រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ

នៅព្រឹកថ្ងៃទី២១ ខែកក្កដា ឆ្នាំ២០២៥ នេះ មន្ត្រីរដ្ឋបាលខេត្ត និងមន្ត្រីពន្ធនាគារខេត្តតាកែវ បានចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលបម្រើការងារក្នុងក្របខ័ណ្ឌមន្រ្តីពន្ធនាគារ សម្រាប់ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបង្ហោះនៅលើទំព័រហ្វេសប៊ុរបស់ករដ្ឋបាលខេត្តតាកែវ ការចែកពាក្យនេះ ធ្វើឡើងនៅទីតាំង អតីតសណ្ឋាគារខេត្ត (អូតែលខេត្ត) ខាងជើងសាលាខេត្តចាប់ពីវេលាម៉ោង ៧:០០ព្រឹក ដល់ម៉ោង ១១:៣០នាទី និងវេលាម៉ោង ១៤:០០នាទី ដល់ម៉ោង ១៧:៣០នាទីរសៀល។ ការផ្ដល់ពាក្យនេះ គឺចាប់ពីថ្ងៃទី ២១ ដល់ថ្ងៃទី ២៥ ខែកក្កដា ឆ្នាំ២០២៥។ ចំណែកការទទួលពាក្យ ចាប់ពីថ្ងៃទី២៨ ខែកក្កដា ដល់ថ្ងៃទី១ ខែសីហា ឆ្នាំ២០២៥។

សម្រាប់បេក្ខជន បេក្ខនារី ដែលមានចំណាប់អារម្មណ៍ចង់ចូលបម្រើការងារនៅពន្ធនាគារខេត្តតាកែវ អាចទៅទទួលពាក្យស្នើសុំ ដើម្បីដាក់ពា្យប្រឡងប្រជែងជ្រើសរើសក្របខ័ណ្ឌមន្រ្តីពន្ធនាគារ សម្រាប់ឆ្នាំ២០២៥ នេះតាមរយៈទីតាំងខាងលើ៕