ព័ត៌មានជាតិ

ពលរដ្ឋខេត្តតាកែវ និងកណ្តាល ទទួលអាទិភាពបម្រើការងារនៅអាកាសយានដ្ឋានអន្តរជាតិតេជោ

បានផុស

៧ ថ្ងៃ មុន

នៅ

ថ្ងៃសៅរ៍ ២២ មីនា ២០២៥

ដោយ

ខណៈដែលអាកាសយានដ្ឋានអន្តរជាតិតេជោ គ្រោងបើកឲ្យដំណើរការនៅអំឡុងខែកក្កដាខាងមុខនេះ អាកាសយានដ្ឋានដ៏ធំលំដាប់ 4F នេះ មានសមត្ថភាពទទួលអ្នកដំណើរប្រមាណ ១៥ លាននាក់ក្នុងមួយឆ្នាំនៅដំណាក់កាលទីមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសាងសង់នៅលើផ្ទៃដីទំហំ ២ ៦០០ ហិកតា ប្រើទុនវិនិយោគខ្ទង់ ១ ៥០០ លានដុល្លារ នៅពេលដាក់ឲ្យដំណើរការ អាកាសយានដ្ឋានដ៏ធំចំណាត់ថ្នាក់ទី ៩ លើពិភពលោកនេះ នឹងផ្តល់ឱកាសការងារដល់ពលរដ្ឋក្នុងស្រុករាប់ពាន់នាក់។ នេះបើតាមអ្នកឧកញ៉ា ឆារស៍ វ៉ាន់ អភិបាលក្រុមហ៊ុន Cambodia Airport Investment ដែលគ្រប់គ្រងអភិវឌ្ឍន៍អាកាសយានដ្ឋានអន្តរជាតិតេជោ។

ពាក់ព័ន្ធដំណើរការជ្រើសរើសបុគ្គលិកបម្រើការងារនៅអាកាសយានដ្ឋានអន្តរជាតិតេជោ អ្នកឧកញ៉ា ឆារស៍ វ៉ាន់ អភិបាលក្រុមហ៊ុន Cambodia Airport Investment និងជាអភិបាលក្រុមហ៊ុនកាណាឌីយ៉ាគ្រុបបានថ្លែងថា ក្រុមហ៊ុននឹងនៅបន្តអនុវត្តគោលការណ៍ ក្នុងការផ្តល់ឱកាសការងារដល់ពលរដ្ឋនៅក្នុងមូលដ្ឋាន ដោយផ្តល់អាទិភាពជាពិសេសសម្រាប់ពលរដ្ឋរស់នៅនៅក្នុងខេត្តកណ្តាល និងខេត្តតាកែវ។

អ្នកឧកញ៉ា ឆារស៍ វ៉ាន់ បានថ្លែងយ៉ាងដូច្នេះថា សូម្បីនៅដំណាក់កាលសាងសង់ ក្រុមហ៊ុនក៏ជ្រើសរើសឲ្យអស់លទ្ធភាពពលរដ្ឋក្នុងមូលដ្ឋានជុំវិញសម្រាប់បម្រើការងារ ហើយនៅពេលដាក់ឲ្យដំណើរការនៅពេលខាងមុខ ក្រុមហ៊ុននៅតែបន្តគោលការណ៍ក្នុងការផ្តល់ឱកាសការងារ ដែលអាទិភាពគឺពលរដ្ឋដែលមានមូលដ្ឋានរស់នៅក្នុងខេត្តកណ្តាលនិងខេត្តតាកែវ សម្រាប់បម្រើការងារតាមផ្នែកនិងជំនាញក្នុងអាកាសយានដ្ឋាន៕