ព័ត៌មានជាតិ
អ្នកនាំពាក្យការងារ អំពាវនាវរោងចក្រសហគ្រាស ត្រៀមលក្ខណៈ និងធានាសុវត្ថិភាពដល់កម្មករក្នុងរដូវភ្លៀងធ្លាក់
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានធ្វើការអំពាវនាវដល់រោងចក្រសហគ្រាសនានា ត្រៀមលក្ខណៈ និងធានាសុវត្ថិភាព ការពារសុខភាពជូនកម្មករ-និយោជិត ឱ្យបានល្អនៅក្នុងរដូវភ្លៀងធ្លាក់នេះ ដើម្បីធានាចង្វាក់ផលិតកម្មក្នុងរោងចក្រមាននិរន្តរភាព។
លោក កត្តា អ៊ន បានមានប្រសាសន៍នៅព្រឹកថ្ងៃទី ០៤ មិថុនា នេះថា ដើម្បីធានាចង្វាក់ផលិតកម្មជានិរន្តរ៍នារដូវវស្សានេះ និយោជកត្រូវយកចិត្តទុកដាក់ចំពោះកម្មករ-និយោជិតអំពីសុខភាព និងការធ្វើដំណើរ ក៏ដូចជាសុវត្ថិភាពការងារនៅកន្លែងការងារ និងយកចិត្តទុកដាក់ប្រព័ន្ធភ្លើង ប្រព័ន្ធសុវត្ថិភាពនានា កុំឱ្យមានឧបទ្ទវហេតុណាមួយកើតឡើងបង្កគ្រោះថ្នាក់ដល់កម្មករ-និយោជិត និងរោងចក្រ ក៏ដូចជាត្រៀមលក្ខណៈធានាសុវត្ថិភាពសម្ភារៈ ឧបករណ៍ និងទ្រព្យសម្បត្តិនានា ក្នុងករណីមានទឹកជំនន់ ព្រមទាំងសហការឱ្យបានទាន់ពេលវេលាជាមួយសមត្ថកិច្ច ដើម្បីបង្ការពេលមានគ្រោះទឹកជំនន់។
ជាមួយគ្នានេះ លោក កត្តា អ៊ន ក៏បានអំពាវនាវដល់កម្មករ-និយោជិត ត្រូវថែរក្សាសុខភាពឱ្យបានល្អនៅក្នុងរដូវភ្លៀងធ្លាក់នេះ ដើម្បីចៀសវាងនូវការឆ្លងជំងឺដង្កាត់នានាបណ្តាលមកពីការប្រែប្រួលអាកាសធាតុ ហើយពេលបើកបរត្រូវមានការប្រុងប្រយ័ត្ន និងគោរពច្បាប់ចរាចរ ក្នុងពេលមានភ្លៀង ដើម្បីចៀសវាងនូវគ្រោះថ្នាក់ផ្សេងៗ ផងដែរ។
លោក កត្តា អ៊ន បានបន្ថែមថា នៅពេលកម្មករ-និយោជិតទទួលបានសុខភាពល្អ នឹងចូលរួមចំណែកយ៉ាងសំខាន់ក្នុងការជំរុញ ក៏ដូចជាបង្កើនផលិតកម្មរោងចក្រសហគ្រាសឱ្យកាន់តែខ្ពស់បន្ថែមទៀតជួយលើកកម្ពស់ជីវភាពរស់នៅបានកាន់តែប្រសើរ។
គួរបញ្ជាក់ថា ជំងឺដែលតែងតែកើតឡើងនៅក្នុងរដូវភ្លៀងរួមមាន ជំងឺគ្រុនឈាម គ្រុនចាញ់ ជំងឺគ្រុនផ្តាសាយ ជំងឺគ្រុនក្តៅ ជំងឺចម្លងពីចំណីអាហារ ជំងឺចម្លងពីទឹក និងជំងឺអាសន្នរោគជាដើម។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បានឱ្យដឹងថា ដោយមានសម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាល នៃអាងទន្លេមេគង្គ និងសមុទ្រចិនខាងត្បូង ស្ថានភាពបែបនេះ នឹងធ្វើឱ្យរាជធានី-ខេត្តភាគច្រើន នៃប្រទេសកម្ពុជា អាចមានភ្លៀងផ្គររន្ទះ និងខ្យល់កន្ត្រាក់គ្របដណ្ដប់លើផ្ទៃដី ១៥% ចាប់ពីថ្ងៃទី ៣ ដល់ថ្ងៃទី ៥ ខែមិថុនា ឆ្នាំ ២០២៤៕
អត្ថបទ ៖ សំអឿន
នាយកប្រតិបត្តិក្រុមហ៊ុន Haeje Industry Development កោតសរសើរការរីកចម្រើននៅកម្ពុជា
លោកទេសរដ្ឋមន្ត្រី លី ធុជ ធ្វើសេចក្ដីថ្លែងការណ៍សង្ខេបស្តីពីស្ថានភាពសកម្មភាពមីននៅកម្ពុជា នៅចំពោះមុខស្ថានទូតប្រចាំកម្ពុជា និងក្រុមដៃគូអភិវឌ្ឍន៍ជាង៤០
១ឆ្នាំនៃអាណត្តិថ្មី សហជីពថា រដ្ឋផ្ដល់ដំណោះស្រាយសកម្មលឿនរហ័សធ្វើឱ្យគ្រប់គ្នារីករាយ និងសប្បាយចិត្ត
ក្រុមហ៊ុនកូរ៉េមួយ គ្រោងរៀបចំពិព័រណ៍គំនូរលើកទី២ ប្រមូលថវិការដើម្បីធ្វើមនុស្សធម៌
រដ្ឋមន្ត្រីក្រសួងរ៉ែ៖ តំបន់សេដ្ឋកិច្ចពិសេសខេត្តពោធិ៍សាត់ កំពុងទាក់ទាញប្រភេទឧស្សាហកម្មប្រើចំណេះ
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
មហាសេដ្ឋីបច្ចេកវិទ្យាអង់គ្លេសបាត់ខ្លួនក្នុងហេតុការណ៍លិចកប៉ាល់
ប្រទេសនៅអាស៊ីអាគ្នេយ៍ ព្រមានឲ្យប្រយ័ត្ន ក្រោយរកឃើញជំងឺ Mpox ឆ្លងក្នុងសហគមន៍
ក្រុមហ៊ុនអាកាសចរណ៍ថ្មីចំនួន ០៦ ទៀត គ្រោងភ្ជាប់ជើងហោះហើរត្រង់ មកអាកាសយានដ្ឋានសៀមរាបអង្គរ
រថយន្តនាំមុខក្បួនប្រតិភូអតីតយុទ្ធជន បុកជាមួយរថយន្តបែនដឹកដីពេញទំហឹង បណ្តាលឱ្យមានមនុស្សរបួសធ្ងន់ស្រាល២នាក់
-
ព័ត៌មានជាតិ៣ ថ្ងៃ agoនៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ agoនគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៥ ថ្ងៃ agoប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ agoសមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានជាតិ១៦ ម៉ោង agoព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម៥ ថ្ងៃ agoឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
សន្តិសុខសង្គម២ ថ្ងៃ agoឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
វប្បធម៌ ជំនឿ៦ ថ្ងៃ agoតំណម ៩ ប្រការ ហាមធ្វើដាច់ខាតក្នុងថ្ងៃសែនក្បាលទឹកក្នុងឆ្នាំ ២០២៤ នេះ