ព័ត៌មានជាតិ
លទ្ធផលសមាជរដ្ឋសភា ព្រឹទ្ធសភា បានទទួលយកការបកស្រាយ និងគាំទ្រលើរដ្ឋាភិបាល
សមាជរដ្ឋសភា ព្រឹទ្ធសភា បានបញ្ចប់ទៅនៅយប់ថ្ងៃទី៣ ខែមិថុនា ដោយបានអនុម័តសេចក្ដីសម្រេចចំនួន៣ទាក់ទងនឹងប្រព័ន្ធគាំពារសង្គម សេដ្ឋកិច្ចក្រៅប្រព័ន្ធ និងកសិកម្ម។ សេចក្ដីសម្រេចនេះមានន័យថា ជាការគាំទ្រ និងជំរុញការអនុវត្តន៍គោលនយោបាយរបស់រដ្ឋាភិបាល និងអំពាវនាវដល់ប្រជាពលរដ្ឋបន្តគាំទ្ររដ្ឋាភិបាលក្នុងការអនុវត្តន៍វិស័យទាំង៣ខាងលើ។
អគ្គលេខាធិការព្រឹទ្ធសភាលោក ឡាយ សំកុល បានបញ្ជាក់ក្នុងសន្និសីទសារព័ត៌មានបន្ទាប់ពីបញ្ចប់សមាជរដ្ឋសភា ព្រឹទ្ធសភា កាលពីយប់ថ្ងៃទី៣ ខែមិថុនា នៅវិមានរដ្ឋសភាថា តាមរយៈក្ដីសម្រេចទាំងបីនោះមានន័យរួមថា អង្គសមាជគាំទ្រទាំងស្រុងដល់គោលនយោបាយរបស់រដ្ឋាភិបាល ដោយចាត់ទុកជាយុទ្ធសាស្ត្រដ៏ត្រឹមត្រូវដោយលើកទឹកចិត្តដល់រដ្ឋាភិបាលបន្តអនុវត្តន៍ផែនការ សកម្មភាព ស្វែងរកដំណោះស្រាយបំពេញតម្រូវការបន្ថែមទៀត និងអំពាវនាវដល់ប្រជាពលរដ្ឋទាំងអស់គាំទ្រដល់រដ្ឋាភិបាលក្នុងការអនុវត្តន៍ការងារលើវិស័យទាំង៣នេះដែរ។
ក្នុងសមាជរយៈពេល២ថ្ងៃនេះមានសមាជិករដ្ឋសភា និងព្រឹទ្ធសភា ចំនួន៦០រូបបានឡើងថ្លែងមតិយោបល់ កង្វល់ និងអនុសាសន៍ និងត្រូវបាននាយករដ្ឋមន្រ្តី ព្រមទាំងតំណាងរដ្ឋាភិបាលបកស្រាយផងដែរ។
បន្ថែមលើនេះអគ្គលេខាធិការរងរដ្ឋសភាលោក កែវ ពិសិដ្ឋ បញ្ជាក់ថា កង្វល់និងអនុសាសន៍ទាំងនេះគ្រាន់តែជាចំណុចដែលរដ្ឋាភិបាលបានដាក់ចូលក្នុងគោលនយោបាយសកម្មភាព និងបានប្ដេជ្ញារួចហើយទើបសមាជចេញសេចក្ដីសម្រេចដែលមានលក្ខណៈជាការគាំទ្រ មិនមែនជាការការសម្រេចបង្គាប់បញ្ជានោះទេ។
លោកថា៖ «ត្រូវការការសហការជំរុញគ្នា! មិនមែនជាការចាប់បង្ខំគ្រប់តែរឿងត្រូវចាប់បង្ខំ ហើយបើ១០០រឿងយើងទៅដាក់ចេញនូវសេចក្ដីសម្រេចឱ្យរដ្ឋាភិបាលដោះស្រាយបញ្ហាតូចៗហ្នឹងទាំង១០០ក៏អត់បានដែរ។ អ៊ីចឹងក្ដីសម្រេចគឺមានលក្ខណៈទូលំទូលាយដែលមានភាពបត់បែនក្នុងការអនុវត្តឱ្យបានជោគជ័យ»។
គួរឱ្យដឹងផងដែរថាសមាជរដ្ឋសភា ព្រឹទ្ធសភា លើកដំបូងនៅកម្ពុជាបានរៀបចំរយៈពេល២ថ្ងៃ នៅវិមានរដ្ឋសភា ភ្នំពេញ ដោយតំណាងរាស្ត្របានសួរដេញដាល លើកកង្វល់ និងផ្ដល់អនុសាសន៍ដល់រដ្ឋាភិបាលឱ្យបកស្រាយ និងទទួលយកទៅដោះស្រាយផងដែរ។ សេចក្ដីសម្រេចរបស់អង្គសមាជទាំង៣ប្រធានបទបានក្លាយជាឯកសារគតិយុត្តិមានតម្លៃខ្ពស់បំផុត ដែលនឹងក្លាយជាត្រីវិស័យគាំទ្រ និងលើកទឹកចិត្តដល់រដ្ឋាភិបាល អនុវត្តកម្មវិធីនយោបាយកាន់តែមានប្រសិទ្ធភាពក្នុងការបម្រើឧត្តមផលប្រយោជន៍ប្រទេសជាតិនិងប្រជាជន៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ