣ ហើយក៏កំពុងរៀបចំផែនការបន្តចុះទៅធ្វើតេស្តរកសារធាតុញឿនដល់មន្ត្រីនៅថ្នាក់ ក្រុង ស្រុក ឃុំ ភូមិ ដើម្បីឲ្យជឿជាក់ថា មន្ត្រីរាជទាំងអស់មិនការពាក់ព័ន្ធគ្រឿងញៀន។
![](https://www.kampucheathmey.com/wp-content/uploads/2024/03/image-1224-1024x682.png)
ជាការកត់សម្គាល់ គ្រឿងញៀនបានបង្កនូវផលប៉ះពាល់ជាច្រើន ទាំងខ្លួនឯង ក្រុមគ្រួសារ ក្នុងមូលដ្ឋាន និងនៅក្នុងសង្គមជាតិទាំងមូល ធ្វើឲ្យ ខាតបង់ទ្រព្យសម្បតិ្ត ខាតបង់ពេលវេលា បាត់បង់ការងារ បាត់បង់កិត្តិយស បាត់បង់ធនធានមនុស្ស បាត់បង់សេចក្តីថ្លៃថ្នូរ កើតមានភាពអណាធិបតេយ្យ អសន្តិសុខសង្គម ចោរកម្ម ចោរប្លន់ និងឧក្រិដ្ធផ្សេងៗ សង្គមគ្មានការរើកចម្រើន ក្មេងទំ នើង ឈានទៅដល់ការជួញដូរមនុស្ស និងអំពើរំលោភផ្លូវភេទជាដើម ៕
អត្ថបទ ៖ ឡេក ចាន់ពេជ្រ
![](https://www.kampucheathmey.com/wp-content/uploads/2024/03/image-1225-1024x682.png)
![](https://www.kampucheathmey.com/wp-content/uploads/2024/03/image-1227-1024x682.png)
![](https://www.kampucheathmey.com/wp-content/uploads/2024/03/image-1228-1024x682.png)
![](https://www.kampucheathmey.com/wp-content/uploads/2024/03/image-1229-1024x768.png)
![](https://www.kampucheathmey.com/wp-content/uploads/2024/03/image-1230-1024x768.png)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ