ព័ត៌មានជាតិ
រៀបចំតំបន់ទេសចរណ៍ភ្នំសំពៅ បំពាក់ភ្លើងពណ៌កម្សាន្តពេលរាត្រី ឲ្យដូចជាផ្សាររាត្រីបែបធម្មជាតិ
បើតាមការបញ្ជាក់ឱ្យដឹងពីលោក ហម អរុណ អនុប្រធានមន្ទីរទេសចរណ៍ខេត្តបានឱ្យ«កម្ពុជាថ្មី» ដឹងថា ក្នុងទិសដៅដើម្បីទាក់ទាញកំណើនភ្ញៀវទេសចរក្នុង និងក្រៅស្រុកឱ្យមកទស្សនាក្នុងខេត្តបាត់ដំបងបន្ថែមទៀត ខាងមន្ទីរខេត្តបាននឹងកំពុងខិតខំកែច្នៃតំបន់ទេសចរណ៍ភ្នំសំពៅ ប្រែក្លាយជារមណីយដ្ឋានឈានមុខគេ ក្នុងខេត្តបាត់ដំបងក្នុងឆ្នាំ២០២៤ នេះ។
លោក ហម អរុណ អនុប្រធានមន្ទីរទេសចរណ៍ខេត្ត បានឲ្យដឹងថា ដើម្បីឲ្យពិភពលោកបានស្គាល់កាន់តែច្រើននូវផលិតផល និងម្ហូបអាហារដែលជាស្នាដៃកូនខ្មែរ ខាងមន្ទីរខិតខំកែច្នៃបន្ថែមទៀតនៅតំបន់ភ្នំសំពៅនលើពីសក្ដានុពលដែលមានស្រាប់នៅតំបន់នេះឲ្យក្លាយជារមណីយដ្ឋានឈានមុខគេនៅក្នុងខេត្តបាត់ដំបង។
លោកថា «ការកែច្នៃបន្ថែមនេះ មានសាងសង់ជាតូបដាក់តាំងលក់ផលិតផលក្នុងស្រុក (ភូមិមួយផលិតផលមួយ) រួមនិងម្ហូបអាហារឆ្ងាញ់ៗយ៉ាងសម្បូរបែបផងដែរ»។
ជាក់ស្តែង បច្ចុប្បន្នកំពុងតែសាងសង់ និងមានរៀបចំបំពាក់ភ្លើងពណ៌ សម្រាប់ភ្ញៀវកម្សាន្តពេលរាត្រីផង ដែលមើលទៅហាក់ដូចជាផ្សាររាត្រីដ៏ទំនើបបែបធម្មជាតិមួយ ធ្វើឲ្យអារម្មណ៍ភ្ញៀវទេសចរស្រស់ស្រាយ។ មិនតែប៉ុណ្ណោះ ចំពោះការកែច្នៃបន្ថែមនេះ នៅថ្ងៃទី១១-១២ ខែឧសភា ខាងមុខនេះ នឹងដាក់សម្ពោធជាផ្លូវការ។
ទន្ទឹមនេះ អនុប្រធានមន្ទីរទេសចរណ៍ខេត្តរូបនេះក៏បានអំពាវនាវដល់ភ្ញៀវក្នុងស្រុកចូលរួមមកកែកម្សាន្តទាំងអស់គ្នា នឹងជួយលើកកម្ពស់ផលិតផល និងម្ហូបអាហារក្នុងស្រុក ឲ្យកាន់តែផុលផុសបន្ថែមទៀត។
ភ្នំសំពៅ ជាឈ្មោះភ្នំមួយស្ថិតក្នុងស្រុកបាណន់ ខេត្តបាត់ដំបង មានចម្ងាយ ១២ គីឡូម៉ែត្រពីទីរួមខេត្តបាត់ដំបង ត្រូវបានដាក់បញ្ចូលជារមណីយដ្ឋានវប្បធម៌ប្រវត្តិសាស្ត្រដ៏ពេញនិយម សម្រាប់បម្រើដល់វិស័យទេសចរណ៍ក្នុងខេត្តបាត់ដំបង។ ភ្នំនេះមានល្អាងរហូតដល់ ១២ ប្លែកពីគ្នាមានកម្ពស់ប្រមាណ ១០០ ម៉ែត្រ កាំជណ្ដើរឡើងចំនួន ១០៣០ កាំ មានទីតាំងស្ថិតនៅតាមដងផ្លូវជាតិលេខ ៥៧ (អតីតផ្លូវជាតិលេខ១០) ស្ថិតក្នុងឃុំភ្នំសំពៅ ស្រុកបាណន់ ខេត្តបាត់ដំបង។
នៅលើកំពូលភ្នំនេះ មានវត្តមួយឈ្មោះថា វត្តគិរីរម្យ និងល្អាងរូងទាំង ១២ លើភ្នំនេះមានដូចជា ល្អាងផ្កាស្លា, ល្អាងគក់ទ្រូង,ល្អាងខ្យល់,ល្អាងតែងខ្លួន,ល្អាងល្ខោន, ល្អាងជ្រៃ, ល្អាងពេជ្រ, ល្អាងខ្វែង, ល្អាងប្រេង, ល្អាងស្ថានីយ ឬល្អាងធំ, ល្អាងក្បាលខ្មោច និងល្អាងប្រចៀវ។ ក្នុងចំណោមល្អាងទាំង ១២ ភ្ញៀវទេសចរ និយមចូលទស្សនាតែល្អាងផ្កាស្លា និងល្អាងល្ខោនប៉ុណ្ណោះ។
ការទស្សនាទិដ្ឋភាពហ្វូងសត្វប្រជៀវរាប់លានក្បាល ដែលហោះចេញពីល្អាងនៅពេលល្ងាច ដែលអ្នកស្រុកតែងនិយមនាំគ្នាហៅហ្វូងប្រជៀវទាំងនោះថា កងទ័ពប្រជៀវដ៏ក្លាហាន ជាចំណីទាក់ទាញអ្នកទេសចរចង់ទៅទស្សនាភ្នំសំពៅខណៈក្បួនហោះហើររបស់ហ្វូងប្រជៀវនេះប្រៀបបានទៅនឹងចរន្តទឹកហូរលើផ្ទៃអាកាស ដែលការហោះហើររបស់ហ្វូងសត្វប្រជៀវនៅចន្លោះម៉ោង ៥:៣០ នាទី ដល់ម៉ោង ៦:១៥នាទីល្ងាច គឺជាពេលវេលាដែលហ្វូងសត្វប្រជៀវចាប់ផ្ដើមហោះហើរបណ្ដែតខ្លួនចេញពីរូងភ្នំ ធ្វើឲ្យមានការចាប់អារម្មណ៍យ៉ាងខ្លាំងពីភ្ញៀវជាតិ និងអន្តរជាតិ ទើបនៅតំបន់មួយនេះ ត្រូវបានមន្ទីរទេសចរណ៍ខេត្តបង្កើនការកែច្នៃបន្ថែមដើម្បីទាញកំណើនភ្ញៀវក្រៅស្រុក កាន់តែមានកំណើនខ្ពស់៕
អត្ថបទ៖ សៅ សារិទ្ធ
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?