ឃាត់ខ្លួនស្ត្រីជនជាតិវៀតណាមម្នាក់យកថ្នាំញៀនបង្កប់ក្នុងប្រអប់​បាយទៅឲ្យជនជាប់ធ្វើចត្តាឡីស័ក

នារីជនជាតិវៀតណាមដ៍ស្រស់សោភាម្នាក់ត្រូវក្រុមសមត្ថកិច្ចយាមគោលដៅធ្វើចត្តាឡីស័ក ចាប់ឃាត់ខ្លួន ខណៈពេលដែល បានយកកញ្ចប់បាយបង្កប់ថ្នាំញៀន មកឲ្យស្ត្រីជនជាតិវៀតណាមដែលកំពុងជាប់ខ្លួនធ្វើចត្តាឡីស័កនៅក្នុងសណ្ឋាគារឆាងឆឹងកាសុីណូ។ ការឃាត់ខ្លួនបានធ្វើឡើង នៅម៉ោងប្រមាណ១០ព្រឹក ថ្ងៃទី ១៤ ខែមីនា ឆ្នាំ២០២១ នៅក្នុងសណ្ឋាគារឆាងឆឹងកាសុីណូ។​

សមត្ថកិច្ចប្រចាំការគោលដៅធ្វើចត្តាឡីស័ក បានឲ្យដឹងថា ជនសង្ស័យមាន ឈ្មោះ វិន គឹមហឹង ភេទស្រី អាយុ ២៨ ឆ្នាំ ជនជាតិវៀតណាម មុខរបរខារ៉ាអូខេ ៣៣៣ ស្នាក់នៅសណ្ឋាគារ ជិតតោពីរ ភូមិ៤ សង្កាត់ ៤ ក្រុងព្រះសីហនុ ខេត្តព្រះសីហនុ។

ជនសង្ស័យបានយកបាយមួយប្រអប់មកអោយនារីឈ្មោះ NGUYEN THUY LINH ដែលកំពុងធ្វើចត្តាឡីស័ក នៅក្នុងសណ្ឋាគារឆាងឆឹងកាសុីណូ។
បច្ចុប្បន្នជនសង្ស័យនិងវត្ថុតាងបានប្រគល់អោយកម្លាំងការិយាល័យប្រឆាំងការជួញដូរគ្រឿងញៀននៃស្នងការខេត្តព្រះសីហនុ ដើម្បីបន្តតាមនីតិវិធី៕

អត្ថបទ៖ស៊ុយ ចាន់ធា