ព័ត៌មានជាតិ

កោះចំនួន ១០ លើលំហសមុទ្រកម្ពុជា បានតភ្ជាប់អគ្គិសនីពីបណ្តាញជាតិប្រើប្រាស់

បានផុស

៥ ម៉ោង មុន

នៅ

ថ្ងៃព្រហស្បតិ៍ ១ ឧសភា ២០២៥

ដោយ

ប្រមុខរដ្ឋាភិបាលបានថ្លែងថា បណ្តាកោះមួយចំនួននៅលំហសមុទ្រកម្ពុជាបានតភ្ជាប់អគ្គិសនីពីបណ្តាញជាតិរួចរាល់ ដើម្បីជួយសម្រួលការរស់នៅ និងបំពេញតម្រូវការប្រើប្រាស់ប្រចាំថ្ងៃរបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងចេញពីវេទិកាក្នុងពិធីជួបសំណេះសំណាលជាមួយមន្រ្តីរាជការបុគ្គលិក កម្មករ និយោជិត កំពង់ផែស្វយ័តក្រុងព្រះសីហនុ នាឱកាសខួបអនុស្សាវរីយ៍លើកទី ១៣៩ នៃទិវាពលកម្មអន្តរជាតិ ១ ឧសភា ឆ្នាំ២០២៥ នៅព្រឹកមិញនេះ នាយករដ្ឋមន្រ្តីកម្ពុជាសម្តេចធិបតី ហ៊ុន ម៉ាណែត បានថ្លែងថា បច្ចុប្បន្នអគ្គិសនីកម្ពុជាបានបញ្ចប់ការតភ្ជាប់អគ្គិសនីពីបណ្តាញជាតិចូលទៅដល់បណ្តាកោះមួយចំនួនក្នុងខេត្តព្រះសីហនុ និងខេត្តកោះកុងក្នុងនោះរួមមានកោះរ៉ុង កោះស្រមោច កោះថ្មី កោះទទឹង កោះអំពិលតូច កោះអំពិលធំ កោះសាមិត កោះម្នាស់ កោះស្មាច់ និងកោះស្តេច។

បន្ថែមពីនេះ រដ្ឋាភិបាលក៏កំពុងរៀបចំអូសខ្សែបញ្ជូនអគ្គិសនីពីក្រោមបាតសមុទ្រភ្ជាប់ពីកោះរ៉ុង ទៅកោះរ៉ុងសន្លឹមដែលគ្រោងចំណាយថវិកាប្រមាណ ៣ លានដុល្លារ និងបញ្ចប់នៅឆ្នាំ ២០២៥ រួមទាំងអូសខ្សែអគ្គិសនីពីក្រោមស្ពានទៅកោះពស់ដើម្បីបំពេញតម្រូវការប្រើប្រាស់ថែមទៀត៕