ព័ត៌មានជាតិ
ដូងក្រអូបកំពុងមានទីផ្សារល្អ នៅក្នុងស្រុកមួយចំនួនជាប់ព្រំដែនថៃ
ដូងក្រអូប គឺជាប្រភេទដូងម្យ៉ាងដែលមានរាងរៅមិនខុសពីដូងតុកកែប៉ុន្មានឡើយ តែទំហំផ្លែតូចៗ ខុសពីដូងធម្មតា ឬដូងភ្លើងជាដើម ប៉ុន្តែសម្រាប់រសជាតិគឺទឹកដូងក្រអូប ផ្អែមក្រអូបឈ្ងុយដែលធ្វើឲ្យអ្នកផងទាំងឡាយចូលចិត្តពិសារ។
អ្នកស្រី សោ សុខារី ជានាយិកាសាលាបឋមសិក្សាលំផាត់ និងជាម្ចាស់ចម្ការដូងខ្នាតមធ្យម នៅក្នុងភូមិលំផាត់ ឃុំអូរដា ស្រុកកំរៀង ខេត្តបាត់ដំបង បានរៀបរាប់ថា ដីចំការទំនេរដែលនៅខាងក្រោយផ្ទះ គឺស្វាមីអ្នកស្រីបានទិញពូជដូងក្រអូបនេះយកមកដាំទាំងខាងមុខផ្ទះ និងទាំងខាងក្រៅផ្ទះ ព្រោះគិតថា ដូងនេះមានកម្ពស់ទាបៗ ផ្លែច្រើន។
អ្នកស្រីនាយិការបានបន្តថា ឥឡូវទើបតែប៉ុន្មានឆ្នាំប៉ុណ្ណោះដូងក្រអូបរបស់អ្នកស្រី ចាប់ផ្ដើមហុចផលជាបណ្ដើរៗហើយ ដោយទីផ្សារគឺមិនចាំបាច់យើងកាប់យកទៅលក់នោះឡើយ ព្រោះប្រភេទដូងក្រអូបនេះមានឈ្មួញចុះមកទិញដល់ផ្ទះតែម្ដង ដោយលក់បានតម្លៃសមរម្យ គឺជាង ១ ពាន់រៀល ក្នុងមួយផ្លែ ដូច្នេះអ្នកស្រីអាចទទួលយកបាន និងកំពុងបន្តគម្រោងក្នុងការដាំដូងក្រអូបនេះបន្ថែមទៀត ទៅលើដីដែលនៅសេសសល់។
អ្នកស្រីបានសង្កត់ធ្ងន់ថា បច្ចុប្បន្ននៅតាមភូមិក្នុងស្រុកចំនួន ៣ គឺស្រុកសំពៅលូន ស្រុកភ្នំព្រឹក និងស្រុកកំរៀង ក៏មានប្រជាពលរដ្ឋដាំដើមដូងក្រអូបនេះច្រើនគួរសមបន្ទាប់ពីខេត្តប៉ៃលិន ព្រោះកាលពីមុនឈ្មួញបានចុះទៅទិញដូងពីខេត្តប៉ៃលិនយកទៅលក់ក្នុងក្រុងបាត់ដំបង ប៉ុន្តែពេលនេះឈ្មួញបានលូកដៃមកដល់ស្រុកទាំងបីជាប់ព្រំដែនថៃហើយ ដូច្នេះសម្រាប់ទីផ្សារដូងក្រអូបមិនលំបាកទៀតឡើយ។
កន្លងមកយើងធ្លាប់តែឃើញអ្នកលក់ផ្លែដូងក្រអូបដែលដឹកតាមរថយន្តទៅឈប់សុំចតនៅតាមផ្លូវសាធារណៈ ឬនៅតាមសួនក្នុងក្រុងបាត់ដំបង ដើម្បីកាប់ផ្លែដូងលក់ជូនអតិថិជនដែលនិយមចូលចិត្តពិសារទឹកដូង បើទោះបីជាផ្លែដូងក្រអូបមានទំហំតូច ប៉ុន្តែទឹកវា ផ្អែមឈ្ងុយឆ្ងាញ់ពិសា។
សម្រាប់ការលក់ដូងក្រអូបនេះ អ្នកលក់ផ្លែដូងនេះមានវិធីសាស្រ្តចំនួន ពីរ យ៉ាងសម្រាប់លក់គឺ ផ្លែដូងដែលកាប់ក្បាលធម្មតាក្នុងមួយផ្លែតម្លៃ ២.៥០០ រៀល រីឯម្យ៉ាងទៀត គឺអ្នកលក់បានឆ្កឹះលលាដ៏ចេញទាំងអស់ដោយនៅសល់តែសាច់ដូង និងទឹកនៅខាងក្នុងងាយស្រួលឲ្យអតិថិជនពិសាទឹក ហើយបានញ៉ាំទាំងសាច់ដូងនោះថែមទៀត ដែលវិធីសាស្ត្ររបៀបនេះគឺអ្នកលក់ អាចបានកំណត់តម្លៃក្នុងមួយផ្លែ ៣.០០០ រៀល៕
អត្ថបទ : សោ និយមរ័ត្ន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម