ព័ត៌មានជាតិ
សួនច្បារបាញ់ទឹកមុខសាលាខេត្តកំពង់ឆ្នាំងជួសជុលសម្រេច៩០% អាចនឹងដាក់ឲ្យប្រើប្រាស់នៅថ្ងៃ៧មករា
សួនច្បារមុខសាលាខេត្តកំពង់ឆ្នាំងបានដំណើរការជួសជុលជិតមួយឆ្នាំហើយ ដែលពីមុនជាសួនកុមារឥឡូវនេះរដ្ឋបាលខេត្តបានជួសជុលជាសួនច្បារបាញ់ទឹកញាក់តាមចង្វាក់ភ្លេង តែនៅក្នុងពេលនេះជួសជុលកសាងបានប្រមាណ៩០% ហើយ ដោយសង្ឃឹមថា នឹងអាចរួចរាល់ដាក់ឲ្យប្រើប្រាស់នៅថ្ងៃទី៧មករា ឆ្នាំ២០២៣ ខាងមុខនេះ។
តាមការផ្ដិតយករូបភាពជាក់ស្ដែងនៅព្រឹកថ្ងៃទី២៦ ខែធ្នូឆ្នាំ២០២២ នេះ យើងពិនិត្យឃើញក្នុងសួនច្បារ ឯកឧត្តមអភិបាលខេត្តកំពង់ឆ្នាំង បានកសាងបង្គោលថ្មធំៗ និងមានកម្ពស់ខ្ពស់៣៣ដើម ដាក់អំពូលហ្វាធំៗនៅមុំទាំងបីនៃសួនច្បារ។ នៅកណ្ដាលសួនច្បារមានអាងទឹកដ៏ធំមួយដែលក្រុមជាងបច្ចេកទេសកំពុងរៀបចំប្រព័ន្ធទឹកឲ្យបាញ់ឡើងទៅលើញាក់តាមចង្វាក់ភ្លេង។ នៅក្នុងបរិវេណសួនច្បារក៏មានការដាំលម្អស្មៅផងដែរ ។ ចំណែកនៅចន្លោះដើមស្វាយជាប់ចិញ្ចើមផ្លូវជុំវិញសួនច្បារ ក៏មានរៀបចំធ្វើជាចំណតរថយន្តសម្រាប់ភ្ញៀវមកលេងកំសាន្តក្នុងសួនច្បារនេះផងដែរ។
សួនច្បារថ្មីនេះក៏ជាសមិទ្ធផលថ្មីមួយទៀតក្នុងអាណត្តិដឹកនាំរបស់ឯកឧត្តម ស៊ិន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ដែលប្រជាពលរដ្ឋសង្ឃឹមថា នៅថ្ងៃទី៧ ខែមករា ជាទិវាជ័យជំនះរបបកម្ពុជាប្រជាធិបតេយ្យប៉ុលពតប្រល័យពូជសាសន៍ សួនច្បារខាងលើនេះ នឹងដំណើរការទទួលស្វាគមន៍ភ្ញៀវមកលេងកម្សាន្តជាក់ជាមិនខានឡើយ ។
ដោយឡែកនៅក្នុងខែមេសា ជាខែចូលឆ្នាំប្រពៃណីជាតិ សួនច្បារមួយនេះអាចជាកន្លែងរៀបចំសង្ក្រាន្តចូលឆ្នាំថ្មី លើទឹកដីខេត្តកំពង់ឆ្នាំង ដែលនឹងមានការរៀបចំពិធីតាំងពិពណ៌លក់ដូរផលិតផលនានាដែលជាស្នាដៃរបស់ប្រជាពលរដ្ឋក្នុងខេត្តកំពង់ឆ្នាំង។ និងក៏មានរៀបចំកម្មវិធីប្រគុំតន្ត្រីសម័យពេលថ្ងៃ និងពេលយប់រាំលេងកម្សាន្តដូចជារៀងរាល់ឆ្នាំនៅក្នុងសួនច្បាស់នេះផងដែរ ដែលធ្វើឲ្យប្រជាពលរដ្ឋក្នុងខេត្តកំពង់ឆ្នាំងបានសប្បាយរីករាយនៅក្រោមម្លប់នៃសុខសន្តិភាព៕
អត្ថបទ៖ ឈៀង ថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ