Connect with us

ព័ត៌មានជាតិ

អ្នកនាំពាក្យ៖ជំងឺកូវីដ១៩មិនធ្វើឲ្យប៉ះពាល់ដល់គម្រោងស្ថាបនាហេរដ្ឋារចនាសម្ព័ន្ធក្នុងខេត្តព្រះសីហនុទេ

បានផុស

នៅ

ទោះបីជាមានការរាតត្បាតជំងឺកូវីដ១៩យ៉ាងណាក៏ដោយ ដំណើរការស្ថាបនាហេដ្ឋារចនាសម្ព័ន្ធនានា ពិសេសផ្លូវ៣៤ខ្សែនៅក្នុងខេត្តព្រះសីហនុនៅតែបន្តជាធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាង ភារម្យ អ្នកនាំពាក្យសាលាខេត្តព្រះសីហនុបានមានប្រសាសន៍នៅរសៀលថ្ងៃទី២២មីនានេះថា៖ «ការរីករាលដាលនៃជំងឺកូវីដ១៩នៅក្នុងខេត្តព្រះសីហនុដែលទាក់ទងទៅនឹងព្រឹត្តិការណ៍សហគមន៍២០កុម្ភៈ មិនមានការប៉ះពាល់ដល់គម្រោងនៃការស្ថាបនាហរដ្ឋារចនាសម្ព័ន្ធក្នុងខេត្តទេ ពោលគឺនៅតែដំណើរការជាធម្មតា»។

លោកបានបន្តថា ផ្លូវធំតូចសរុបចំនួន៣៤ខ្សែដែលមានប្រវែងជាង៨២គីឡូម៉ែត្រនៅក្រុងព្រះសីហនុបានដំណើរការអ៊ុតកៅស៊ូ អាសេហើយគ្រោងនឹងបញ្ចប់រួចរាល់នៅមុនចូលឆ្នាំខ្មែរខាងមុខនេះខណៈការចាក់បេតុងបាន១០០% ហើយ។

សូមបញ្ជាក់ថា រាជរដ្ឋាភិបាលបានសម្រេចទម្លាក់កញ្ចប់ថវិកាជាតិរហូតដល់ទៅប្រមាណ ៣០០លានដុល្លារអាមេរិក ដើម្បីសាងសង់ផ្លូវធំតូចសរុបចំនួន៣៤ខ្សែ មានប្រវែងផ្លូវសរុប៨២.១៤៥គីឡូម៉ែត្រ នៅក្នុងក្រុងព្រះសីហនុដើម្បីលើកកម្ពស់សោភ័ណភាព និងសម្រួលដល់ការធ្វើចរាចរណ៍នៅក្នុងព្រះសីហនុ ដែលទីគោលដៅទេសចរណ៍ និងសេដ្ឋកិច្ចដ៏សំខាន់របស់កម្ពុជានៅភាគនិរតីនោះ។

ផ្លូវទាំង៣៤ខ្សែនេះបានចាប់ផ្តើមបើកការដ្ឋានសាងសង់ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី១៦ ខែវិច្ឆិកា ឆ្នាំ២០១៩កន្លងទៅនេះ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម