សម្តេចក្រឡាហោម នឹងស្នើសម្តេចធិបតី សម្ពោធដាក់ឲ្យប្រើប្រាស់អគារវិទ្យាល័យ នេត យ៉ង់ ក្រោយបញ្ចប់ការសាងសង់

សម្តេចក្រឡាហោម នឹងស្នើសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីអញ្ជើញជាអធិបតីភាពសម្ពោធដាក់ឲ្យ ប្រើប្រាស់អគារសិក្សាវិទ្យាល័យ នេត យ៉ង់ ក្រោយបញ្ចប់ការសាងសង់។

ការថ្លែងនេះ ខណះដែលសម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត និងជាអ្នកតំណាងរាស្ត្រមណ្ឌល បាត់ដំបង កាលពីព្រឹកថ្ងៃទី ២៣ ខែមីនា ឆ្នាំ២០២៥ បានអញ្ជើញជាអធិតីក្នុងពិធីបញ្ចុះបឋមសិលាបើកការដ្ឋាន​សាង​សង់អគារសិក្សាវិទ្យាល័យ នេត យ៉ង់ ស្ថិតភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

ក្នុងឱកាសនោះ សម្តេចបានថ្លែងអរគុណចំពោះរដ្ឋបាលខេត្ត លោកគ្រូ អ្នកគ្រូ សាស្ត្រាចារ្យ សិស្សានុសិស្សទាំងអស់នៅក្នុង វិទ្យាល័យ នេត យ៉ង់ បានគាំទ្រ ជួយសម្របសម្រួលអនុញ្ញាត​ឲ្យ​បានរៀបចំនូវការសាងសង់អគារនេះ។ ខណះការសាងសង់សម្តេចបានស្នើឲ្យ​ក្រុមហ៊ុនសាងសង់ ពិនិត្យគុណភាពសំណង់ជាចំបង រៀបចំតាមស្តង់ដារច្បាស់លាស់ និងយកចិត្តទុកដាក់លើគុណភាព សម្ដេចក៏បានស្នើ​ស្នើ​លោកគ្រូ អ្នកគ្រូ សិស្សានុសិស្ស ចូលរួមថែរក្សាអនាម័យ នៅក្នុងសាលាទាំងអស់គ្នាឲ្យបានល្អប្រសើ ដើម្បីសុខភាពនិងបរិស្ថានល្អផងដែរ។

ការសាងសង់អាគារសិក្សានេះ សម្តេចក៏សង្ឃឹមថា ឯកឧត្តម លោកជំទាវ អស់លោក លោកស្រី ទាំងអស់ នឹងចូលរួម គាំទ្រតាមលទ្ធភាព ដែលអាចធ្វើទៅបាន ហើយក៏សូមអោយលោកគ្រូ អ្នកគ្រូ សាស្ត្រាចារ្យ នាយក នាយករង ថ្នាក់ដឹកនាំសា លា និងមន្ទីរអប់រំ យុវជននិងកីឡា ខេត្តបាត់ដំបង មេត្តាចូលរួមគាំទ្រដើម្បីការអភិវឌ្ឍការសាងសង់នូវអាគារសិក្សា ដែលបើក ការដ្ឋានថ្ងៃនេះ ផងដែរ។

សម្ដេច មានប្រសាសន៍បញ្ជាក់ថា បន្ទាប់អគារសាងសង់រួច សម្តេចនឹងស្នើសូមសម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី អញ្ជើញជាអធិបតីភាពសម្ភោធដាក់ឲ្យប្រើប្រាស់ផងដែរ៕

អត្ថបទ៖ សៅ សារិទ្ធ