ព័ត៌មានជាតិ

អាជ្ញាធរខណ្ឌ ៧ មករា ជំរុញ មន្ត្រីពាក់ព័ន្ធ យកចិត្តទុកដាក់ជាប់ជានិច្ចពី ហេដ្ឋារចនាសម្ព័ន្ធ ផ្លូវថ្នល់ ក្នុងមូលដ្ឋាន

បានផុស

១ year មុន

នៅ

ថ្ងៃចន្ទ ២៣ ធ្នូ ២០២៤

ដោយ

លោកអភិបាលខណ្ឌ ៧ មករា តែងតែជំរុញដល់មន្ត្រីពាក់ព័ន្ធគ្រប់ជំនាញ ទាំងហេដ្ឋារចនាសម្ព័ន្ធ ផ្លូវថ្នល់ បរិស្ថានអនាម័យ សន្តិសុខសណ្ដាប់ធ្នាប់សាធារណៈ ការបម្រើសេវាសាធារណៈជាដើម ឲ្យយកចិត្តទុកដាក់ជាប់ជាប្រចាំ ដើម្បីតម្រូវការរបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីព្រឹកថ្ងៃទី ២៣ ខែធ្នូ ឆ្នាំ ២០២៤ នេះ លោក ថេង សុថុល អភិបាល នៃគណៈអភិបាលខណ្ឌ ៧ មករា បានដឹកនាំប្រជុំត្រួតពិនិត្យ និងកែសម្រួលផែនការលទ្ធកម្ម ឆ្នាំ ២០២៥ របស់រដ្ឋបាលខណ្ឌ ៧ មករា និងការងារវាយតម្លៃលទ្ធផលប្រគល់ទទួលការងារជួសជុលលុបជង្ហុកសំបុកមាន់ដោយអ៊ុតកៅស៊ូ(AC) លើកំណាត់ផ្លូវចំនួន ២ ខ្សែ នៅផ្លូវលេខ ១៦៣ និងផ្លូវលេខ ១៦៩ ស្ថិតក្នុងសង្កាត់អូរឫស្សីទី ២ សង្កាត់មិត្តភាព និងសង្កាត់វាលវង់ ឆ្នាំ ២០២៤។

លោកអភិបាលបានសង្កត់ធ្ងន់ថា គ្រប់ការដ្ឋានក្រុមហ៊ុនវិនិយោគ ត្រូវតែគោរពតាមកិច្ចសន្យា ជួសជុលឲ្យត្រឹមត្រូវតាមលក្ខណៈបច្ចេកទេស ពន្លឿនការងារឲ្យឆាប់រហ័ស ធានាបាននូវគុណភាព មិនបង្កផលប៉ះពាល់ធ្ងន់ធ្ងរដល់ប្រជាពលរដ្ឋមានលំនៅដ្ឋានក្បែរទីតាំងការដ្ឋាន។

ប្រជាពលរដ្ឋខណ្ឌ ៧ មករា បានសម្ដែងក្ដីរីករាយ និងសាទរចំពោះសកម្មភាពអាជ្ញាធរខណ្ឌ ៧ មករា ជាពិសេស លោកអភិបាលខណ្ឌ តែងតែចុះដឹកនាំត្រួតពិនិត្យផ្ទាល់ៗ គ្រប់ការដ្ឋានកន្លងទៅ ក្នុងមូលដ្ឋាន និងបានសំណេះសំណាលជាមួយពលរដ្ឋផងដែរ។

ជាមួយនេះ អាជ្ញាធរ ក៏បានសំណូមពរដល់ប្រជាពលរដ្ឋទាំងអស់ក្នុងមូលដ្ឋាន សូមចូលរួមសហការជាមួយអាជ្ញាធរ ថែរក្សាបរិស្ថាន អនាម័យ សណ្ដាប់ធ្នាប់សាធារណៈទាំងអស់គ្នា ដើម្បីកាត់បន្ថយការកកស្ទះចរាចរណ៍ សោភ័ណភាពទីក្រុងស្រស់ស្អាត បរិស្ថានល្អ ពលរដ្ឋល្អ៕

អត្ថបទ ៖ សុភា

Related Topics:ខណ្ឌ ៧ មករា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា