ព័ត៌មានជាតិ
ឯកឧត្ដម ហ៊ុន ម៉ានី ៖ «ការគិតគូរលើអនាគតរបស់ជាតិ មិនពឹងផ្អែកលើតួនាទី ឬ ឋានៈនោះទេ តែជាកាតព្វកិច្ចកូនខ្មែរគ្រប់ៗ រូប»
ឯកឧត្ដម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ លើកឡើងថា «ការគិតគូរលើអនាគតរបស់ជាតិ មិនពឹងផ្អែកលើតួនាទី ឬ ឋានៈនោះទេ តែជាកាតព្វកិច្ចរបស់កូនខ្មែរគ្រប់ៗ រូប»។
ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី អញ្ជើញជាអធិបតីភាពក្នុងពិធីជ្រើសរើសកន្លែងបំពេញការងាររបស់សិស្សមន្ត្រីជាន់ខ្ពស់ជំនាន់ទី ១២ និងសិស្សក្រមការជំនាន់ទី ១០ នៅសាលាភូមិន្ទរដ្ឋបាល កាលពីរសៀលថ្ងៃទី ៩ ខែឧសភា ឆ្នាំ ២០២៤។
នាឱកាសនោះ ឯកឧត្ដម ហ៊ុន ម៉ានី បានលើកឡើងបន្តថា ថ្ងៃនេះ ឯកឧត្ដម ហាក់មានអារម្មណ៍រំភើប ព្រោះថា នេះជាលើកទី ១ ដែល ឯកឧត្ដម បានឃើញ និងចូលរួមដោយផ្ទាល់ ក្នុងពេលដែលសិស្សមន្ត្រីជាន់ខ្ពស់ និងសិស្សមន្ត្រីក្រមការ នៃសាលាភូមិន្ទរដ្ឋបាល ជ្រើសរើសកន្លែងបំពេញការងាររបស់ខ្លួន។
ឯកឧត្ដម ហ៊ុន ម៉ានី លើកឡើងបន្តទៀតថា មិនថា សិស្សមន្ត្រីជាន់ខ្ពស់ និងសិស្សមន្ត្រីក្រមការ នឹងទៅបម្រើក្នុងស្ថាប័នណាក៏ដោយ ពួកគាត់គឺជាផ្នែកមួយ នៃរាជរដ្ឋាភិបាល ដែលរួមការងារជាមួយគ្នាក្នុងជវភាព នៃប្រព័ន្ធតួអង្គតែមួយ។
ឯកឧត្ដមឧបនាយករដ្ឋមន្ត្រី បន្ថែមថា ក្នុងន័យនេះ សូម សិស្សមន្ត្រីជាន់ខ្ពស់ និងសិស្សមន្ត្រីក្រមការ ផ្សារភ្ជាប់មាគ៌ាជីវិតរបស់ខ្លួន ជាមួយជោគវាសនារបស់ប្រទេសជាតិ ដើម្បីបម្រើប្រទេសជាតិ ក្នុងភាពជាអ្នកដឹកនាំប្រកបដោយសមត្ថភាព វិជ្ជាជីវៈ សេចក្ដីថ្លៃថ្នូរ មានចរិតបុគ្គលិកលក្ខណៈល្អ និងការទទួលខុសត្រូវខ្ពស់។
គួរជម្រាបថា សាលាភូមិន្ទរដ្ឋបាល បានបណ្ដុះបណ្ដាលសិស្សមន្ត្រីជាន់ខ្ពស់ជំនាន់ទី ១២ ចំនួន ៩២ នាក់ ដោយធ្វើការបែងចែកជា ៣ ជំនាញ គឺ ជំនាញរដ្ឋបាលសាធារណៈ ជំនាញសេដ្ឋកិច្ច និងហិរញ្ញវត្ថុ និងជំនាញទំនាក់ទំនងអន្តរជាតិ ដែលទទួលបានការបណ្ដុះបណ្ដាលរយៈពេល ២ ឆ្នាំ។
ទន្ទឹមនេះ សាលា ក៏បានបណ្ដុះបណ្ដាលសិស្សមន្ត្រីក្រមការជំនាន់ទី ១០ ចំនួន ១១៥ នាក់ ដែលទទួលបានការបណ្ដុះបណ្ដាលរយៈពេល ១ ឆ្នាំ។ ការបណ្ដុះបណ្ដាលទាំង ២ នេះ មានរួមបញ្ចូលដោយការចុះធ្វើកម្មសិក្សា ការសរសេររបាយការណ៍ និងការការពាររបាយការណ៍។
កាលពីម្សិលមិញ ទាំងសិស្សមន្ត្រីជាន់ខ្ពស់ និងសិស្សមន្ត្រីក្រមការ ដែលបានបញ្ចប់ការបណ្ដុះបណ្ដាលដូចបានរៀបរាប់ខាងលើ បានជ្រើសរើសទីកន្លែងបំពេញការងាររបស់ខ្លួនម្តងម្នាក់ៗ ដោយផ្ទាល់ ចំពោះមុខ ឯកឧត្ដម ហ៊ុន ម៉ានី តាមលំដាប់ពិន្ទុរបស់ខ្លួន និងតាមចំនួនក្របខណ្ឌដែលបានកំណត់៕
អត្ថបទ ៖ ពិសី
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ