ព័ត៌មានជាតិ

រង្វង់មូលទូកមាសខេត្តកំពង់ឆ្នាំងនឹងកសាងរួចរាល់ក្នុងពេលឆាប់ៗខាងមុខនេះ

បានផុស

៥ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

រង្វង់មូលទូកមាស គឺជាសមិទ្ធផលថ្មីមួយទៀតដែលរដ្ឋបាលខេត្តកំពង់ឆ្នាំងបាននឹងកំពុងកសាងឡើងយ៉ាងយកចិត្តទុកដាក់អស់រយៈពេល២ឆ្នាំហើយស្ថិតនៅក្នុងភូមិទី៦ សង្កាត់ខ្សាមក្រុងកំពង់ឆ្នាំង ខេត្តកំពង់ឆ្នាំង និងបានកំពុងជំរុញកសាងឲ្យរួចរាល់ក្នុងពេលឆាប់ៗខាងមុខនេះ ។

មន្ត្រីសាលាខេត្តកំពង់ឆ្នាំងបានបញ្ជាក់ឲ្យដឹងថា និមិត្តសញ្ញាទូកមាសនេះ មានដឹកកសិផលផ្សេងៗរបស់ប្រជាកសិករតំណាងឱ្យការរីកចម្រើនលូតលាស់លើគ្រប់វិស័យរបស់ប្រជាកសិករ នៅក្នុងខេត្តកំពង់ឆ្នាំង ក្រោមការដឹកនាំដ៏ឈ្លាសវៃរបស់សម្ដេចមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជា ណាចក្រកម្ពុជា ។ រង្វង់មូលទូកមាសនេះបានចាប់កសាងឡើងនៅថ្ងៃទី១៥ ខែមីនា ឆ្នាំ២០១៩ ដើម្បីស្វាគមន៍បុណ្យទន្លេនៅក្នុងខេត្តកំពង់ឆ្នាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមគម្រោងប្លង់កសាងរង្វង់មូលទូកមាស ដែលមានចុះហត្ថលេខាគ្រប់ស្ថាប័នពាក់ព័ន្ធ រួមនិងអភិបាលខេត្តកំពង់ឆ្នាំង និងប្រធានក្រុមប្រឹក្សាខេត្តកំពង់ឆ្នាំង បានបញ្ជាក់ឲ្យដឹងថា រង្វង់មូលទូកមាសនេះមានបរិវេណដ៏ធំទូលាយ មានសួនច្បារមានដាំដើមឈើជុំវិញមាន ផ្លូវចំនួន៦ខ្សែ ចេញពីផ្លូវជាតិលេខ៥មកប្រសព្វគ្នានៅចំណុចរង្វង់មូលនេះ ដែលអាចបង្កើតបាននូវរមណីយដ្ឋានទេសចរណ៍ដល់ស្រស់ត្រកាលគួរឱ្យទាក់ ទាញមួយសម្រាប់ភ្ញៀវ ទេសចរគ្រប់ រូបដែលបានធ្វើ ដំណើរមកកាន់ទឹក ដី ឬទ្ធីសែន នាងកង្រី នៃខេត្តកំពង់ឆ្នាំង។

តាមការពិនិត្យតាមដានដោយផ្ទាល់ក្នុងរយៈពេលចុងក្រោយនេះរដ្ឋបាលខេត្តកំពង់ឆ្នាំង បានខិតខំជំរុញការកសាងផ្លូវបេតុងយ៉ាងសកម្មនិងរឹងមាំជុំវិញរង្វង់មូលទូកមាសនេះ

ដែលគិតមកឡើងពេលនេះការកសាងផ្លូវបេតុងធ្វើបានប្រមាណ៥០% ហើយ ។ ជាមួយគ្នានេះដែររដ្ឋបាលខេត្តក៏បានជំរុញការកសាងសួនច្បារតាមផ្លូវប្រសព្វគ្នានៅជុំវិញរង្វង់រង្វង់មូលទូកមាសនេះ និងដាំដើមឈើប្រណិតនានាមួយចំនួនផងដែរ ។ ដោយឡែកនៅពេលយប់រដ្ឋបាលខេត្តក៏បានតាំងភ្លើងចម្រុះពណ៌លំអររង្វង់មូលទូកមាសឲ្យមា នសម្រស់យ៉ាងល្អសោភាផងដែរ។

សមិទ្ធិផលថ្មី១នេះបានបញ្ជាក់យ៉ាងច្បាស់នូវភាពរីកចម្រើនឥតឈប់ឈររបស់ខេត្តកំពង់ឆ្នាំង ក្រោមការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន ប្រមុខរាជ រដ្ឋាភិបាលកម្ពុជាដែលធ្វើឱ្យជីវភាពប្រជាពលរដ្ឋរស់នៅតាមបណ្ដាលខេត្តក្រុងក្នុងព្រះរាជាណាចក្រកម្ពុ ជា កាន់តែប្រសើរឡើងក្រោមម្លប់សន្តិភាព៕

អត្ថបទ ៖ ឈៀងថារិទ្ធ

Related Topics:រដ្ឋបាលខេត្តកំពង់ឆ្នាំង

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា